భార్యాభర్తలు చాలా విషయాల్లో తూర్పు పడమరగా ఉంటారనేది అందరూ అంగీకరించే నిజం. ప్రేమికులు అయితే ఏకాభిప్రాయంతో ఉంటారు కాని మొగుడూ పెళ్లాలు కాదనేది సార్వత్రికంగా అంగీకరించిన విషయం. ఇక శృంగారం విషయంలోనూ స్త్రీ, పురుషుల అభిప్రాయాలు వేర్వేరుగా ఉంటాయట. రోజులో ఏ సమయంలో శృంగారంలో పాల్గొనాలనే విషయంలో కూడా ఇద్దరకీ వేర్వేరు అభిప్రాయాలుంటాయట. ఈ విషయం ఓ సంస్థ చేసిన సర్వేలో తేలినట్లు 'డెయిలీ మెయిల్‌' అనే పత్రిక వెల్లడించింది.పురుషులు ఓ రోజును శృంగారంతో ప్రారంభించాలనుకుంటే, మహిళలు మాత్రం సెక్స్‌తో ముగించాలనుకుంటారట. పురుషులకు రోజూ ఉదయం ఐదు గంటల నుంచి తొమ్మిది గంటల మధ్యలో శృంగార కోరికలు ఎక్కువగా కలుగుతాయట. ఇక మహిళల విషయానికి వస్తే భోజనం ముగించిన తర్వాత రాత్రి 11 నుంచి రెండు గంటల వరకు వారికి శృంగార వాంఛలు బలంగా ఉంటాయట.అయితే 16 శాతం మంది పురుషులకు మాత్రమే రాత్రి భోజనం తర్వాత శృంగారంలో పాల్గొనాలని అనిపిస్తుందట. అయితే, స్త్రీ, పురుషులకు శృంగారం విషయంలో వేర్వేరు అభిప్రాయాలున్నా వారి దాంపత్యానికి అవేం అడ్డుగోడలు కావటం లేదని కూడా తేల్చారు.