#Koushal #Bigboss2 #HousewarmingCeremony #BiggBoss #BiggBoss2Telugu #BiggBossTelugu2

నటుడు కౌశల్ ఓ ఇంటివాడయ్యాడు. తన భార్య పిల్లలతో కలిసి కొత్త ఇంట్లోకి అడుగు పెట్టాడు. దీనికి సంబంధించిన ఫోటోలు, వీడియో సోషల్ మీడియాలో హల్‌చల్ చేస్తున్నాయి. ఆ వీడియోలో కౌశల్ తన భార్యా పిల్లలతో కలిసి సంప్రదాయ పద్ధతిలో గృహప్రవేశం చేస్తున్నట్లుగా ఉంది. పట్టు వస్త్రాలు ధరించిన కౌశల్ దంపతలిద్దరూ ఇంటి గుమ్మం ముందు గుమ్మడి కాయ కొట్టి నూతన గృహంలోకి అడుగు పెట్టారు. కౌశల్ టెలివిజన్ నటుడు, మోడల్, బిజినెస్ మాన్ , యాడ్స్ కు దర్శకత్వం చేస్తాడు. ఈ మల్టీ టాలెంటెడ్ పర్సన్ బుల్లి తెరతో పాటు అనేక సినిమాలలో నటించాడు. చక్రవాకం సీరియల్, రాజకుమారుడు, వెంకీ, మిస్టర్ పెరఫెక్ట్ వంటి అనేక సినిమాల్లో కౌశల్ క్యారెక్టర్ ఆర్టిస్టుగా నటించాడు.

అలాగే ద లుక్స్ ప్రొడక్షన్స్ అనే మోడల్ మేనేజ్‌మెంట్ ఏజన్సీని స్థాపించి సుమారు 230కి పైగా వాణిజ్య ప్రకటనలను రూపొందించాడు. తెలుగు టీవీ చరిత్రలో సంచలనం సృష్టించిన బిగ్ బాస్ సీజన్ 2 లో కౌశల్ విజేతగా నిలిచిన విషయం తెలిసిందే. ప్రముఖ హీరో విక్టరీ వెంకటేష్, నాని చేతుల మీదుగా కౌశల్ బిగ్‌బాస్ ట్రోఫిన్ గెలుచుకోవడంతో పాటు.. రూ.50 లక్షల నగదును అందుకున్నాడు. బిగ్‌బాస్ ముందు వరకు కూడా చాలా కొద్ది మందికి మాత్రమే తెలిసిన కౌశల్.. బిగ్‌బాస్ విజేతగా రెండు తెలుగు రాష్ట్రాల్లో విపరీతమైన ఫ్యాన్ ఫాలోయింగ్ సంపాదించుకున్నాడు.