విద్యార్థి విప్లవోద్యమ నాయకుడు జార్జ్ రెడ్డి కథతో తెరకెక్కిన సినిమా జార్జిరెడ్డి. ఈనెల 22న ఈ సినిమా ప్రేక్షకుల ముందుకు రానున్నది. ఈ సినిమాపై చిరంజీవి ప్రశంసల వర్షం కురిపించారు. జార్జిరెడ్డి అనే పేరుతో తనకున్న జ్ఞాపకాలను పంచుకున్నారు. అలాగే సినిమాలో కీలకంగా వచ్చే అడుగడుగుడు మా ప్రతి అడుగు నీ వెనకాలే మా పరుగు అనే పాటను విడుదల చేశారు చిరంజీవి.

ఈ సందర్భంగా అయన మాట్లాడుతూ.... 'నేను ఒంగోలులో ఇంటర్మీడియెట్ చదివేటప్పుడు మొదటిసారి జార్జిరెడ్డి గురించి విన్నాను. ఇన్నాళ్లకు మీ సినిమా జార్జిరెడ్డి ఏ మ్యాన్ అఫ్ యాక్షన్ అనే మీ సినిమా ద్వారా మరోసారి వింటున్నాను. అయన గురించి తెలుసుకున్నప్పుడు ఎంతో ఆశ్చర్యం వేసింది. మార్పు కోసం పోరాటం చేసిన వ్యక్తి ఆయన.

తప్పును ప్రశ్నించే అలంటి వారు అక్కడి నుంచి ఇంకా చాలామంది వచ్చారు. ఈ పాట చుసిన తర్వాత నేను చాలా ఎగ్జైట్ అయ్యాను. జార్జిరెడ్డి ఎలాంటి ఆశయాలతో ఉండేవాడు..... ఏ రివల్యూషనరీ థాట్స్ ఎలా ఉండేవి.... తప్పును ప్రశ్నించడం కోసం విద్యార్థి సంఘాలను పెట్టి అన్యాయాలను ఎదుర్కొన్నాడు... అనేది ఈ పాటలో తెలుస్తుంది. అలాగే సినిమాను కూడా చాలా చక్కగా తీశారు. ఇలాంటి సినిమాలు రావాలి.

జార్జిరెడ్డి బాటలో ఈ యూనివర్సిటీ నుంచి చాలామంది వచ్చారు. జార్జిరెడ్డి వంటి అగ్రెసివ్ వ్యక్తుల కథలు ఇంకా రావాలి. ఈ సినిమా మీ అందరు చూడాలని కోరుకుంటున్నాను. ఇంత మంచి సినిమా చేసిన యంగ్ టీమ్ దర్శకుడు జీవన్ రెడ్డి, డీపీవో సుధాకర్ రెడ్డి, నిర్మాతలు సంజయ్ రెడ్డి, అప్పిరెడ్డి, డిస్ట్రిబ్యూటర్ అభిషేక్ లను మనస్ఫూర్తిగా అభినందిస్తున్నాను' అని అన్నారు.