హైదరాబాద్ నగరంలో ఉన్న సినీ స్టూడియోల్లో రామానాయుడు స్టూడియో ఒకటి. దీన్ని తెలుగు సినిమా పరిశ్రమకి చెందిన నిర్మాతల్లో అగ్రగణ్యుడు రామానాయుడు నిర్మించారు. మూవీ మొఘల్ గా భారతదేశంలోని అధికారిక భాషల్లో సినిమాలను నిర్మించిన ఈయన రామానాయుడు స్టూడియో పేరుతో రెండు స్టుడియోలను కట్టారు. అందులో ఓ స్టూడియో ఫిల్మ్ నగర్లో ఉండగా, మరొకటి నానక్ రామ్ గూడలో ఉన్నది.

నానక్ రామ్ గూడలో ఉన్న స్టూడియో లో చిన్నా, పెద్దా అనే తేడా లేకుండా కొన్ని వందల సినిమాలను రుపోయిందించారు. ఎన్నో సినిమాల రూపకల్పనకు ప్రాణం పోసిన ఈ నానక్ రామ్ గూడ రామానాయుడు స్టూడియో ఇకపై ఉండదని సోషల్ మీడియాలో వార్తలు వినిపిస్తున్నాయి. ఎందుకంటే ప్రస్తుతం స్టూడియో వ్యవహారాలను పర్యవేక్షిస్తున్న నిర్మాత సురేష్ బాబు దాన్ని మీనాక్షి కంస్ట్రక్షన్స్ అనే సంస్థ డెవలప్మెంట్ కోసం ఇచ్చాడు అనే ప్రచారం జరుగుతుంది.