మురళి కార్తీక్ దర్శకత్వంలో విశాల్ హీరో నటిస్తున్న సినిమా మోహన్ దాస్. వివి స్టూడియోస్ బ్యానర్ పై విష్ణు విశాల్ ఈ సినిమాని నిర్మిస్తుండగా కె.ఎస్ సుందరమూర్తి మ్యూజిక్ అందిస్తున్నారు. ఈ సినిమా ఫస్ట్ లుక్ టీజర్ ఆదివారం విడుదల చేసింది చిత్ర యూనిట్. ఈ టీజర్ లో కేవలం హీరో విష్ణు విశాల్ ఒక్కడే కనిపించాడు. 'చేదు చూడకు, చేదు వినకు, చేదు మాట్లాడకు' అని చెప్పడానికి సింబాలిక్ గా వాడే మూడు కోతి బొమ్మలను చూపిస్తూ ఈ టీజర్ ని ఎంతో ఆసక్తికరంగా చూపించారు. విష్ణు విశాల్ సుత్తెతో ఎవరినో చంపుతున్న సీన్ చూపిస్తూ సస్పెన్స్ క్రియేట్ చేశారు. హీరో చేతులన్నీ రక్తంతో తడిచిపోవడం, వెనకనుంచి ఎవరో వెకిలిగా నవ్వినట్లు వినిపిస్తుండటం చూస్తుంటే ఇది ఓ సైకాలజికల్ థ్రిల్లర్ మూవీ అని తెలుస్తోంది.