టాలీవుడ్ యంగ్ హీరో ఎన్టీఆర్ నటిస్తున్న తాజా సినిమా జనతా గ్యారేజ్ విడుదల తేది మారిన విషయం తెలిసిందే. సెప్టెంబర్ 2న విడుదలవుతున్న ఈ సినిమా తర్వాత ప్రముఖ స్టార్ రచయిత వక్కంతం వంశీ దర్శకత్వంలో చేస్తున్న విషయం తెలిసిందే. ఎన్టీఆర్ సోదరుడు కళ్యాణ్ రామ్ నిర్మిస్తున్న ఈ సినిమాలో ఎన్టీఆర్ పోలీస్ ఆఫీసర్ పాత్రలో నటిస్తున్నాడట.టెంపర్ సిన్మాలో లంచాలు తీసుకునే పాత్రలో మొదట కనిపించి, ఆ తర్వాత నిజాయితీపరుడైన పోలీస్ ఆఫీసర్ గా మారుతాడట. అయితే అందుకు భిన్నంగా నిజాయితీపరుడు అయిన పోలీస్ ఆఫీసర్ గా నటిస్తాడట. ఈ పాత్ర చాలా పవర్ ఫుల్ గా ఉంటుందని తెలుస్తుంది.

నిజాయితీపరుడైన పోలీస్ ఆఫీసర్ సమాజంలో జరుగుతున్న అరాచకాలను ఎదుర్కోవడానికి ఎటువంటి పోరాటాలు చేశాడు అనే కథాంశంతో ఈ సినిమా తెరకేక్కుతున్నదట. ఎన్టీఆర్ నిజాయితీకి ప్రతి ఒక్కరు హ్యాట్సాఫ్ చెప్పేలా ఉంటుందని అంటున్నారు. ఈ సినిమాకి సంగీత దర్శకుడిగా దేవిశ్రీ ప్రసాద్, సినిమాటోగ్రాఫర్ గా జనతా గ్యారేజ్ కు పనిచేస్తున్న తిరునే ఎంపిక చేశారని తెలుస్తుంది. ఇక ఈ సినిమాలోని కీలక సన్నివేశాలకోసం జగపతి బాబుని ఎంపిక చేశారనే వార్తలు వినిపిస్తున్నాయి. కళ్యాణ్ రామ్ ఈ సినిమాలో స్పెషల్ రోల్ లో కనిపిస్తాడని తెలుస్తుంది.