ఖమ్మం జిల్లా పాలేరు శాసనసభ నియోజకవర్గం నుంచి మంత్రి తుమ్మల నాగేశ్వరరావును తెరాస తమ పార్టి అభ్యర్ధిగా పోటిలోకి దించుతుంనది.నిజానికి ఎమ్మెల్సీగా ఉన్న తుమ్మల కు ఇది శిరోభారమే. అనవసర వ్యయ ప్రయాసలను భరించడమే. కానీ పార్టి అధిష్టానం ఆలోచన మరోల ఉన్నది. పాలేరు నియోజకర్గంలో కమ్మ సామాజిక వర్గం గణనీయంగా ఉండడం, తుమ్మలకు విస్తృతమైన పరిచయాలు , బందుత్వాలు ,రాజకీయ సంబందాలు ఉండడంతో ఆయన అయితే గెలుపు సులువుగా ఉంటుందని బావించి ఉండాలి.

తుమ్మల పార్టీ ఏ రకమైన నిర్ణయం తీసుకున్నా సిద్దమేనని చెప్పినా, ఇది ఏమంత ఆనందకరమైన విషయం కాకపోవచ్చు.గెలుపు బాద్యత అప్పగించడం వేరు, తనే గెలవాల్సి రావడం వేరు.తుమ్మల కొడుకు పేరు ప్రచారం లోకి వచ్చింది కాని చివరికి తుమ్మలే ఖరారు కావడం విశేషం .ఇక ఇష్టం ఉన్నా,లేకపోయినా, ఒకసారి గెలిస్తే , సహజంగానే వచ్చేసారి కూడా ఆయనే పోటీచేసే అవకాశం వస్తుంది.ఆ పాయింట్ మేరకు ఆయన అలోచించి ఉండవచ్చు.ఇప్పుడైతేనే తెరాస విజయం సులబతరం అవుతది,పైగా మంత్రిగా కొనసాగుతుండటం తో ప్రజలు కూడా అతని వైపే మొగ్గుచుపే అవకాశం లేకపోలేదు.