@iampayalghosh #PayalGhosh

హీరోయిన్ పాయల్ ఘోష్. తెలుగు ప్రేక్షకులకు కూడా ఈ భామ పరిచయమే. ఎందుకంటే ఇక్కడే ఆమె కెరీర్ మొదలైంది కాబట్టి. ఈ బెంగాలీ ముద్దుగుమ్మ తెలుగులో అప్పట్లో కొన్ని సినిమాలు చేసింది. అందులో మంచు మనోజ్ హీరోగా వచ్చిన ప్రయాణం కూడా ఉంది. ఆ తర్వాత తెలుగులో జూనియర్ ఎన్టీఆర్ హీరోగా వచ్చిన ఊసరవెల్లిలో నటించింది. అందులో తమన్నా స్నేహితురాలి పాత్రలో కనిపించింది పాయల్. మిస్టర్ రాస్కెల్ అనే మరో సినిమా కూడా చేసినా కూడా కోరుకున్న గుర్తింపు అయితే రాలేదు. తర్వాత బాలీవుడ్ వెళ్లిపోయింది పాయల్. అక్కడే ఉండి వెబ్ సిరీస్‌లతో పాటు అడపాదడపా సినిమాలు చేస్తుంది. దర్శకుడు అనురాగ్ కశ్యప్ తనను లైంగికంగా వేధించాడంటూ వార్తల్లోకి వచ్చింది పాయల్. ఇదిలా ఉంటే ఈమె ఇప్పుడు కేంద్ర మంత్రి రామ్‌దాస్ అథవాలే రిపబ్లికన్ పార్టీ ఆఫ్ ఇండియా (అథవాలే) లో చేరింది. పార్టీ చీఫ్ రామ్‌దాస్ అథవాలే సమక్షంలో పాయల్ ఘోష్ పార్టీలో చేరిపోయింది.

Maharashtra: Actor Payal Ghosh joins Union Minister Ramdas Athawale-led Republican Party of India (A), in Mumbai.

She has been named as the vice president of women's wing of RPI (A). pic.twitter.com/slRLOKtJWV

— ANI (@ANI) October 26, 2020