మనం సాధారణంగా ఎదుర్కొనే చర్మ సమస్యలు కొన్ని ఉన్నాయి. వాటిల్లో ముఖ్యమైనది మొటిమలు. టీనేజ్‌లోకి ప్రవేశిస్తున్న వారిలో ఈ సమస్య ఎక్కువగా ఉంటుంది. మరి ఈ సమస్యను ఎదుర్కొనడం ఎలా? ఈ క్రింద చెప్పినవి పాటిస్తే మీ మొటిమల సమస్య పరిష్కారం అయినట్టే... - రోజుకి రెండుసార్లు సబ్బుతో ముఖం కడుక్కోవాలి. మరో మూడు, నాలుగుసార్లు చల్లటి నీళ్లు ముఖం మీద చిలకరించుకోండి. - చుండ్రు ఉన్నట్లయితే వెంటనే జాగ్రత్తలు తీసుకోండి. మీరు ముందుగా మీ టెన్షన్‌, ఒత్తిడి తగ్గించుకోవాలి. - మేకప్‌ ఎక్కువగా చేసుకోవద్దు. దీనివల్ల చర్మరంధ్రాలు మూసుకుపోతాయి. ఒకవేళ మేకప్‌ చేసుకోవడం తప్పదనుకుంటే రాత్రి పడుకునేటప్పుడు మేకప్‌ శుభ్రంగా తుడిచేసి మాయిశ్చరైజర్‌ రాసుకోండి. - రోజూ ఒక పదినిమిషాల పాటు నీరెండలో నిలబడండి. పళ్లు, పళ్లరసాలు తీసుకోండి. ఆకుకూరలు బాగా తినాలి. సలాడ్‌లు తీసుకోవాలి. కూరలలో కొత్తిమీర ఎక్కువగా వాడాలి. తినడం తగ్గించడం, కూరలు ఫ్రై చేసే బదులు ఉడికించుకుని తినండి. - మార్కెట్లో దొరికే క్రీములన్నీ కొన్ని ప్రయోగాలు చెయ్యద్దు. స్కిన్‌ స్పెషలిస్ట్‌ను కలిసి మొటిమలు తీవ్రతను బట్టి మందులు వాడండి. - మొటిమలు చిదమడం, సూదులతో గుచ్చడం వంటివి చెయ్యద్దు. - పుదీనా, తులసి ఆకులు మెత్తగా నూరి రాస్తే మొటిమలు తగ్గుతాయి. తులసి ఆకులు నూరి పెరుగులో కలిపి రాసినా ఫలితం ఉంటుంది. - టమాట పండ్ల రసం తీసి మొటిమల మీద రాసి ఓ గంట తర్వాత ముఖం కడిగేయండి. ఇలా రోజుకు మూడుసార్లు చేస్తే మొటిమలు తగ్గుతాయి. - యాపిల్‌ గుజ్జు ముఖానికి రాసి అరగంట తర్వాత గోరువెచ్చని నీళ్లతో కడగండి. మొటిమలు తగ్గి ముఖం కాంతివంతం అవుతుంది. - వేపాకులు పొడిలో నిమ్మరసం రాసుకుని ముఖానికి రాసినా మొటిమలు తగ్గుతాయి. ఈ జాగ్రత్తలు తీసుకుంటే మీరు మొటిమలతో బాధపడాల్సిన అవసరం ఉండదు.