#Renudesai  #Suma' #Aadhya #Sumakka

 సుమ కొన్ని ద‌శాబ్ధాలుగా త‌న మాట‌ల‌తో బుల్లితెర ప్రేక్ష‌కులని ఎంత‌గానో వినోదింప‌జేస్తుంది. అయితే ఈమె ఇటీవ‌ల  'సుమక్క' పేరుతో ఓ  యూట్యూబ్ ఛానెల్ ప్రారంబించింది. ఇందులో అనేక ర‌కాలుగా ఎంట‌ర్‌టైన్‌మెంట్ అందిస్తుంటుంది. ఇందులో ఈట్ టాక్ అనే స్పెష‌ల్ షో ఉండ‌గా,ఈ షోకు ప‌లువురు సెల‌బ్రిటీల‌ని ఆహ్వానించి వారితో స్పెష‌ల్ వంట‌కం వండిస్తూ ఉంటుంది. సుధీర్ తో పులిహోర చేయించిన సుమ.. ప్రదీప్ తో మ్యాగీ చేయించింది

తాజాగా ఈ షోకు ప‌వ‌న్ క‌ళ్యాణ్ మాజీ భార్య‌, న‌టి, ద‌ర్శ‌కురాలు, నిర్మాత అయిన రేణూ దేశాయ్ వ‌చ్చారు .సుమ‌..రేణూతో కూడా ఏదో అద్భుత‌మైన వంటకం వండించి ప‌లు విష‌యాల గురించి ముచ్చ‌టించింది. రీసెంట్‌గా ఎపిసోడ్ పూర్తి కాగా, రేణుతో క‌లిసి సుమ దిగిన ఫోటోలు కొన్ని సోష‌ల్ మీడియాలో హ‌ల్ చ‌ల్ చేస్తున్నాయి. త్వ‌ర‌లో ఈ ఎపిసోడ్ ప్రారంభం కానుంది. ఇదిలా ఉంటే రేణూ.. ''ఆద్య'' అనే పవర్ ఫుల్ లేడి ఓరియెంటెడ్ పాన్ ఇండియా వెబ్ సిరీస్ తో తన సెకండ్ ఇన్నింగ్స్ కి శ్రీకారం చుట్టింది. అలానే రైతు సమస్యల నేపథ్యంలో ఓ సినిమా చేయడానికి సన్నాహాలు చేస్తోంది.