#Savitri  #Satyamurthy

అరవై యేళ్ళ మహిళకు, పాతికేళ్ళ యువకుడు ఎలా భర్త అయ్యాడు అనే కథాంశంతో తెరకెక్కుతోంది 'సావిత్రి వైఫ్ ఆఫ్ సత్యమూర్తి' సినిమా. పూరి జగన్నాథ్‌ శిష్యుడు చైతన్య కొండను దర్శకుడిగా పరిచయం చేస్తూ గోగుల నరేంద్ర ఈ సినిమాను నిర్మిస్తున్నారు. రామానాయుడు స్టూడియోస్ లో బుధవారం ఈ వినోదాత్మక చిత్రం షూటింగ్ మొదలైంది. అరవై యేళ్ళ మహిళగా శ్రీలక్ష్మి, ఆమె పాతికేళ్ళ భర్తగా 'కేరింత' ఫేమ్ పార్వతీశం నటిస్తున్నారు. హైదరాబాద్ లో 25 రోజులు, అవుట్ డోర్ లొకేషన్లలో 20 రోజులు షూటింగ్ ప్లాన్ చేశామని, మొత్తం సినిమా ఈ 45 రోజుల్లో పూర్తవుతుందని నిర్మాత నరేంద్ర తెలిపారు.

ఇన్నేళ సినీ ప్రయాణంలో ఎన్నో భిన్నమైన పాత్రలు చేసినా, పాతికేళ్ళ యువకుడికి భార్యగా ఇంతవరకూ నటించలేదని, ఇదో కొత్త అనుభవమని శ్రీలక్ష్మి అన్నారు. సంగీత దర్శకుడిగా ఇప్పటికి 18 సినిమాలు చేశానని, అయితే ఇందులో ఉన్న మూడు కమర్షియల్ సాంగ్స్ తో తనకు బ్రేక్ వస్తుందనే నమ్మకం ఉందని ఖుద్దూస్ చెప్పారు. ఈ చిత్రంలో హీరోయిన్లుగా ఆషి రాయ్‌, గీత్ షా, ముస్కాన్ అరోరా నటిస్తున్నారు.