చిక్కుడు జాతికి చెందిన సోయాను పిండి, నూనె, పాలు, పెరుగు రూపంలో వివిధ రకాలుగా ఉపయోగిస్తారు సోయాలో కొన్ని ముఖ్యమైన అమినో ఆమ్లాలు ఉంటాయి. కండరాల వృద్ధి. నరాల పుష్టికి వీటిలో లభించే మాంసకృత్తులు ఎంతో అవసరం. కప్పు సోయా గింజల్లో 240 గ్రాముల మటన్‌, 180 గ్రాముల చేపలు, ఎనిమిది కప్పుల పాలు, ఆరు గుడ్లకు సామానమైన మాంసకృత్తులు ఉంటాయి. సాధారణంగా మనం తీసుకునే ప్రొటీన్‌లు కొన్నిసార్లు కడుపులో అజీర్ణం చేస్తుంటాయి. కానీ వీటిలోని ఆమినో ఆమ్లాలు సాఫీగా అరిగిపోతాయి. పాలు, పెరుగు వాటికి సంబంధించిన పదార్థాలు పడనివారు సోయా పాలు తీసుకోవచ్చు. ఈ పాలను ఎక్కువగా తీసుకుంటే ఈస్ట్రోజన్‌ అనే హర్మోన్‌ తగ్గినప్పుడు ఏర్పడే శరీర వేడికి నరాల బలహీనత, ఎముకల బలహీనత, చర్మసమస్యలు దూరమవుతాయి.