ఎంపీ  సంతోష్ కుమార్ మొదలుపెట్టిన గ్రీన్ ఛాలెంజ్ లో భాగంగా యాంకర్ సుమ ఈ ఛాలెంజ్ ను స్వీకరించి ఇటీవల మొక్కలు నాటి జూనియర్ ఎన్టీఆర్, మంచు లక్ష్మి, రాహుల్ సిప్లిగంజ్, ఓంకార్ లకు ఈ గ్రీన్ ఛాలెంజ్ విసిరింది. ఆ ఛాలెంజ్ ని నటి మంచు లక్ష్మి స్వీకరించింది. తన ఇంటి ఆవరణలో మొక్క నాటి, దానితో సెల్ఫీ తీసుకుంది. ఇందులో తానూ భాగం అయ్యినందుకు హర్షం వ్యక్తం చేసింది. కాగా, గ్రీన్ ఇండియా ఛాలెంజ్ ను ఇటీవల సూపర్ స్టార్ కృష్ణ స్వీకరించి తన ఇంటి ప్రాంగణంలో మూడు మొక్కలను నాటిన సంగతి తెలిసిందే. ఇప్పటికే బ్యాడ్మింటన్ క్రీడాకారిణి పీవీ సింధు కూడా ఈ ఛాలెంజ్ స్వీకరించింది. గ్రీన్ ఇండియా ఛాలెంజ్ ను ప్రారంభించిన ఎంపీ సంతోష్ కుమార్ కు వారంతా అభినందనలు తెలిపారు.