పచ్చిమిరపకాయలు ముచ్చికలను తీసి ఫ్రిజ్‌లో నిల్వ ఉంచడంవల్ల తొందరగా పాడవవు. పాలు కాచేటప్పుడు పొంగకుండా ఉండాలంటే అంచుకు నూనె రాయాలి. పాలతో వెండి వస్తువులను కడగడంవల్ల వాటి గార పోతుంది. ప్లాస్టిక్, కాగితం పూలు లాంటివి దుమ్ము పట్టి అందం మాసిపోయినట్టు కనిపిస్తే వాటిని ఏ పేపర్ బ్యాగ్‌లో వేసి ఓ పిడికెడు ఉప్పు వేసి బాగా ఆడిస్తే పూలు దుమ్ము వదిలి మళ్లీ తాజాగా కనిపిస్తాయి మూత పెట్టకుండా ఉడికించే ఆహార పదార్థాల్లో ‘ఎ’ విటమిన్ లోపిస్తుంది. నీళ్లు ఎక్కువగా పోసి ఉడికిస్తే ’బి’ విటమిన్ తగ్గుతుంది. అదే పనిగా ఉడికిస్తే ‘సి’ విటమిన్ పోతుంది. బియ్యం ఉడికే సమయంలో రెండు చుక్కల నిమ్మరసం వేస్తే అన్నం తెల్లగా వస్తుంది. అన్నం ఉడికేటపుడు కాస్త నూనె వేస్తే అన్నం పొడిపొడిగా ఉంటుంది. క్యాబేజీ కూరలో పచ్చివాసన పోవాలంటే అది ఉడుకుతుండగా ఒక బ్రెడ్ ముక్కను వేయాలి.