పవన్ కళ్యాణ్ పింక్ రీమేక్ సినిమాతో తెలుగు పరిశ్రమలోకి రీఎంట్రీ ఇస్తున్న సంగతి తెలిసిందే. దిల్ రాజు బ్యానర్ లో రూపొందుతున్న ఈ సినిమాకి బోనికపూర్ సహా నిర్మాతగా వ్యవహరిస్తున్నారు. వేణు శ్రీరామ్ దర్శకత్వం వహిస్తున్న ఈ రీమేక్ సినిమాలో అమితాబ్ బచ్చన్ పోషించిన లాయర్ పాత్రను పవన్ పోషిస్తున్నాడని తెలుస్తుంది. ఈ సినిమాకి లాయర్ సాబ్ అనే టైటిల్ పరిశీలిస్తున్నారని జోరుగా ప్రచారం జరుగుతుంది.

ఇదిలా ఉంటె తాజాగా లాయర్ సాబ్ టైటిల్ తో ఓ ఫస్ట్ లుక్ పోస్టర్ సోషల్ మీడియాలో వైరల్ గా మారింది. దిల్ రాజు ప్రొడక్షన్ హౌస్ నుంచి ఈ పోస్టర్ రాలేదు కాబట్టి.... ఇది ఫ్యాన్ మేడ్ పోస్టర్ కావొచ్చు. ఈ పోస్టర్ ను ప్రముఖ ఫిలిం క్రిటిక్ కత్తి మహేష్ తన సోషల్ మీడియా ఖాతా ద్వారా షేర్ చేసి.. ఎప్పటి లాగే పవన్ పై వెటకారంగా పవన్ కళ్యాణ్ అనే నాయకుడు స్త్రీల హక్కుల కోసం వాదించే 'లాయర్ సాబ్' గా నటించడం ఏదైతే ఉందో.." అంటూ పోస్ట్ పెట్టారు.  దీంతో ఈ పోస్టర్ మరింతగా వైరల్ అయింది.