బార్ ఎగ్జామ్ 21 ఫలితాల సంచలనం! కటాఫ్ మార్కుల తగ్గింపుతో లక్షల మందికి ఊరట!

న్యాయవాద వృత్తిని చేపట్టాలనుకునే వారికి శుభవార్త! ఆల్ ఇండియా బార్ ఎగ్జామినేషన్ (AIBE-XXI) ఫలితాలు విడుదలయ్యాయి. కటాఫ్ మార్కులు తగ్గించడంతో లక్షలాది మంది అభ్యర్థులకు ఊరట లభించింది. ఈ ఫలితాలు న్యాయ రంగంలో కొత్త ఉత్సాహాన్ని నింపాయి.

Key Points

1

AIBE-XXI ఫలితాలు విడుదల, అధికారిక వెబ్‌సైట్‌లో స్కోర్‌కార్డులు అందుబాటులో.

2

జనరల్ కేటగిరీకి 45 నుండి 42, ఎస్సీ/ఎస్టీ/దివ్యాంగులకు 40 నుండి 37 మార్కులకు కటాఫ్ తగ్గింపు.

3

మొత్తం 1,75,701 మంది అభ్యర్థులకు గాను 1,15,805 మంది ఉత్తీర్ణత సాధించారు.

Also Read

సైబర్ మోసాలకు చెక్: పార్లమెంట్‍లో కేంద్రం సంచలన ప్రకటన! IDPICతో ఉక్కుపాదం

ప్రయాణికులకు శుభవార్త! చర్లపల్లి-పాట్నా ప్రత్యేక రైళ్లు పొడిగింపు.. పూర్తి వివరాలు ఇవే!

నారాయణమూర్తికి ఫ్రాన్స్ షాక్: ఇన్ఫోసిస్‌కు భారీ జరిమానా, 72 గంటల సిద్ధాంతంపై సెటైర్లు!

Plugin developed by ProSEOBlogger. Get free gpl themes.

4

తదుపరి AIBE-XXII పరీక్ష నవంబర్ 29, 2026న నిర్వహించబడుతుంది.

AIBE XXI ఫలితాల కీలక వివరాలు

AIBE XXI Results : దేశవ్యాప్తంగా న్యాయవాద వృత్తిని చేపట్టాలనుకునే వారు రాసే ‘ఆల్ ఇండియా బార్ ఎగ్జామినేషన్’ (AIBE-XX) ఫలితాలు వెలువడ్డాయి. బార్ కౌన్సిల్ ఆఫ్ ఇండియా (BCI) శనివారం రాత్రి ఈ ఫలితాలను అధికారికంగా ప్రకటించింది. పరీక్ష రాసిన అభ్యర్థులు తమ స్కోర్‌కార్డులను అధికారిక వెబ్‌సైట్ allindiabarexamination.com లో చూడవచ్చు.

జూన్ 7, 2026న దేశవ్యాప్తంగా 60 నగరాల్లోని 292 పరీక్షా కేంద్రాలలో ఈ పరీక్షను నిర్వహించారు. ఈ పరీక్షకు మొత్తం 1,75,701 మంది అభ్యర్థులు హాజరుకాగా.. అందులో 1,10,909 మంది పురుషులు, 64,784 మంది మహిళలు మరియు 8 మంది ట్రాన్స్‌జెండర్ అభ్యర్థులు ఉన్నారు.

కటాఫ్ మార్కుల తగ్గింపు: అభ్యర్థులకు లాభం

ఈ పరీక్షను మొత్తం 100 మార్కులకు నిర్వహించారు. ప్రాథమిక నిబంధనల ప్రకారం క్వాలిఫైయింగ్ కటాఫ్ మార్కులను జనరల్ కేటగిరీ అభ్యర్థులకు 45 మార్కులుగా, ఎస్సీ/ఎస్టీ/దివ్యాంగుల (PwD) కేటగిరీ అభ్యర్థులకు 40 మార్కులుగా నిర్ణయించారు. అయితే…. పరీక్ష ముగిసిన అనంతరం ప్రశ్నపత్రం సరళిని, ఫలితాల సమ్మరీని పరిశీలించిన బీసీఐ మానిటరింగ్ కమిటీ అభ్యర్థుల ప్రయోజనార్థం క్వాలిఫైయింగ్ స్కోరును ఏకగ్రీవంగా 3 మార్కులు తగ్గించాలని నిర్ణయించింది.

కటాఫ్ మార్కులు తగ్గించడంతో భారీ సంఖ్యలో అభ్యర్థులు పరీక్షలో క్వాలిఫై అయ్యారు. పరీక్షకు హాజరైన 64,784 మంది మహిళల్లో 42,757 మంది ఉత్తీర్ణత సాధించగా, 1,10,909 మంది పురుషులలో 73,045 మంది క్వాలిఫై అయ్యారు. అలాగే 8 మంది ట్రాన్స్‌జెండర్ అభ్యర్థుల్లో ముగ్గురు పరీక్షలో పాస్ అయ్యారు. రాష్ట్రాల వారీగా చూస్తే ఉత్తరప్రదేశ్ స్టేట్ బార్ కౌన్సిల్ నుంచి అత్యధికంగా 13,610 మంది పురుషులు, 3,178 మంది మహిళా అభ్యర్థులు ఈ పరీక్షకు హాజరయ్యారు.

తదుపరి AIBE-XXII పరీక్ష షెడ్యూల్

ఫలితాల ప్రకటనతో పాటే బార్ కౌన్సిల్ ఆఫ్ ఇండియా తదుపరి పరీక్ష అయిన AIBE-XXII షెడ్యూల్‌ను కూడా అధికారికంగా ప్రకటించింది. ఈ పరీక్షను నవంబర్ 29, 2026న నిర్వహించనున్నారు.

AIBE-XXI ఫలితాలు విడుదలయ్యాయి. కటాఫ్ మార్కులు తగ్గించడంతో లక్షలాది మంది అభ్యర్థులకు ఊరట లభించింది. ఇది న్యాయవాద వృత్తిని చేపట్టాలనుకునే వారికి గొప్ప అవకాశం. తదుపరి పరీక్ష షెడ్యూల్ కూడా ప్రకటించారు.