ప్రఖ్యాత కాన్స్ ఫిల్మ్ ఫెస్టివల్ లో ఆలియా భట్ తన అరంగేట్రాన్ని చేసింది. ఆమె ఎంట్రీ అందరినీ ఆకట్టుకుంది. కానీ, ఆమె కాస్ట్యూమ్స్ పై విభిన్న అభిప్రాయాలు వ్యక్తమయ్యాయి.
Key Points
ఆలియా భట్ కాన్స్ ఫిల్మ్ ఫెస్టివల్ లో మెరిశారు
ఆమె కాస్ట్యూమ్స్ పై భిన్నాభిప్రాయాలు వ్యక్తమయ్యాయి
మల్లికా షెరావత్ కాస్ట్యూమ్ ను అనుకరించారని కొందరి అభిప్రాయం
‘ది మాస్టర్ మైండ్’ సినిమాకు ఐదు నిమిషాల స్టాండింగ్ ఒవేషన్
కాన్స్లో ఆలియా మెరుపులు
కాన్స్ ఫిల్మ్ ఫెస్టివల్లో మెరిశారు హీరోయిన్ ఆలియా భట్. నిజానికి ఈ చిత్రోత్సవాల తొలి రోజు (మే 13)నే ఆలియా ఈ వేడుకలకు హాజరు కావాల్సింది. అయితే వెళ్లలేదు. దీంతో పహల్గాం ఉగ్రదాడి నేపథ్యంలో ఇండియా –పాకిస్తాన్ దేశాల మధ్య నెలకొన్న ఉద్రిక్త పరిస్థితుల నేపథ్యంలో ఆలియా కాన్స్ ఫిల్మ్ ఫెస్టివల్కు హాజరు కాలేదనే టాక్ తెరపైకి వచ్చింది. కానీ సంజయ్ లీలా భన్సాలీ డైరెక్షన్లోని ‘లవ్ అండ్ వార్’ (రణ్బీర్ కపూర్, విక్కీ కౌశల్ ఇతర లీడ్ రోల్స్ చేస్తున్నారు) సినిమా చిత్రీకరణతో బిజీగా ఉండటం వల్లే ఆలియా ఈ ఫిల్మ్ ఫెస్టివల్ మొదటి రోజున వెళ్లలేదట.
ఆమె దుస్తులపై చర్చ
ఫైనల్గా కాన్స్ ఫిల్మ్ ఫెస్టివల్ చివర్లో ఆమె రెడ్ కార్పెట్పై మెరిశారు. అయితే ఆలియా భట్ ధరించిన కాస్ట్యూమ్స్పై భిన్నాబీప్రాయాలు వ్యక్తమయ్యాయి. 2017లో 70వ కాన్స్ ఫిల్మ్ ఫెస్టివల్లో నటి మల్లికా షెరావత్ ధరించిన కాస్ట్యూమ్ డిజైన్నే ఆలియా అనుకరించారని కొందరు నెటిజన్లు, ఫ్యాషన్ లవర్స్పోలికలు పెట్టారు. అయితే ఆలియా ఎంట్రీ అదిరిందని, చాలా క్యూట్గా కనిపించారనే ప్రశంసలూ ఆమెకు దక్కాయి.
‘ది మాస్టర్ మైండ్’కు ప్రశంసలు
ఇక కెల్లీ రిచర్డ్స్ డైరెక్షన్లోని ‘ది మాస్టర్ మైండ్’ సినిమాను ప్రదర్శించగా, ఐదు నిమిషాలకు పైగా స్టాండింగ్ ఒవేషన్ దక్కింది. ఈ సంగతి ఇలా ఉంచితే… ఫ్రాన్స్లో పవర్ కట్స్ కారణంగా కాన్స్ ఫిల్మ్ ఫెస్టివల్ చివరి రోజు వేడుకల నిర్వహణకు ఇబ్బందులు ఎదరయ్యాయని, అయినా నిర్వాహకులు అనుకున్నప్లాన్ పరంగానే ఉత్సవాలు పూర్తయ్యేలా సన్నాహాలు చేశారనే వార్తలు వస్తున్నాయి.
కాన్స్ ఫిల్మ్ ఫెస్టివల్ లోని ఉత్సాహవంతమైన వేడుకల మధ్య, ఆలియా భట్ ప్రదర్శన ప్రేక్షకులను ఆకట్టుకుంది. ఫిల్మ్ ఫెస్టివల్ ముగింపులో చిన్న చిన్న ఇబ్బందులున్నప్పటికీ, విజయవంతంగా ముగిసింది.
