గతేడాది జాతీయ ఉత్తమ నటుడి అవార్డును అందుకున్న అల్లు అర్జున్, ఈ ఏడాది అవార్డులు గెలుచుకున్న వారిని అభినందించారు. తెలుగు సినిమాకు అనేక అవార్డులు రావడంపై ఆయన సంతోషం వ్యక్తం చేశారు.
Key Points
అల్లు అర్జున్ జాతీయ అవార్డు విజేతలను అభినందించారు.
'షారుక్ ఖాన్', 'విక్రాంత్ మస్సే' లకు ప్రత్యేక అభినందనలు తెలిపారు.
'భగవంత్ కేసరి', 'హనుమాన్', 'బేబి' చిత్రాలకు అవార్డులు రావడంపై ఆనందం వ్యక్తం చేశారు.
తెలుగు సినిమాకు అవార్డులు రావడంపై సంతోషం వ్యక్తం చేశారు.
అల్లు అర్జున్ అభినందనలు
గతేడాది ఉత్తమ నటుడిగా జాతీయ అవార్డ్ అందుకున్న తెలుగు హీరో అల్లు అర్జున్.. ఈసారి పురస్కారాలు దక్కించుకున్న వాళ్లని అభినందించారు. తెలుగు ఇండస్ట్రీకి ఎక్కువగా అవార్డులు రావడంపై హర్షం వ్యక్తం చేశారు. ఈ మేరకు విజేతల్ని అభినందిస్తూ ట్వీట్ చేశారు. ఈ ట్వీట్లో దాదాపు అందరినీ కవర్ చేశారని చెప్పొచ్చు.
జాతీయ అవార్డు విజేతలు
71వ జాతీయ అవార్డుల్లో ఉత్తమ నటుడిగా షారుక్ ఖాన్, విక్రాంత్ మస్సే నిలిచారు. షారుక్ని అభినందించిన బన్నీ.. 33 ఏళ్లుగా సినిమాలు చేస్తున్న మీరు ఈ పురస్కారానికి అర్హుడని రాసుకొచ్చారు. అలానే 12th ఫెయిల్ తన ఫేవరెట్ చిత్రాల్లో ఒకటని, ఇందులో హీరోగా చేసిన విక్రాంత్ మస్సేకి అవార్డ్ రావడం తనకు ఆనందంగా ఉందని బన్నీ చెప్పుకొచ్చారు. అలానే ఉత్తమ నటిగా నిలిచిన రాణీ ముఖర్జీకి కూడా శుభాకాంక్షలు తెలిపారు.
అలానే తెలుగు సినిమా.. జాతీయ అవార్డుల్లో మెరవడం తనకు ఎంతో సంతోషంగా ఉందని అల్లు అర్జున్ చెప్పుకొచ్చారు. ఉత్తమ తెలుగు చిత్రంగా నిలిచిన ‘భగవంత్ కేసరి’ టీమ్కి కంగ్రాట్స్ చెప్పారు. బాలనటిగా నిలిచిన సుకృతి(సుకుమార్ కూతురు)కి విషెస్ చెబుతూనే.. ఈ విషయంలో తమకెంతో గర్వంగా ఉందని అన్నారు. అలానే వీఎఫ్ఎక్స్ విభాగంలో ‘హనుమాన్’కి అవార్డ్ రావడంపై దర్శకుడు ప్రశాంత్ వర్మని, ‘బేబి’ చిత్రానికి స్క్రీన్ ప్లే విభాగంలో సాయి రాజేశ్, సింగర్ రోహిత్ అవార్డులు దక్కించుకోవడంపై బన్నీ ఆనందం వ్యక్తం చేశారు.
తెలుగు సినిమా విజయం
మొత్తంగా, తెలుగు సినిమాకు జాతీయ స్థాయిలో గుర్తింపు లభించడంపై అల్లు అర్జున్ హర్షం వ్యక్తం చేశారు. విజేతలందరికీ శుభాకాంక్షలు తెలిపారు.
