ప్రతిష్టాత్మక దాదాసాహెబ్ ఫాల్కే ఇంటర్నేషనల్ ఫిల్మ్ ఫెస్టివల్ అవార్డుల్లో అల్లు అర్జున్ ‘మోస్ట్ వర్సటైల్ యాక్టర్ ఆఫ్ ది ఇయర్’ అవార్డును గెలుచుకున్నారు. ఈ అవార్డును తన అభిమానులకు అంకితం ఇస్తున్నట్లు ఆయన ట్వీట్ చేశారు. పలు విభాగాల్లో ఇతర విజేతల వివరాలు ఇక్కడ చూడండి.
Key Points
అల్లు అర్జున్కు 'మోస్ట్ వర్సటైల్ యాక్టర్ ఆఫ్ ది ఇయర్' అవార్డు లభించింది.
పుష్ప-2కు ఉత్తమ సంగీత దర్శకుడిగా దేవిశ్రీ ప్రసాద్ అవార్డ్ అందుకున్నారు.
'కల్కి 2898 AD' 'ఫిల్మ్ ఆఫ్ ది ఇయర్'గా నిలిచింది.
కార్తీక్ ఆర్యన్, కృతి సనన్ ఉత్తమ నటీనటులుగా ఎంపికయ్యారు.
అల్లు అర్జున్ అభిమానులకు అంకితం
ప్రతిష్టాత్మక అవార్డ్ను తన అభిమానులకు అంకితమిస్తున్నానని అల్లు అర్జున్ ట్వీట్ చేశారు. ఇలాంటి అరుదైన గౌరవమిచ్చినందుకు ధన్యవాదాలు తెలిపారు. ఈ ఏడాది అవార్డులు పొందిన వారికి హృదయపూర్వక అభినందనలు చెబుతూ ఐకాన్ స్టార్ ట్వీట్ చేశారు. 2024 ఏడాదిగానూ ప్రకటించిన దాదాసాహెబ్ ఫాల్కే ఇంటర్నేషనల్ ఫిల్మ్ ఫెస్టివల్ అవార్డులను తాజాగా ప్రకటించారు.
దాదాసాహెబ్ ఫాల్కే అవార్డ్స్ 2024 విజేతలు
ఈ ప్రతిష్టాత్మక అవార్డుల్లో మోస్ట్ వర్సటైల్ యాక్టర్ ఆఫ్ ది ఇయర్గా ఎంపికయ్యారు. అంతేకాకుండా పుష్ప-2 మూవీకి గానూ ఉత్తమ సంగీత దర్శకుడిగా దేవీశ్రీ ప్రసాద్ అవార్డ్ దక్కించుకున్నారు. ఈ అవార్డ్స్లో ప్రభాస్ నటించిన కల్కి 2898 ఏడీ సినిమా సత్తా చాటింది. దాదా సాహెబ్ ఫాల్కే ఇంటర్నేషనల్ ఫిల్మ్ ఫెస్టివల్ -2025లో ఫిల్మ్ ఆఫ్ ది ఇయర్గా నిలిచింది. గతేడాది విడుదలై ప్రేక్షకుల్ని భయంతో పరుగులు పెట్టించిన శ్రద్దాకపూర్ మూవీ స్త్రీ- 2 ఉత్తమ చిత్రంగా అవార్డును దక్కించుకుంది.
తెలుగు సినిమాకు దక్కిన గౌరవం
దాదాసాహెబ్ ఫాల్కే ఇంటర్నేషనల్ ఫిల్మ్ ఫెస్టివల్ అవార్డ్స్లో ఉత్తమ నటీనటులుగా కార్తీక్ ఆర్యన్, కృతి సనన్ నిలిచారు. చందు ఛాంపియన్ చిత్రానికి గానూ ఉత్తమ దర్శకుడిగా కబీర్ ఖాన్, ప్రొడ్యూసర్ ఆఫ్ ది ఇయర్గా దినేశ్ విజన్ అవార్డులు సొంతం చేసుకున్నారు. క్రిటిక్స్ విభాగంలో ఉత్తమ చిత్రంగా లాపత్తా లేడీస్, ఉత్తమ నటీనటులుగా విక్రాంత్ మాస్సే, నితాన్షీ గోయెల్ అవార్డులు దక్కించుకున్నారు. ఆర్టిస్ట్ ఆఫ్ ది ఇయర్గా ఏఆర్ రెహమాన్ నిలిచారు.
దాదాసాహెబ్ ఫాల్కే అవార్డులు 2024 తెలుగు సినిమాతో పాటు భారతీయ సినీ పరిశ్రమలోని ప్రముఖులకు గొప్ప గుర్తింపునిచ్చాయి. ఈ ప్రతిష్టాత్మక అవార్డుల్లో అల్లు అర్జున్ సహా ఇతర విజేతలందరికీ అభినందనలు.
