📌 Key Points
- ఆల్కహాల్ సేవించి ప్రమాదానికి గురయ్యాక, పూర్తిగా మద్యపానం మానేసినట్లు శిరీష్ వెల్లడి.
- త్వరలో నైనిక రెడ్డిని వివాహం చేసుకోబోతున్న అల్లు శిరీష్.
- పెళ్లికి ముందు బ్యాచిలర్ పార్టీ చేసుకున్న శిరీష్, ఫోటోలు వీడియోలు వైరల్.
- గౌరవం సినిమాతో హీరోగా పరిచయం అయిన శిరీష్ కెరీర్లో ఆశించినంత విజయం సాధించలేదు.
అల్లు శిరీష్ త్వరలోనే నైనిక రెడ్డిని వివాహం చేసుకోబోతున్నారు. ఈ సందర్భంగా ఆయన తన జీవితంలో జరిగిన ఒక సంఘటన గురించి వెల్లడించారు. ఆల్కహాల్ సేవించి ప్రమాదానికి గురైన తర్వాత, దానిని పూర్తిగా విరమించుకున్నట్లు తెలిపారు.
ఆల్కహాల్ కు దూరంగా అల్లు శిరీష్
Allu Sirish: అల్లు శిరీష్ పరిచయం అవసరం లేని పేరు. త్వరలోనే అల్లు శిరీష్ తన ప్రియురాలితో పెళ్లి పీటలు ఎక్కబోతున్న సంగతి తెలిసిందే. నైనిక రెడ్డి(Nainika Reddy)అనే అమ్మాయిని ప్రేమించి శిరీష్ (Sirish)పెళ్లి చేసుకోబోతున్నారు. వీరి వివాహం మార్చి ఆరో తేదీ జరగబోతున్న సంగతి తెలిసిందే .ఈ నేపథ్యంలోనే ఈ హీరో పెద్ద ఎత్తున అభిమానులకు బ్యాచిలర్ పార్టీ ఇచ్చారు. ప్రస్తుతం ఇందకు సంబంధించిన ఫోటోలు వీడియోలను స్వయంగా శిరీష్ సోషల్ మీడియా వేదికగా షేర్ చేశారు. ప్రస్తుతం ఈ ఫోటోలు వీడియోలు సోషల్ మీడియాలో వైరల్ అవుతున్నాయి. ఇక ఈ వేడుకను వీళ్ళు ఒక క్రూజర్ షిప్ లో జరుపుకున్నట్టు తెలుస్తోంది.
ఇక త్వరలోనే అల్లు శిరీష్ పెళ్లి చేసుకోబోతున్న నేపథ్యంలో ఈయన తన కాబోయే భార్య నైనికతో కలిసి ఒక ఇంటర్వ్యూలో పాల్గొన్నారు. ఈ ఇంటర్వ్యూ సందర్భంగా శిరీష్ తనకు సంబంధించిన ఒక ఆసక్తికరమైన విషయాన్ని బయట పెట్టారు.. ఇటీవల కాలంలో ఆల్కహాల్ (alcohol)అలవాటు లేని వారు ఎవరు ఉండరు అబ్బాయిలు మాత్రమే కాకుండా అమ్మాయిలు కూడా పలు సందర్భాలలో తాగుతున్న సంగతి తెలిసిందే. ఇలా ఆల్కహాల్ తీసుకోవడం గురించి అల్లు శిరీష్ చేసిన కామెంట్స్ ప్రస్తుతం వైరల్ అవుతున్నాయి.
నైనిక రెడ్డితో శిరీష్ వివాహం
తనకు గతంలో ఆల్కహాల్ తీసుకొనే అలవాటు ఉండేదని తెలిపారు అయితే కొన్ని సంవత్సరాల క్రితం నేను ఆల్కహాల్ తాగినప్పుడు పెద్ద యాక్సిడెంట్ నుంచి బయటపడ్డానని, ఆ ఘటన తర్వాత ఆల్కహాల్ తీసుకోవడం పూర్తిగా మానేశానని, జీవితంలో ఇప్పటివరకు ఎప్పుడూ ఎక్కడా కూడా టేస్ట్ చేయలేదని తెలియజేశారు. ఇలా ఆల్కహాల్ కారణంగా ప్రమాదానికి గురై ఆ ప్రమాదం నుంచి తృటిలో బయటపడటంతో శిరీష్ ఈ నిర్ణయం తీసుకున్నారని తెలుస్తోంది.. ఆల్కహాల్ తాగడం గురించి శిరీష్ చేసిన ఈ కామెంట్స్ ప్రస్తుతం సోషల్ మీడియాలో వైరల్ గా మారడంతో చాలా మంచి నిర్ణయం అంటూ అభిమానులు కూడా అల్లు శిరీష్ వ్యాఖ్యలపై కామెంట్లు చేస్తున్నారు.
గౌరవం సినిమాతో హీరోగా పరిచయం
వైరల్ అవుతున్న బ్యాచిలర్ పార్టీ ఫోటోలు
ఇక అల్లు శిరీష్ కెరియర్ విషయానికి వస్తే.. ఈయన అల్లు వారసుడిగా ఇండస్ట్రీలోకి అడుగుపెట్టాడు. గౌరవం సినిమా ద్వారా హీరోగా ప్రేక్షకులకు పరిచయమైన శిరీష్ అనంతరం కొత్తజంట, శ్రీరస్తు శుభమస్తు, బడ్డీ వంటి సినిమాలలో నటించారు అయితే ఏ సినిమాలు కూడా శిరీష్ కు సరైన గుర్తింపు మాత్రం తీసుకురాలేదు. అల్లు వారసుడిగా బన్నీ పాన్ ఇండియా స్థాయిలో సక్సెస్ అందుకున్నప్పటికీ ఆయన తమ్ముడు శిరీష్ మాత్రం టాలీవుడ్ ఇండస్ట్రీలో కూడా సక్సెస్ అందుకోలేకపోవటం గమనార్హం. మరి పెళ్లి తర్వాత నైనా శిరీష్ కు ఇండస్ట్రీలో కలిసి వస్తుందా హీరోగా సక్సెస్ అందుకునేనా అనేది తెలియాల్సి ఉంది.
మొత్తానికి అల్లు శిరీష్ చేసిన ఈ వ్యాఖ్యలు సోషల్ మీడియాలో వైరల్ అవుతున్నాయి. ఆయన తీసుకున్న నిర్ణయం పట్ల అభిమానులు హర్షం వ్యక్తం చేస్తున్నారు. త్వరలో ఆయన వివాహ బంధంలోకి అడుగు పెట్టనున్నారు.
