📌 Key Points
- అనుపమ పరమేశ్వరన్ ‘లాక్డౌన్’ సర్వైవల్ థ్రిల్లర్ చిత్రంగా తెరకెక్కింది.
- డిసెంబర్ 12న విడుదల కావాల్సిన ఈ సినిమా మరోసారి వాయిదా పడింది.
- సినిమా విడుదల వాయిదా విషయాన్ని మేకర్స్ ట్విట్టర్ ద్వారా ప్రకటించారు.
- ‘అఖండ-2’తో పోటీ కారణంగానే వాయిదా వేసినట్లు సమాచారం.
అనుపమ పరమేశ్వరన్ నటించిన ‘లాక్డౌన్’ సినిమా విడుదల మళ్లీ వాయిదా పడింది. డిసెంబర్ 12న విడుదల కావాల్సిన ఈ చిత్రం, అనుకోని కారణాల వల్ల వాయిదా వేసినట్లు మేకర్స్ ట్విట్టర్ ద్వారా ప్రకటించారు. ‘అఖండ-2’తో పోటీ కారణంగానే ఈ నిర్ణయం తీసుకున్నట్లు తెలుస్తోంది.
‘లాక్డౌన్’ సినిమా వివరాలు
అనుపమ పరమేశ్వరన్ (Anupama Parameswaran)ఫుల్ ఫామ్లో ఉంది. భాషతో సంబంధం లేకుండా బ్యాక్ టు బ్యాక్ సినిమాలు చేస్తూ ప్రేక్షకులను అలరించడంలో ముందుంటుంది. ఇటీవల ‘బైసన్’ మూవీతో వచ్చిన అనుపమ హిట్ అందుకోలేక పోయింది. ప్రస్తుతం ‘లాక్డౌన్’ (Lockdown)సినిమాతో రాబోతుంది. సర్వైవల్ థ్రిల్లర్ బ్యాక్డ్రాప్లో తెరకెక్కిన ఈ చిత్రానికి ఏఆర్ జీవా ఫీచర్ డైరెక్టోరియల్ డెబ్యూట్. లైకా ప్రొడక్షన్స్ బ్యానర్పై సుబాస్కరన్ నిర్మిస్తుండగా.. చార్లీ ప్రియా వెంకట్, నిర్మల, లివింగ్స్టర్, ఇందుమతి, రాజ్ కుమార్ కీలక పాత్రలో కనిపించబోతున్నారు.
విడుదల వాయిదాపై మేకర్స్ ప్రకటన
ఈ చిత్రం లాక్డౌన్ సమయంలో ఒక జంట విడిపోవడానికి సిద్ధంగా ఉన్నప్పుడు మహమ్మారి వారిని ఎలా ప్రభావితం చేసిందనే కథను చెబుతుంది. అయితే షూటింగ్ పూర్తి చేసుకున్న ఈ సినిమా పలు సార్లు వాయిదా పడుతూ వస్తుంది. ఇక చివరగా.. ఈ చిత్రం డిసెంబర్ 12న రిలీజ్ కావాల్సి ఉండగా.. మరోసారి వాయిదా పడింది. తాజాగా, ఈ విషయాన్ని మూవీ మేకర్స్ ట్విట్టర్ ద్వారా ప్రకటించారు. ‘‘అనుకోని కారణాల వల్ల మా ‘లాక్డౌన్’విడుదలను వాయిదా వేస్తున్నాం. ఈ మూవీ చుట్టూ ఉన్న ఉత్సాహం, అంచనాలను మేము అర్ధం చేసుకున్నాము. రిలీజ్ వాయిదా వేయడం వల్ల మా ప్రేక్షకులు, థియేటర్ భాగస్వాములు, పంపిణీదారులు, మీడియాకు కలిగే ఏదైనా అసౌకర్యానికి మేము చింతిస్తున్నాము.
‘అఖండ-2’తో పోటీ కారణంగానే వాయిదా?
సాధ్యమైనంత ఉత్తమ పరిస్థితుల్లో సినిమా మీకు చేరుతుందని నిర్ధారించుకోవడానికి మేము కట్టుబడి ఉన్నాము. మీ ఓర్పు, మద్దతు, అవగాహనకు మేము నిజంగా కృతజ్ఞతలు తెలుపుతున్నాము. కొత్త విడుదల తేదీని త్వరలోనే ప్రకటిస్తాము’’ అని కీలక నోట్ విడుదల చేశారు. కాగా.. ఈ చిత్రాన్ని ‘అఖండ-2’ కోసం వాయిదా వేసినట్లు సమాచారం. ఈ మూవీతో పాటు ‘అఖండ-2’కు పోటీ వచ్చే చిన్న చిత్రాలన్ని వాయిదా పడినట్లు తెలుస్తోంది. బాలయ్యతో పోటీపడి గెలవడం కష్టమని మేకర్స్ ఈ నిర్ణయం తీసుకున్నట్లు టాక్.
మొత్తానికి, మార్కెట్ పోటీ దృష్ట్యా ‘లాక్డౌన్’ సినిమా విడుదల వాయిదా పడింది. అనుపమ పరమేశ్వరన్ అభిమానులు ఈ సర్వైవల్ థ్రిల్లర్ కోసం ఇంకొంత కాలం వేచి ఉండక తప్పదు. త్వరలోనే కొత్త విడుదల తేదీని ప్రకటించే అవకాశం ఉంది.
