ప్రముఖ దర్శకురాలు, కొరియోగ్రాఫర్ ఫరా ఖాన్ తన కొత్త యూట్యూబ్ షో ‘ఆంటీ కిస్కో బోలా’ను ప్రకటించారు. వయసుతో సంబంధం లేకుండా ప్రతిభ ఉన్న మహిళల కోసం ఈ షో ప్రత్యేకంగా రూపొందించబడింది. సాజిద్ ఖాన్, సునీతా అహుజా జడ్జిలుగా ఉన్నారు.
Key Points
ఫరా ఖాన్ యూట్యూబ్లో కొత్త టాలెంట్ షో ‘ఆంటీ కిస్కో బోలా’ ప్రారంభించారు.
ఈ షోలో ఏజ్తో సంబంధం లేకుండా ప్రతిభ ఉన్న మహిళలు పాల్గొంటారు.
సాజిద్ ఖాన్, సునీతా అహుజా మొదటి జడ్జిలుగా వ్యవహరిస్తున్నారు.
ప్రతి వారం వేర్వేరు గెస్ట్ జడ్జిలు ఈ షోలో కనిపిస్తారు.
ఫరా ఖాన్ కొత్త షో ప్రకటన
సినీ దర్శకురాలు, కొరియోగ్రాఫర్, యూట్యూబ్ స్టార్ ఫరా ఖాన్ తన లేటెస్ట్ ప్రాజెక్ట్ను అనౌన్స్ చేశారు. అది ఒక డిఫరెంట్, సరదా టాలెంట్ షో. దాని పేరు ఆంటీ కిస్కో బోలా (Aunty Kiso Bola). ఈ షో ఏజ్ తో సంబంధం లేకుండా టాలెంట్ ఉన్న మహిళల కోసం ప్రత్యేకంగా చేసింది. ఇది ఆమె యూట్యూబ్ ఛానెల్లో ప్రీమియర్ అవుతుంది. ఇండియాలోని నెంబర్ 1 ఆంటీలకు ఇది ఒక మంచి ప్లాట్ఫామ్ అవుతుంది.
బాలీవుడ్ డైరెక్టర్ ఫరా ఖాన్ వెరైటీ టైటిల్, కాన్సెప్ట్ తో వస్తోంది. ఈ షో పేరు ఆంటీ కిస్కో బోలా. ఈ షోను ఇన్స్టాగ్రామ్లో అనౌన్స్ చేస్తూ.. ఫరా ఒక టీజర్ క్లిప్ ను షేర్ చేశారు. ఇందులో ఆమె తమ్ముడు, ఫిల్మ్ మేకర్ సాజిద్ ఖాన్, గోవింద భార్య సునీతా అహుజా మొదటి జడ్జిలుగా కనిపించారు.
‘ఆంటీ కిస్కో బోలా’ షో కాన్సెప్ట్
“గ్రాండ్ టాలెంట్ షోకి స్వాగతం.. ఇండియాలో నంబర్ 1 ఆంటీ కోసం వేట. ఇది ఆంటీలకు మాత్రమే టాలెంట్ షో. టాలెంట్కి ఏజ్ ఉండదు” అని వీడియోలో రాసి ఉంది.
ఫరా తన పోస్ట్కి క్యాప్షన్ ఇలా పెట్టారు.. “రేపు!! నా ఛానెల్లో కొత్త షో.. ఆంటీ కిస్కో బోలా. ప్రతీ మహిళకు ఉన్న టాలెంట్ను బయటికి తీసుకురావడానికి మా మొదటి జడ్జిలుగా ఉన్నందుకు సాజిద్ ఖాన్, సునీతా అహుజాకు థాంక్యూ. ఒక స్పెషల్ గెస్ట్ అపియరెన్స్ కూడా ఉంది..” అని ఫరా వెల్లడించింది. ఈ షోలో ప్రతీ వారం వేర్వేరు గెస్ట్ జడ్జిలు వస్తారు. ఎక్కువగా వెలుగులోకి రాని మహిళల టాలెంట్ను ఇది చూపిస్తుంది.
జడ్జిలు మరియు గెస్ట్ అపియరెన్స్
ఈ డిఫరెంట్ కాన్సెప్ట్కు ఫిల్మ్, టీవీ రంగాల నుంచి చాలా సపోర్ట్ వచ్చింది. నటి మోనా సింగ్ స్పందిస్తూ.. “వావ్ వావ్ ఇది చాలా ఎంటర్టైనింగ్గా ఉంది ఫరా.. బెస్ట్ విషెస్” అని కామెంట్ చేశారు. మనిష్ పాల్ స్పందిస్తూ.. “చాలా నచ్చింది ఫర్రూ.. బిగ్ కంగ్రాట్స్” అని రాశారు. యాక్టర్ రవీ దూబే ఇంకా వెల్నెస్ కోచ్ డీన్ పాండే కూడా ఈ యూనిక్ కాన్సెప్ట్ను పొగిడారు.
80కిపైగా సినిమాల్లో, 100కుపైగా పాటలకు కొరియోగ్రఫీ చేసి.. తీస్ మార్ ఖాన్, హ్యాపీ న్యూ ఇయర్ లాంటి హిట్ సినిమాలను డైరెక్ట్ చేసిన ఫరా ఖాన్.. తన కెరీర్లో దూసుకెళ్తూనే ఉన్నారు. ఆమె గతంలో మాన్సూన్ వెడ్డింగ్, వానిటీ ఫెయిర్, కుంగ్ ఫూ యోగా లాంటి అంతర్జాతీయ సినిమాలకు కూడా కొరియోగ్రఫీ చేశారు. దీనికి గానూ ఆమెకు టోనీ, గోల్డెన్ హార్స్ అవార్డ్ లాంటి అవార్డ్స్ వచ్చాయి. ఆమె వివిధ సెలబ్రిటీలను పిలిచి తన కుక్ దిలీప్తో కలిసి ఒక వంటల షోతో యూట్యూబ్లోకి అడుగుపెట్టారు.
ఫరా ఖాన్ యొక్క ‘ఆంటీ కిస్కో బోలా’ షో, మహిళల ప్రతిభను ప్రదర్శించే వినూత్న ప్రయత్నంగా నిలుస్తుంది. ఈ షో ద్వారా అనేక మంది ప్రతిభావంతులైన మహిళలు వెలుగులోకి వస్తారని ఆశిద్దాం.
