నందమూరి బాలకృష్ణ తన 65వ పుట్టినరోజును జరుపుకుంటున్నారు. 50 ఏళ్ల సినీ జీవితంలో అనేక విజయవంతమైన చిత్రాలలో నటించారు. ఈ సందర్భంగా ఆయన ఆస్తుల విలువ గురించి తెలుసుకుందాం.
Key Points
నందమూరి బాలకృష్ణ 65వ పుట్టినరోజు వేడుకలు
₹20-30 కోట్ల పారితోషికం, వంద కోట్లకు పైగా ఆస్తులు
జూబ్లీహిల్స్లోని భవనం, భూములు, ఫామ్హౌస్లు
బంగారం, వెండి, వజ్రాలు, ఖరీదైన కార్లు
నట వృత్తి మరియు ఆస్తులు
హీరోగా, రాజకీయ నాయకుడిగా రాణిస్తున్న నందమూరి బాలకృష్ణ తన 65వ పుట్టినరోజు జరుపుకుంటున్నారు. ఇప్పటికీ యాక్షన్ చిత్రాలలో నటిస్తున్నారు. మాస్ చిత్రాలకు కేరాఫ్గా నిలుస్తూ ఫ్యాన్స్ కి పూనకాలు తెప్పిస్తున్నారు బాలయ్య.
1974లో బాలకృష్ణ నటుడిగా ‘తాతమ్మ కల’ సినిమాతో తెరంగేట్రం చేశారు. ఈ 50 ఏళ్లలో 110 సినిమాల్లో నటించారు. ఇటీవల బాలకృష్ణ నటించిన సినిమాలు అత్యధిక వసూళ్లు సాధించాయి.
బాలకృష్ణ ఆస్తుల వివరాలు
నందమూరి బాలకృష్ణ ఒక్కో సినిమాకి రూ.20 నుండి రూ.30 కోట్ల వరకు పారితోషికం తీసుకుంటున్నారు. గతంలో పది కోట్లకే పరిమితమయ్యారు. కానీ ఈ మధ్య ఆయన సినిమాలు వంద కోట్లకుపైగా వసూళ్లని రాబడుతున్న నేపథ్యంలో తాను కూడా పారితోషికం పెంచారు.
జూబ్లీహిల్స్లోని బాలయ్య ఇంటి విలువ రూ.50 కోట్లు. అలాగే ఆయనకు భూములు, ఫామ్హౌస్లు ఉన్నాయి. రామకృష్ణ స్టూడియో, ఎన్టీఆర్ స్టూడియోలో భాగస్వామ్యం ఉంది. అలాగే ఆయన దగ్గర ఆరు కిలోల బంగారం, 156 కిలోల వెండి, 580 క్యారెట్ల వజ్రాలు ఉన్నాయట. BMW 7 సిరీస్ కార్లు, బెంజ్ వంటి కార్లు ఉన్నాయి.
టాలీవుడ్ లో బాలకృష్ణ ప్రభావం
ఇలా టాలీవుడ్లో బిగ్ షాట్లో ఒకరిగా రాణిస్తున్నారు బాలయ్య. బాలయ్య ఆస్తులు వంద కోట్ల వరకు ఉంటాయని ఎన్నికల సంఘానికి సమర్పించిన లెక్కల్లో తెలిపారు. కానీ అంతకంటే ఎక్కువే ఉంటుందని, వందల కోట్లు ఉంటాయని సమాచారం. (ఇది సోషల్ మీడియాలో వైరల్ అవుతున్న సమాచారం మాత్రమే)
‘అఖండ 2’ సినిమాకి బాలకృష్ణ తన పారితోషికాన్ని రూ.30 కోట్లకు పెంచారు. ‘అఖండ’ మొదటి భాగం, ‘వీరసింహారెడ్డి’ , `భగవంత్ కేసరి`, `డాకు మహారాజ్` సినిమాలు అత్యధిక వసూళ్లు సాధించాయి.
నటన, రాజకీయాలలో సత్తా చాటుతున్న బాలకృష్ణ, టాలీవుడ్లో ఒక అగ్రశ్రేణి నటుడిగా కొనసాగుతున్నారు. ఆయన ఆస్తులు, వృత్తిపరమైన విజయాలు ఆయన కృషికి నిదర్శనం.
