📌 Key Points
- బెల్లంకొండ శ్రీనివాస్ త్వరలో కావ్య రెడ్డిని పెళ్లాడనున్నట్లు సమాచారం!
- త్వరలో వీరి వివాహం గురించి అధికారిక ప్రకటన వెలువడే అవకాశం ఉంది.
- బెల్లంకొండ శ్రీనివాస్ నటించిన ‘కిష్కిందపురి’ సినిమా సూపర్ హిట్ అయింది.
- ప్రస్తుతం హైందవ, టైసన్ నాయుడు సినిమాలలో నటిస్తున్న బెల్లంకొండ శ్రీనివాస్.
టాలీవుడ్ లో మరో యంగ్ హీరో పెళ్లి పీటలెక్కడానికి సిద్ధమయ్యారు. బెల్లంకొండ శ్రీనివాస్ త్వరలోనే ఓ ఇంటివాడు కాబోతున్నాడు. అమ్మాయి ఎవరు? వివరాల్లోకి వెళ్దాం!
బెల్లంకొండ శ్రీనివాస్ పెళ్లి వార్త వైరల్!
Bellamkonda Sreenivas: టాలీవుడ్ హీరోలు ఒక్కరొక్కరుగా తమ బ్రహ్మచర్యానికి బై.. బై.. చెప్పేస్తున్నారు. రీసెంట్ గా టాలీవుడ్ ఇండస్ట్రీ నుంచి విజయ్ దేవరకొండ పెళ్లి చేసుకున్న విషయం తెలిసిందే. ఆయన నేషనల్ క్రష్ రష్మిక మందన్న మెడలో మూడుముళ్లు వేశాడు. ఇక మరో హీరో అల్లు శిరీష్ కూడా పెళ్లి చేసుకోబోతున్నాడు. ఈ పెళ్ళికి సంబంధించి అల్లువారి ఇంట గత రెండు వారల నుంచి సంబరాలు జరుగుతూనే ఉన్నాయి. అల్లు శిరీష్- నైనికా రెడ్డిల పెళ్లి మార్చి 6న జరుగనుంది.
ఇప్పుడు మరో టాలీవుడ్ యంగ్ హీరో కూడా పెళ్ళికి సిద్ధం అయినట్టుగా తెలుస్తోంది. ఆ హీరో మరెవరో కాదు బెల్లంకొండ సాయి శ్రీనివాస్(Bellamkonda Sreenivas). అవును, బెల్లంకొండ శ్రీనివాస్ పెళ్ళికి పెద్దలు ఏర్పాట్లు మొదలుపెట్టేశాడట. ఆయన, కావ్య రెడ్డి అనే అమ్మాయిని త్వరలోనే పెళ్లి చేసుకోబోతున్నాడు. ప్రస్తుతం ఈ న్యూస్ సోషల్ మీడియాలో వైరల్ గా మారింది. దీంతో, కావ్య రెడ్డి ఎవరు అనేది తెలుసుకోవడానికి బెల్లంకొండ శ్రీనివాస్ ఫ్యాన్స్ సెర్చింగ్ మొదలుపెట్టేశారు.
కావ్య రెడ్డి ఎవరు? బ్యాక్ గ్రౌండ్ వివరాలు!
అయితే, కావ్య రెడ్డి సినిమా ఇండస్ట్రీకి చెందిన అమ్మాయి కాదు. ఆమె తాతా జడ్జి, నాన్న లాయర్. ఈ ఇరు కుటుంబాల మధ్య చాలా కాలంగా సన్నిహిత సంబంధాలు ఉన్నట్టుగా సమాచారం. అలా బెల్లంకొండ శ్రీనివాస్- కావ్య రెడ్డిల పెళ్ళికి పెద్దలు నిశ్చయించారట. త్వరలోనే ఈ పెళ్లిపై అధికారిక ప్రకటన వచ్చే అవకాశం ఉంది. ఇక బెల్లంకొండ శ్రీనివాస్ తండ్రి గురించి ప్రత్యేకమైన పరిచయం అవసరం లేదు. ఆయన సీనియర్ ప్రొడ్యూసర్ బెల్లంకొండ సురేష్.
త్వరలో అధికారిక ప్రకటన!
ఇక సినిమాల విషయానికి వస్తే, ఇటీవలే కిష్కిందపురి సినిమాతో కెరీర్ లోనే బిగ్గెస్ట్ హిట్ అందుకున్నాడు బెల్లంకొండ శ్రీనివాస్. హారర్ అండ్ థ్రిల్లర్ జానర్ లో వచ్చిన ఈ సినిమా సూపర్ హిట్ గా నిలిచింది. ఇక, ప్రస్తుతం ఈ హీరో హైందవ, టైసన్ నాయుడు అనే రెండు సినిమాలను చేస్తున్నాడు. ఈ రెండు సినిమాలు కూడా త్వరలోనే ప్రేక్షకుల ముందుకు రానున్నాయి.
బెల్లంకొండ శ్రీనివాస్ పెళ్లి వార్త టాలీవుడ్ లో హాట్ టాపిక్ గా మారింది. దీనికి సంబంధించిన మరిన్ని అప్డేట్స్ కోసం చూస్తూనే ఉండండి.
