టాలీవుడ్ నటుడు బ్రహ్మానందం తన తాజా ఆత్మకథ ‘ME and मैं’ విడుదల సందర్భంగా మీడియాతో మాట్లాడారు. ఆయన రాజకీయ ప్రవేశంపై తన స్పష్టతను వెల్లడించారు. తన జీవిత విశేషాలను, సినిమా ప్రయాణాన్ని కూడా పంచుకున్నారు.
Key Points
బ్రహ్మానందం రాజకీయాల్లోకి రావడం లేదు.
ఆయన తన ఆత్మకథ 'ME and मैं' ను విడుదల చేశారు.
సోషల్ మీడియాలో వైరల్ అయ్యే మీమ్స్ గురించి మాట్లాడారు.
బ్రహ్మీ రాజకీయాలపై స్పష్టత
టాలీవుడ్ స్టార్ కమెడియన్ బ్రహ్మానందం చాలా కాలం నుంచి సినిమాలు తగ్గించారు, అడపా దడపా గెస్ట్ రోల్స్ చేసుకుంటున్నారు. మిగిలిన టైమ్ లో తనకు నచ్చిన పని చేసుకుంటూ రెస్ట్ తీసుకుంటున్నారు. ఈక్రమంలో ఆయన పెయింటింగ్ తో పాటు, తన ఆత్మకథను రాసుకున్నారు. ఈ బుక్ కు ‘ME and मैं’ అనే పేరును పెట్టారు బ్రహ్మానందం. ఇక రీసెంట్ గా ఈ బుక్ ను ఆవిష్కరించారు. ఈ గ్రంథాన్ని మాజీ ఉపరాష్ట్రపతి వెంకయ్య నాయుడు హైదరాబాద్లో ఘనంగా విడుదల చేశారు. ఈ సందర్భంగా జరిగిన కార్యక్రమంలో బ్రహ్మానందం తన జీవితంలోని కీలక ఘట్టాలు, అభిప్రాయాలను పంచుకున్నారు.
ముఖ్యంగా తన రాజకీయ రంగప్రవేశంపై వస్తున్న ఊహాగానాలకు బ్రేక్ వేశారు బ్రహ్మీ. రాజకీయాల్లోకి వచ్చే ఉద్దేశం తనకు ఏమాత్రం లేదని స్పష్టంగా ప్రకటించారు. ఆయన మాట్లాడుతూ “నాకు ఎలాంటి రాజకీయ నేపథ్యం లేదు. నేను రాజకీయాల్లోకి వెళ్లాలనుకునే వ్యక్తిని కాదు,” అంటూ బ్రహ్మానందం తేల్చిచెప్పారు. తన జీవితం పూర్తిగా చిత్ర పరిశ్రమకే అంకితం చేసినదని, సినిమా రంగమే తన చివరి మజిలీ అని అన్నారు. “నా పదవికి రిటైర్మెంట్ ఇవ్వొచ్చు కానీ, నా పెదవికి రిటైర్మెంట్ ఇవ్వలేను. నేను నవ్విస్తూ ఉంటాను” అని ఆయన మరోసారి తన మార్క్ కామెడీ పండించారు. సభలో నవ్వులు పూయించారు.
‘ME and मैं’ ఆత్మకథ విడుదల
బ్రహ్మానందం మాట్లాడుతూ, “నేను చాలా నిరుపేద కుటుంబం నుంచి వచ్చాను. అధ్యాపకుడిగా జీవితం ప్రారంభించి, నటనపై ఆసక్తితో సినిమాల్లోకి వచ్చాను. ఇప్పటివరకు 1200కి పైగా సినిమాల్లో నటించాను. ఇది నటరాజ స్వామి ఆశీర్వాదం తో పాటు ప్రేక్షకుల అభిమానంతోనే సాధ్యమైంది” అని అన్నారు.
ఈ సందర్భంగా బ్రహ్మానందం తనపై సోషల్ మీడియాలో వదిలే మీమ్స్ గురించి కూడా మాట్లాడారు. “నన్ను కేవలం హాస్యనటుడిగానే కాకుండా ‘మీమ్స్ బాయ్’గా మార్చారు. అయినా ఏ రూపంలోనైనా పదిమందిని నవ్వించడం నా ధ్యేయం” అని తనదైన కామెడీ మార్క్ డైలాగ్స్ తో నవ్వించారు బ్రహ్మానందం. అంతే కాదు పొలిటికల్ గా తను ఆర్శంగా తీసుకునే వ్యక్తి గురించి కూడా ఆయన మాట్లాడారు. కష్టపడితే విజయం తప్పదు అనే విషయానికి వెంకయ్య నాయుడు జీవితమే నిదర్శనమని, తనకు ఆయన నుండి స్ఫూర్తి లభించిందని బ్రహ్మానందం అన్నారు.
సినిమా ప్రయాణం, మీమ్స్ గురించి
సాధారణంగా సెలబ్రిటీల ఆత్మకథలలో ఏదో ఒక వివాదాస్పద అంశాలు టచ్ చేస్తుంటారు. దాంతో అది వైరల్ అవ్వడంతో పాటు, కాంట్రవర్సీలకు కూడాదారి తీస్తుంటాయి. అయితే ఈ విషయంలో కూడా బ్రహ్మానందం క్లారిటీ ఇచ్చారు. తన ఆత్మకథలో అటువంటి వివాదాలకు తావులేకుండా, కేవలం తన అనుభవాలను, జీవితంలో ఎదురైన సవాళ్లను, విజయాలను మాత్రమే పొందుపరిచానని బ్రహ్మానందం తెలిపారు.
చివరగా, బ్రహ్మానందం తన జీవితం సినిమాలకే అంకితం అని, రాజకీయాల్లోకి అడుగుపెట్టే ఆలోచన లేదని స్పష్టం చేశారు. తన ఆత్మకథ విడుదలతో ఆయన తన జీవితపు అనుభవాలను అభిమానులతో పంచుకున్నారు.
