ఐకాన్ స్టార్ అల్లు అర్జున్, లోకేష్ కనగరాజ్ కాంబోలో రాబోతున్న AA23 చిత్రంపై అంచనాలు ఆకాశాన్ని అంటాయి. ఇప్పుడు ఈ ప్రాజెక్ట్లోకి బుట్టబొమ్మ ఎంట్రీ వార్తలు టాలీవుడ్లో కొత్త సంచలనం సృష్టిస్తున్నాయి. ఈ క్రేజీ అప్డేట్ ఫ్యాన్స్ను ఉర్రూతలూగిస్తోంది!
Key Points
ఐకాన్ స్టార్ అల్లు అర్జున్, లోకేష్ కనగరాజ్ ప్రాజెక్ట్లో పూజా హెగ్డే ఎంట్రీ?
'దువ్వాడ జగన్నాథం', 'అల వైకుంఠపురములో' తర్వాత మూడోసారి బన్నీ-పూజా జోడి.
'బుట్టబొమ్మ' సాంగ్ సృష్టించిన మ్యాజిక్ను మళ్లీ చూడాలని ఫ్యాన్స్ ఆశ.
లోకేష్ స్టైలిష్ టేకింగ్లో పూజా పాత్రపై భారీ అంచనాలు.
బన్నీ-లోకేష్ కాంబోలో పూజా హ్యాట్రిక్ ఖాయమా?
‘పుష్ప’ ఫ్రాంచైజీతో అంతర్జాతీయ స్థాయిలో క్రేజ్ సంపాదించుకున్న ఐకాన్ స్టార్ అల్లు అర్జున్ , ప్రస్తుతం వరుస పాన్ ఇండియా ప్రాజెక్ట్లతో ఎంతో బిజీగా ఉన్నారు. ఆయన ప్లాన్ చేస్తున్న చిత్రాలు భారతీయ చిత్రసీమలో భారీ అంచనాలను నెలకొల్పుతున్నాయి. ప్రస్తుతం కోలీవుడ్ స్టార్ డైరెక్టర్ అట్లీ దర్శకత్వంలో నటిస్తోన్న ‘రాకా’ చిత్రంపై పాన్ వరల్డ్ రేంజో భారీ క్రేజ్ నెలకొంది. ఈ వరుసలో కోలీవుడ్ సెన్సేషనల్ డైరెక్టర్ లోకేష్ కనగరాజ్తో అల్లు అర్జున్ చేతులు కలపడం టాలీవుడ్ , కోలీవుడ్లతో పాటు దేశవ్యాప్తంగా విపరీతమైన ఆసక్తిని రేకెత్తించింది. లోకేష్ మార్క్ పవర్ఫుల్ టేకింగ్, విభిన్నమైన యాక్షన్ ఎంటర్టైన్మెంట్ శైలికి బన్నీ మాస్ ఎనర్జీ తోడైతే బాక్సాఫీస్ వద్ద సరికొత్త రికార్డులు ఖాయమని సినీ విశ్లేషకులు భావిస్తున్నారు. బన్నీ కెరీర్లో 23వ చిత్రంగా తెరకెక్కనున్న ఈ ‘AA23’ ప్రాజెక్ట్ ప్రస్తుతం ప్రీ-ప్రొడక్షన్ పనులను వేగవంతం చేసుకుంటోంది. * ‘లెనిన్’ డైరెక్టర్ మాస్టర్ ప్లాన్.. కోలీవుడ్ స్టార్ ధనుష్తో నెక్ట్స్ మూవీ? ఈ బిగ్గెస్ట్ యాక్షన్ డ్రామాకు సంబంధించి ప్రస్తుతం ఒక ఆసక్తికరమైన ప్రచారం సినీ వర్గాల్లో హాట్ టాపిక్గా మారింది. ఈ సినిమాలో అల్లు అర్జున్ సరసన హీరోయిన్గా బుట్టబొమ్మ పూజా హెగ్డేను ఎంపిక చేసే ఆలోచనలో చిత్ర బృందం ఉన్నట్లు సోషల్ మీడియాలో వార్తలు తెగ చక్కర్లు కొడుతున్నాయి. లోకేష్ కనగరాజ్ తన చిత్రాల్లో హీరోయిన్ల పాత్రలను ఎంతో స్టైలిష్గా, ప్రభావవంతంగా డిజైన్ చేస్తారనే పేరుంది. ఈ నేపథ్యంలో, బన్నీ-పూజాల కాంబినేషన్ను ఆయన ఏ రీతిలో ఆవిష్కరిస్తారనేది ఇప్పుడు మరింత ఆసక్తిని రేకెత్తిస్తోంది. * విజయ్–రష్మిక ఫ్యాన్స్కు నిరాశ… సెప్టెంబర్ రేస్ నుంచి ‘రణబాలి’ అవుట్? ఒకవేళ ఈ వార్త గనుక నిజమైతే, ఇది వెండితెరపై అల్లు అర్జున్ – పూజా హెగ్డే కాంబినేషన్లో రాబోయే హ్యాట్రిక్ మూవీ కానుంది. గతంలో వీరిద్దరి కలయికలో హరీష్ శంకర్ దర్శకత్వంలో ‘దువ్వాడ జగన్నాథం’, ఆ తర్వాత త్రివిక్రమ్ శ్రీనివాస్ దర్శకత్వంలో వచ్చిన ఆల్టైమ్ ఇండస్ట్రీ హిట్ ‘అల వైకుంఠపురములో’ చిత్రాలు బాక్సాఫీస్ వద్ద కాసుల వర్షం కురిపించాయి. ముఖ్యంగా వీరి మధ్య ఉన్న అద్భుతమైన స్క్రీన్ కెమిస్ట్రీ, డాన్సులు ప్రేక్షకులను విశేషంగా ఆకట్టుకున్నాయి. ‘బుట్టబొమ్మ’ సాంగ్ అయితే మ్యూజిక్ ప్రియుల ఆల్టైమ్ ఫేవరెట్గా మారింది. దీంతో ఈ హిట్ పెయిర్ ముచ్చటగా మూడోసారి స్క్రీన్ షేర్ చేసుకోబోతోందనే వార్త అభిమానుల్లో ఉత్సాహాన్ని నింపుతోంది. మరోవైపు లోకేష్ కనగరాజ్ డైరెక్షన్లో వచ్చిన ‘కూలీ’ చిత్రంలో పూజా హెగ్దే ‘మోనికా’ అంటూ డ్యాన్స్తో దుమ్మురేపిన సంగతి తెలిసిందే. సాంకేతికంగా, నిర్మాణపరంగా ఎంతో భారీ స్థాయిలో ప్లాన్ చేస్తున్న ఈ ప్రాజెక్ట్ పూర్తిస్థాయి ఇంటెన్స్ యాక్షన్ ఎంటర్టైనర్గా అలరించనుంది. ప్రస్తుతం పూజా హెగ్డే ఎంపికకు సంబంధించి సోషల్ మీడియాలో జోరుగా ప్రచారం సాగుతున్నప్పటికీ, నిర్మాణ సంస్థ నుంచి ఎలాంటి అధికారిక ప్రకటన వెలువడలేదు.
బుట్టబొమ్మ సాంగ్ మ్యాజిక్ మళ్లీ రిపీట్ అవుతుందా?
AA23లో పూజా హెగ్డే పాత్ర ఎలా ఉండబోతోంది?
అల్లు అర్జున్, లోకేష్ కాంబోకు పూజా హెగ్డే తోడైతే బాక్సాఫీస్ వద్ద రికార్డులు బద్దలు కావడం ఖాయం. ఈ మెగా ప్రాజెక్ట్ గురించిన మరిన్ని అప్డేట్ల కోసం వేచి చూడండి.
