📌 Key Points
- LPG ఛార్జీల పేరుతో అదనపు వసూళ్లు చేస్తే చర్యలు తప్పవని రెస్టారెంట్లకు సీసీపీఏ హెచ్చరిక.
- బిల్లులో గ్యాస్ ఛార్జీలు వేయకూడదని, మెనూలోనే ధరలు నిర్ణయించాలని ఆదేశం.
- సర్వీస్ ఛార్జ్ మాదిరిగానే LPG ఛార్జీల వసూలును సీసీపీఏ తప్పుబట్టింది.
- అదనపు ఛార్జీలు వసూలు చేస్తే 1915కు ఫిర్యాదు చేయాలని వినియోగదారులకు సూచన.
హోటళ్లు, రెస్టారెంట్లలో ఫుడ్ బిల్లులపై LPG ఛార్జీల పేరుతో అదనపు వసూళ్లను సీసీపీఏ తప్పుబట్టింది. ఇది అనుచిత వ్యాపార ధోరణి అని పేర్కొంటూ, ఇలాంటి వసూళ్లు చేస్తే కఠిన చర్యలు తీసుకుంటామని హెచ్చరించింది.
LPG ఛార్జీల వసూళ్లపై సీసీపీఏ ఆగ్రహం
హోటళ్లు, రెస్టారెంట్లకు వెళ్లే వినియోగదారులకు కేంద్ర వినియోగదారుల రక్షణ అధికార సంస్థ (CCPA) గుడ్ న్యూస్ చెప్పింది. ఫుడ్ బిల్లులపై అదనంగా LPG ఛార్జీలు, గ్యాస్ సర్చార్జ్ పేరుతో వసూలు చేయడంపై రెస్టారెంట్ యాజమాన్యాలను సీసీపీఏ వార్నింగ్ ఇచ్చింది. ఇలాంటి అదనపు వసూళ్లు అనుచిత వ్యాపార ధోరణి’ (Unfair Trade Practice) కిందకు వస్తాయని స్పష్టం చేసింది. రెస్టారెంట్లు తమ వంట గ్యాస్ లేదా నిర్వహణ ఖర్చులను పరిగణనలోకి తీసుకునే ఆహార పదార్థాల ధరలను మెనూలో నిర్ణయించాలని, బిల్లులో విడిగా గ్యాస్ ఛార్జీలు వేయకూడదని ఆదేశాలు జారీ అయ్యాయి.
అయితే, గతంలో సర్వీస్ ఛార్జ్ వసూలు చేయకూడదని ఇచ్చిన ఆదేశాలను తప్పించుకోవడానికి, కొన్ని రెస్టారెంట్లు ఇప్పుడు LPG ఛార్జ్ అనే కొత్త పేరుతో వినియోగదారుల నుంచి అదనపు డబ్బులు వసూలు చేస్తున్నాయని సీసీపీఏ గుర్తించింది. దీంతో మెనూ కార్డులో పేర్కొన్న ధర, వర్తించే పన్నులు (GST) మినహా మరే ఇతర ఛార్జీలను చెల్లించాల్సిన అవసరం లేదని అధికారులు తెలిపారు. ఎవరైనా నిబంధనలు ఉల్లంఘించి అదనపు ఛార్జీలు వసూలు చేసే హోటళ్లపై జాతీయ వినియోగదారుల హెల్ప్లైన్ నంబర్ 1915 కు ఫోన్ చేసి లేదా ‘E-Daakhil’ పోర్టల్ ద్వారా ఫిర్యాదు చేయవచ్చని సూచించింది. గ్యాస్ ధరలు పెరిగినప్పటికీ, ఆ భారాన్ని నేరుగా సర్చార్జీల రూపంలో వినియోగదారులపై వేయడం చట్టవిరుద్ధమని సీసీపీఏ తేల్చి చెప్పింది.
వినియోగదారులకు సీసీపీఏ ముఖ్య సూచన
ఫిర్యాదుకు అవకాశం కల్పించిన సీసీపీఏ
గ్యాస్ ధరల భారాన్ని వినియోగదారులపై వేయడం చట్టవిరుద్ధమని సీసీపీఏ స్పష్టం చేసింది. నిబంధనలు ఉల్లంఘించిన వారిపై కఠిన చర్యలు తప్పవని హెచ్చరించింది.
