తెలుగు నటి చాందినీ చౌదరి కొత్త సినిమా పూజా కార్యక్రమం ఘనంగా జరిగింది. దర్శకుడు తరుణ్ భాస్కర్ చేతుల మీదుగా ప్రారంభమైన ఈ చిత్రంలో చాందినీ చౌదరి, సుశాంత్ యాష్కీ ప్రధాన పాత్రలు పోషిస్తున్నారు. సైన్స్ ఫిక్షన్ డార్క్ కామెడీ జానర్లో తెరకెక్కుతున్న ఈ చిత్రంపై ఆసక్తి నెలకొంది.
Key Points
చాందినీ చౌదరి, సుశాంత్ యాష్కీ ప్రధాన పాత్రల్లో కొత్త సినిమా ప్రారంభం.
దర్శకుడు తరుణ్ భాస్కర్ చేతుల మీదుగా ముహూర్తపు సన్నివేశానికి క్లాప్ కొట్టి ప్రారంభించారు.
సహచారి క్రియేషన్స్ బ్యానర్లో వికాస్ దర్శకత్వంలో సైన్స్ ఫిక్షన్ డార్క్ కామెడీ జానర్.
నవంబర్ చివరిలో హైదరాబాద్ లో షూటింగ్ ప్రారంభం కానుంది.
చాందినీ చౌదరి కొత్త ప్రాజెక్ట్ వివరాలు
Chandini Chowdary : తెలుగమ్మాయి చాందిని చౌదరి వరుసగా డిఫరెంట్ కథలతో, కొత్త కొత్త సినిమాలతో ప్రేక్షకుల ముందుకు రానుంది. త్వరలోనే సంతాన ప్రాప్తిరస్తు అనే సినిమాతో రానుంది. తాజాగా మరో కొత్త సినిమా మొదలుపెట్టింది. చాందినీ చౌదరి, సుశాంత్ యాష్కీ మెయిన్ లీడ్స్ లో కొత్త సినిమా తెరకెక్కనుంది. సహచారి క్రియేషన్స్ బ్యానర్పై సృజన గోపాల్ నిర్మాణంలో వికాస్ దర్శకత్వంలో సైన్స్ ఫిక్షన్ డార్క్ కామెడీ జానర్ లో ఈ సినిమా ఉండనుంది. నేడు ఈ కొత్త సినిమా పూజ కార్యక్రమం జరిగింది.(Chandini Chowdary)
ముహూర్తపు సన్నివేశానికి దర్శకుడు తరుణ్ భాస్కర్ క్లాప్ కొట్టి ఈ సినిమాని ప్రారంభించాడు. ఈ సందర్భంగా తరుణ్ భాస్కర్ మాట్లాడుతూ.. సహచారి ప్రొడక్షన్ 2 లాంచ్ చేయడం ఆనందంగా ఉంది. ఈ కాన్సెప్ట్ విన్నాను. చాలా యూనిక్ కాన్సెప్ట్ తో వస్తున్నారు అని అన్నారు.
తరుణ్ భాస్కర్ చేతుల మీదుగా లాంచ్
మూవీ లాంచ్ అనంతరం నిర్మాత సృజన గోపాల్ మాట్లాడుతూ.. సహచారి క్రియేషన్స్ సినిమా ఇండస్ట్రీలో ఒక కొత్త కాన్సెప్ట్ ని పరిచయం చేయబోతుంది. సైన్స్ ఫిక్షన్ డార్క్ కామెడీ జానెర్లో ఆడియన్స్ కి ఒక కొత్త అనుభవం ఇవ్వబోతున్నాం. ఎవరూ ఊహించని ఒక సూపర్ హీరోని ఈ సినిమాతో పరిచయం చేస్తున్నాము. ఈ సినిమా కాన్సెప్ట్ వీడియోను త్వరలోనే విడుదల చేస్తాము. నవంబర్ చివరిలో హైదరాబాద్ లో షూటింగ్ ప్రారంభం కానుంది అని తెలిపారు.
సైన్స్ ఫిక్షన్ డార్క్ కామెడీ జానర్
ఈ సినిమాలో జీవన్ కుమార్, అజయ్ గోష్.. పలువురు కీలక పాత్రల్లో నటిస్తున్నారు.
తరుణ్ భాస్కర్ ప్రశంసలు పొందిన ఈ సైన్స్ ఫిక్షన్ డార్క్ కామెడీ చిత్రం నవంబర్ చివరిలో షూటింగ్ ప్రారంభించనుంది. ఒక కొత్త కాన్సెప్ట్ తో రానున్న ఈ సినిమా ప్రేక్షకులకు విభిన్న అనుభూతిని ఇస్తుందని చిత్ర బృందం నమ్మకం వ్యక్తం చేసింది.
