📌 Key Points
- చార్ ధామ్ యాత్రలో ప్రత్యేక పూజల రుసుములు 5-10% పెంపు.
- రూ. 11 లక్షలతో మెగా స్పెషల్ పూజను ప్రారంభించనున్న ఆలయ కమిటీ.
- అన్ని పూజలు ఒకే ప్యాకేజీలో అందుబాటులోకి తెచ్చిన కమిటీ.
- ఏప్రిల్ 19 నుంచి చార్ ధామ్ యాత్ర ప్రారంభం కానుంది.
చార్ ధామ్ యాత్ర ప్రారంభం కానున్న నేపథ్యంలో బద్రీనాథ్, కేదార్ నాథ్ దేవాలయ కమిటీ కీలక నిర్ణయాలు తీసుకుంది. సాధారణ, ప్రత్యేక పూజల రుసుములను పెంచడంతో పాటు మెగా స్పెషల్ పూజను ప్రవేశపెట్టింది.
పూజల రుసుములను పెంచిన ఆలయ కమిటీ
చార్ ధామ్ యాత్ర మరికొద్దిరోజుల్లో ప్రారంభం కానుంది. ఈ క్రమంలో బద్రీనాథ్, కేదార్ నాథ్ టెంపుల్స్ కమిటీ (BKTC) కీలక నిర్ణయాలు తీసుకుంది. ఆలయాల్లో సాధారణ, ప్రత్యేక పూజల రుసుములను 5-10 శాతం పెంచుతున్నట్లు ప్రకటించింది. దీనితోపాటు రూ.11 లక్షల విలువైన ప్రత్యేక మెగా స్పెషల్ పూజ కోసం ఒక విధానాన్ని రూపొందిస్తున్నట్లు వెల్లడించింది. వివిధ పూజలు చేయించుకోవాలనుకునే భక్తులకు అన్నీ కలిపి మెజా స్పెషల్ పూజ అనే ప్యాకేజీని రూపొందించినట్లు తెలిపింది. పూజల ద్వారా వచ్చే డబ్బులను ఆలయాల నిర్వహణ ఖర్చులకు వినియోగిస్తామని బీకేటీసీ ఛైర్మన్ హేమంత్ ద్వివేది వెల్లడించారు. గతంలో ప్రతి పూజను విడివిడిగా బుక్ చేసుకోవాల్సి ఉండేదని, ఈ ప్రక్రియ యాత్రికులకు తరచూ ఇబ్బంది అవుతోందనే భక్తుల కోరిక మేరకు అన్ని పూజల్ని ఒకే మాడ్యూల్ ద్వారా పొందేందుకు వీలుగా ఆలయ కమిటీ నిర్ణయం తీసుకుంది. కాగా.. ఏప్రిల్ 19 నుంచి చార్ ధామ్ యాత్ర ప్రారంభం కానుండగా.. ఏప్రిల్ 22న కేదార్ నాథ్, 23న ఉదయం 6.15 గంటలకు బద్రీనాథ్ ఆలయ ద్వారాలు తెరచుకుంటాయి.
మెగా స్పెషల్ పూజ అంటే ఏమిటి?
భక్తులకు ఆలయ కమిటీ సూచనలు
చార్ ధామ్ యాత్ర ప్రారంభానికి ముందే ఆలయ కమిటీ తీసుకున్న ఈ నిర్ణయాలు భక్తులపై ప్రభావం చూపనున్నాయి. మెగా పూజ అందుబాటులోకి రావడం ఒక కొత్త అంశం.