మెగాస్టార్ చిరంజీవి 158వ సినిమాపై ఆసక్తికరమైన వార్తలు వినిపిస్తున్నాయి. దర్శకుడు బాబీతో రెండోసారి కలవనున్న ఈ ప్రాజెక్ట్లో హీరోయిన్లుగా మాళవికా మోహనన్, రాశీ ఖన్నా పేర్లు ప్రముఖంగా వినిపిస్తున్నాయి. ఇది గ్యాంగ్స్టర్ డ్రామాగా రూపొందనుందని సమాచారం.
Key Points
చిరంజీవి 158వ చిత్రంలో మాళవికా మోహనన్, రాశీ ఖన్నాలు హీరోయిన్స్గా నటించే అవకాశం.
'వాల్తేరు వీరయ్య' తర్వాత చిరు-బాబీ కాంబినేషన్లో గ్యాంగ్స్టర్ డ్రామా రానుంది.
కెవిన్ ప్రొడక్షన్ నిర్మిస్తున్న ఈ చిత్ర నటీనటుల వివరాలు త్వరలోనే వెల్లడి కానున్నాయి.
ప్రభాస్ 'ది రాజాసాబ్' సినిమాతో మాళవికా మోహనన్ తెలుగు తెరకు పరిచయం కానున్నారు.
చిరంజీవి 158: హీరోయిన్స్ ఎవరంటే?
చిరంజీవి సరసన మాళవికా మోహనన్ నటించనున్నారా? అంటే అవుననే టాక్ వినిపిస్తోంది. ‘వాల్తేరు వీరయ్య’ (2023) వంటి బ్లాక్బస్టర్ ఫిల్మ్ తర్వాత హీరో చిరంజీవి, దర్శకుడు బాబీ (కేఎస్ రవీంద్ర)ల కాంబినేషన్లో ఓ సినిమా రానుంది. కెవిన్ ప్రోడక్షన్ సంస్థ ఈ సినిమాను నిర్మించనుంది. చిరంజీవి కెరీర్లోని 158వ సినిమా ఇది. కాగా ఈ చిత్రంలో ఇద్దరు హీరోయిన్స్కు చాన్స్ ఉందని, ఒక హీరోయిన్గా మాళవికా మోహనన్, మరో హీరోయిన్గా రాశీ ఖన్నా నటించనున్నారనే ప్రచారం జరుగుతోంది.
బాబీ దర్శకత్వంలో మరోసారి మెగాస్టార్
గ్యాంగ్స్టర్ డ్రామాగా ఈ సినిమా కథనం ఉంటుందని, అతి త్వరలోనే ఈ సినిమా నటీనటులు, సాంకేతిక నిపుణుల వివరాలపై ఓ స్పష్టత రానుందని సమాచారం. మరి… చిరంజీవి సరసన రాశీ ఖన్నా, మాళవికాలకు హీరోయిన్లుగా నటించే చాన్స్ లభిస్తుందా? లెట్స్ వెయిట్ అండ్ సీ.
మాళవికా మోహనన్ కొత్త తెలుగు ప్రాజెక్ట్స్
మరోవైపు ప్రభాస్ హీరోగా నటిస్తున్న ‘ది రాజాసాబ్’ సినిమాతో తెలుగు పరిశ్రమకు పరిచయం అవుతున్నారు మాళవికా మోహనన్. ఈ చిత్రంలో నిధీ అగర్వాల్, రిద్ది కుమార్ కూడా హీరోయిన్లుగా నటిస్తున్నారు. మారుతి దర్శకత్వంలో రూపొందుతున్న ఈ సినిమా జనవరి 9న విడుదల కానుంది.
చిరంజీవి 158వ సినిమాలో హీరోయిన్స్గా మాళవికా మోహనన్, రాశీ ఖన్నాలు ఎంపిక అవుతారా లేదా అనేది వేచి చూడాలి. త్వరలోనే అధికారిక ప్రకటన వచ్చే అవకాశం ఉంది.
