అక్కినేని అఖిల్ ఎట్టకేలకు ‘లెనిన్’ సినిమాతో సాలిడ్ హిట్ అందుకున్నాడు. మొదటి రెండు రోజుల్లోనే భారీ వసూళ్లతో దూసుకుపోతున్న ఈ చిత్రానికి మెగాస్టార్ చిరంజీవి ప్రశంసలు తోడయ్యాయి. చిరు ట్వీట్ తో సినిమాపై అంచనాలు మరింత పెరిగాయి.
Key Points
అఖిల్ అక్కినేని 'లెనిన్' సినిమాతో సాలిడ్ సక్సెస్ అందుకున్నాడు.
మొదటి రెండు రోజుల్లోనే రూ.37.2 కోట్లకు పైగా గ్రాస్ వసూళ్లు సాధించింది.
మెగాస్టార్ చిరంజీవి అఖిల్ ను, 'లెనిన్' చిత్రాన్ని ఆకాశానికి ఎత్తేశారు.
చిరు ట్వీట్ అక్కినేని అభిమానుల్లో కొత్త ఉత్సాహాన్ని నింపింది.
అఖిల్ కు ఎట్టకేలకు సాలిడ్ హిట్!
Akhil Lenin: అన్నీ ఉన్నాయ్ ..ఆ ఒక్కటి తప్ప అన్నట్టుగా. లేనిది ఏదీ లేదు.అందం, ఆస్తి, అండదండలు ..ఇలా కావాల్సినవన్నీ ఉన్నాయ్ .కానీ ఒక్క సాలిడ్ సక్సెస్ తప్ప. ఇదీ అక్కినేని వారి వారసుడు అఖిల్ తీరు.2015లో ‘అఖిల్’ సినిమాతో ఎంట్రీ ఇచ్చిన ఈ కుర్ర హీరోకి కాలం అస్సలు కలిసి రాలేదు.ఈ గ్యాప్ లో వచ్చిన కొత్త హీరోలు ఇండస్ట్రీలో పాతుకుపోయెందుకు ప్రయత్నిస్తే ఈయనగారు మాత్రం ఇంకా ఒక్క హిట్టు కోసం కళ్ళు కాయలు కాసేలా ఎదురుచూడాల్సిన పరిస్థితి.
ఏజెంట్ అయితే అందరికి ఒక పీడకల
హలో’, ‘మిస్టర్ మజ్ను,‘మోస్ట్ ఎలిజిబుల్ బ్యాచిలర్’ఇలా ఏ సినిమా చేసినా అలా వచ్చి ఇలా పోవడమే కాని బ్లాక్ బస్టర్ ట్యాగ్ ని వేసుకోలేకపోయాయి.సురేందర్ రెడ్డి దర్శకత్వంలో భారీ అంచనాలాతో వచ్చిన ఏజెంట్ అయితే అందరికి ఒక పీడకలనే మిగిల్చింది.దాదాపు మూడేళ్ళ కష్టం, కావాల్సిన మేకోవర్, అన్నింటికీ మించి సిక్స్ ప్యాక్ ..ఇలా ఏమేం కావాలో అన్నీ ఇచ్చినా సూరి మాత్రం అఖిల్ కి సక్సెస్ ఇవ్వలేకపోయాడు.
రెండో రోజు ఒక్కరోజే రూ.20.5 కోట్లకు పైగా వసూళ్లు
చిరు ప్రశంసలతో పెరిగిన బజ్
దీంతో కథల వేటలో పడ్డ అఖిల్ మరో మూడేళ్ళు గ్యాప్ తీసుకొని లెనిన్ అనే సినిమాతో వచ్చాడు. మురళీ కృష్ణ అబ్బూరు తెరకెక్కించిన ఈ సినిమాని నాగార్జునే స్వయంగా నిర్మించాడు కూడా. అయితే మొదట్లో మోస్తరు బజ్ మోసిన ఈ సినిమా రిలీజ్ నాటికి మంచి అంచనాలని పెంచుకోవడం, ఇక రిలీజ్ అయ్యాక పాజిటివ్ వైబ్ తో దూసుకెళ్ళడం చూస్తుంటే అయ్యగారికి ఎట్టకేలకి సాలిడ్ హిట్ పడినట్టే కనిపిస్తుంది . మొదటి రోజు వచ్చిన రూ.16.7 కోట్ల కలెక్షన్లకి మించి రెండో రోజు ఒక్కరోజే రూ.20.5 కోట్లకు పైగా వసూళ్లు రావడం దీన్ని ప్రూవ్ చేసిందనే చెప్పాలి.అంటే రెండు రోజుల్లో దాదాపుగా 37.2 కోట్లకు పైగా గ్రాస్ వసూళ్లు సాధించిందన్న మాట .వరుస ప్లాపుల్లో మునిగిఉన్న హీరోకి ఈ మాత్రం వసూళ్లు రావడమంటే కంటెంట్ కనెక్ట్ అయినట్టే.
అక్కినేని అభిమానుల్లో కొత్త జోష్ నింపిన చిరు ట్వీట్
ఇక దీనికి తోడు ఇండస్ట్రీ నుండి ప్రముఖుల విషెస్ సినిమాపై మరింత బజ్ క్రియేట్ చేస్తున్నాయి.ఇప్పటికే నాని, మహేష్, సమంత వంటి వారు తమ తమ ట్వీట్స్ తో విషెస్ చెప్పేగా ఇపుడు ఏకంగా చిరు సినిమాపై ట్వీట్ వదిలి అంచనాలు పెంచేశాడు.అఖిల్ తనకు మరో కొడుకు లాంటివాడని, సినిమా సినిమాకూ అతను నటుడిగా ఎదుగుతున్న తీరు చూస్తుంటే ముచ్చటేస్తోందని చిరు చెప్పడం అక్కినేని అభిమానుల్లో కొత్త జోష్ నింపింది. అలాగే అఖిల్ నే కాకుండా కింగ్ నాగ్ మరియు ప్రత్యేకంగా అభినందనలు చెబుతూ . సినిమా చూసేందుకు తాను కూడా ఎంతో ఆసక్తిగా ఎదురుచూస్తున్నట్లు ప్రకటించడంతో ఈ ప్రాజెక్ట్కు ఒక్కసారిగా మరింత హైప్ వచ్చేసింది.
ఇలా ఇండస్ట్రీ బిగ్ బాస్ తన విషెస్ ని లెనిన్ పై కురిపించడంతో సినిమా వచ్చే రోజుల్లో మరింత దూసుకుపోతుందని, ఇదే జోష్ కంటిన్యూ అయితే వంద కోట్ల క్లబ్ లో కూర్చోవడం పెద్ద కష్టమేమి కాదని కాన్ఫిడెన్స్ చూపిస్తున్నారు మేకర్స్. చూడాలి మరి చిరు వారి ఈ ట్వీట్ కలెక్షన్ల వేటలో ఇంకెంత వేగం పెంచుతుందో !
లెనిన్ కలెక్షన్ల సునామీ షురూ?
Hearing wonderful things about #Lenin . Delighted by the unanimous appreciation, especially for @AkhilAkkineni8 ’s performance. Akhil is very dear to me, like another son and it’s a joy to see him grow with every film.
Congratulations to my dear friend @iamnagarjuna , the entire…
— Chiranjeevi Konidela (@KChiruTweets) July 13, 2026
చిరంజీవి ప్రశంసలు, భారీ వసూళ్లతో ‘లెనిన్’ సినిమా దూసుకుపోతోంది. అఖిల్ కెరీర్ కు ఇది టర్నింగ్ పాయింట్ అవుతుందా, కలెక్షన్ల వేట ఎంత దూరం వెళ్తుందో చూడాలి.
