డెస్క్ జాబ్ చేసేవారికి కొలంబియా యూనివర్సిటీ నిపుణులు కీలక సూచనలు చేశారు. ప్రతి గంటకు 5 నిమిషాలు నడవడం వల్ల నిశ్చల జీవనశైలితో వచ్చే డయాబెటిస్, ఊబకాయం వంటి ఆరోగ్య సమస్యలను తగ్గించుకోవచ్చని తెలిపారు. ఇది శారీరక, మానసిక ఆరోగ్యానికి ఎంతో మేలు చేస్తుందని అధ్యయనాలు వెల్లడిస్తున్నాయి.
Key Points
ప్రతి గంటకు 5 నిమిషాలు నడవడం వల్ల డయాబెటిస్, ఊబకాయం, గుండె జబ్బులు తగ్గుతాయి.
నిశ్చల జీవనశైలి వల్ల వచ్చే ఆరోగ్య సమస్యలను నివారించవచ్చు.
చిన్న బ్రేక్లు, నడక మానసిక ఆరోగ్యం, ఏకాగ్రత, పని ఉత్పాదకతను మెరుగుపరుస్తాయి.
కొలంబియా యూనివర్సిటీ నిపుణుల అధ్యయనం ఈ ప్రయోజనాలను నిర్ధారించింది.
నిశ్చల జీవనశైలి – ఆరోగ్య సమస్యలు
మీరు రోజంతా కూర్చొని ఉండే డెస్క్ జాబ్ చేస్తున్నారా? అయితే ప్రతీ గంటకు ఒకసారిపైకి లేచి 5 నిమిషాలపాటు వాకింగ్ చేయడం బెటర్.. అంటున్నారు కొలంబియా యూనివర్సిటీకి చెందిన నిపుణులు. దీనివల్ల నిశ్చల జీవనశైలి వల్ల వచ్చే డయాబెటిస్, ఊబకాయం, గుండె జబ్బులు వంటి రిస్క్ తగ్గుతుందని చెబుతున్నారు. ఇంకా ఏయే ప్రయోజనాలు ఉన్నాయో ఇప్పుడు చూద్దాం.
ప్రతి గంటకు 5 నిమిషాల నడకతో ప్రయోజనాలు
అధ్యయనంలో భాగంగా సుమారు 19,300 ఉద్యోగుల హెల్త్ డేటాను నిపుణులు విశ్లేషించారు. ఈ సందర్భంగా వారు గంటల తరబడి కదలికలేకుండా ఉండేవారిలో ఆరోగ్య సమస్యలు తలెత్తుతున్నట్లు గుర్తించారు. అలాగే చిన్న చిన్న బ్రేక్లు, నడక శారీరక ఆరోగ్యాన్ని మెరుగుపరుస్తాయని గమనించారు. ముఖ్యంగా ప్రతీ 30 నిమిషాలకు ఒకసారి బ్రేక్ తీసుకుంటే.. మానసిక ఆరోగ్యం, ఏకాగ్రత, పని ఉత్పాదకత కూడా మెరుగవుతాయని నిర్ధారించారు.
మానసిక, శారీరక ఆరోగ్యానికి సులభ మార్గం
ప్రతీ గంటకు ఒకసారి 5 నిమిషాలపాటు చేసే చిన్న చిన్న నడకలు శరీరంలో రక్తప్రసరణను మెరుగుపరుస్తాయని, కూర్చొని ఉండడం వల్ల వచ్చే ఆరోగ్య సమస్యలను తగ్గిస్తాయని నిపుణులు అంటున్నారు. అందుకే ఆఫీసు ఉద్యోగులు లేదా డెస్క్ జాబ్ చేసేవారు ఈ సాధారణ అలవాటును అనుసరిస్తే శారీరక, మానసిక ఆరోగ్యాలను కాపాడుకోవచ్చునని సూచిస్తున్నారు. పైగా ఇది ఆరోగ్యకరమైన జీవనశైలికి సులభమైన మార్గమని చెబుతున్నారు.
డెస్క్ జాబ్ చేసేవారు ప్రతి గంటకు 5 నిమిషాలు నడవడం ద్వారా ఆరోగ్య ప్రయోజనాలు పొందవచ్చు. నిశ్చల జీవనశైలి వ్యాధుల నుండి రక్షణ కల్పిస్తుంది. ఆరోగ్యకరమైన జీవితానికి ఇది సులభమైన మార్గం.
