మాచో స్టార్ గోపీచంద్… తెరపై ఆయన పవర్ఫుల్ యాక్షన్ చూస్తే ఎవరైనా ఫిదా అవ్వాల్సిందే! కానీ, తెర వెనుక ఆయన జీవితంలో దాగి ఉన్న కన్నీటి గాథలు తెలుసుకుంటే మీ గుండె ద్రవించక మానదు. ఆయన అనుభవించిన ఆ విషాదాల గురించి పూర్తి వివరాలు ఇక్కడ చూడండి!
Key Points
గోపీచంద్ తండ్రి టి. కృష్ణ 36 ఏళ్లకే మరణం, అప్పుడు గోపీచంద్ వయసు కేవలం 8 ఏళ్లు.
అన్నయ్య ప్రేమ్ చంద్ 19 ఏళ్ల వయసులో రోడ్డు ప్రమాదంలో అకాల మరణం చెందారు.
ప్రేమ్ చంద్ 'అమ్మాయి కాపురం' సినిమా షూటింగ్ సమయంలో జరిగిన ఘోర దుర్ఘటన.
అన్నయ్య అంత్యక్రియలకు కూడా హాజరు కాలేకపోయిన గోపీచంద్ గుండెల్ని పిండేసే విషాదం.
గోపీచంద్ జీవితంలో గుండెల్ని పిండేసే విషాదాలు
సినిమా తెరపై పవర్ఫుల్ యాక్షన్తో, ఊరమాస్ డైలాగులతో అలరించే హీరోల జీవితాల వెనుక మనకు తెలియని ఎన్నో కన్నీటి గాథలు దాగుంటాయి. టాలీవుడ్లో ‘మాచో స్టార్’గా తనకంటూ ఒక ప్రత్యేక సామ్రాజ్యాన్ని సృష్టించుకున్న నటుడు గోపీచంద్ జీవితం కూడా అలాంటిదే. ఆన్ స్క్రీన్ అయినా, ఆఫ్ స్క్రీన్ అయినా ఎప్పుడూ చిరునవ్వుతో కనిపించే గోపీచంద్ వెనుక రెండు భారీ గుండెకోతలు ఉన్నాయి. ఒకటి తన తండ్రి మరణం అయితే, మరొకటి తన అన్నయ్య అకాల మరణం. తెలుగు చిత్రసీమలో విప్లవాత్మక చిత్రాల దర్శకుడిగా పేరుగాంచిన టి. కృష్ణ వారసుడిగా గోపీచంద్ ఇండస్ట్రీలోకి అడుగుపెట్టారు. ‘తొలివలపు’ చిత్రంతో హీరోగా కెరీర్ ప్రారంభించి.. ‘జయం’, ‘నిజం’, ‘వర్షం’ చిత్రాల్లో విలన్గా రౌద్రం చూపించి, ఆ తర్వాత ‘యజ్ఞం’, ‘రణం’, ‘లక్ష్యం’, ‘లౌక్యం’, ‘సాహసం’, ‘విశ్వం’ వంటి ఎన్నో సూపర్ హిట్ చిత్రాలతో స్టార్ హీరోగా ఎదిగారు. అయితే ఈ విజయాల వెనుక ఆయన అనుభవించిన నరకం అంతా ఇంతా కాదు. * మా నాన్న ఆత్మహత్య చేసుకున్నారు… కూలీ కొడుకువా అని అవమానించారు – పోసాని ఎమోషనల్ గోపీచంద్ తండ్రి టి.కృష్ణ 1986 అక్టోబర్ 21న కేవలం 36 ఏళ్ల వయసులోనే తీవ్ర అనారోగ్యంతో కన్నుమూశారు. అప్పుడు గోపీచంద్ వయసు కేవలం 8ఏళ్లు మాత్రమే. ఆ చిన్న వయసులోనే తండ్రి ప్రేమకు దూరమైన గోపీచంద్ను అంతకంటే పెద్ద విషాదం ముందు ముందు వెంటాడుతుందని ఎవరూ ఊహించలేదు. టి. కృష్ణ పెద్ద కుమారుడు, గోపీచంద్ అన్నయ్య అయిన ప్రేమ్ చంద్ కూడా తండ్రి బాటలోనే నడుస్తూ పెద్ద దర్శకుడు అవ్వాలని కలలు కన్నారు. అందుకోసం ముత్యాల సుబ్బయ్య దర్శకత్వంలో వచ్చిన ‘అమ్మాయి కాపురం’ అనే చిత్రానికి అసిస్టెంట్ డైరెక్టర్గా చేరి ఇండస్ట్రీ మెలకువలు నేర్చుకుంటున్నారు. కేవలం 19 ఏళ్ల వయసున్న ప్రేమ్ చంద్ త్వరలోనే మెగా ఫోన్ పట్టి తండ్రి పేరు నిలబెడతాడని అందరూ ఆశించారు. కానీ విధి ఆ ఆశలను రోడ్డు ప్రమాదం రూపంలో ఛిన్నాభిన్నం చేసింది. ఒక్క నిమిషంలో అంతా తారుమారు ఈ ఘోర దుర్ఘటన గురించి ప్రముఖ నటుడు మాదాల రవి ఒక ఇంటర్వ్యూలో చెప్తూ కన్నీరు పెట్టుకున్నారు. ‘అమ్మాయి కాపురం’ షూటింగ్ జరుగుతున్న సమయంలో టంగుటూరు పరిసర ప్రాంతాల నుండి ఒక సోడా బండిని సెట్కు తీసుకురావాల్సి ఉంది. డ్రైవర్ ఆలస్యం చేస్తుండటంతో నేనే వెళ్లి తీసుకొస్తానంటూ ప్రేమ్ చంద్ స్వయంగా కారు తీసుకుని బయలుదేరాడు. దారిలో డ్రైవర్ నెమ్మదిగా వెళ్తుండటంతో, సమయం అయిపోతుందని ప్రేమ్ చంద్ తనే డ్రైవింగ్ సీట్లో కూర్చున్నాడు. అలా కూర్చున్న సరిగ్గా ఒక్క నిమిషానికే.. ఊహించని విధంగా ఒక లారీ వచ్చి వారి కారును బలంగా ఢీకొట్టింది. ఆ ప్రమాదంలో 19 ఏళ్ల ప్రేమ్ చంద్ అక్కడికక్కడే కన్నుమూశారు. * మెగా మేనల్లుడికి విలన్గా సంజయ్ దత్… ‘సంబరాల ఏటి గట్టు’ క్లైమాక్స్ ఫైట్ షురూ చివరిచూపునకు నోచుకోని గోపీచంద్ ఈ ఘోర సంఘటన సంభవించినప్పుడు గోపీచంద్ రష్యాలో ఇంజనీరింగ్ చదువుతున్నారు. అన్నయ్య ఇక లేడనే చేదు వార్త విన్న గోపీచంద్ గుండె పగిలిపోయింది. కనీసం అన్నయ్య భౌతిక కాయాన్ని ఆఖరిసారిగా చూసుకుందామన్నా.. వీసా సమస్యల కారణంగా రష్యా నుండి రాలేకపోయారు. కన్న తండ్రిని, తోడబుట్టిన అన్నయ్యను వరుసగా కోల్పోయి, అంత్యక్రియలకు కూడా రాలేకపోయిన ఆ అభాగ్యుడి వేదన వర్ణనాతీతం. ఆ దెబ్బకు గోపీచంద్ మానసికంగా పూర్తిగా కుంగిపోయారు. అయితే కుటుంబ బాధ్యతలు తన భుజాలపై పడటంతో గుండె నిండా దుఃఖాన్ని దాచుకుని, మనసును రాయి చేసుకుని ఇండియాకు తిరిగివచ్చారు. తండ్రి బాటలో సినీ ఇండస్ట్రీలో ఎదగాలన్న అన్నయ్య కలను నిజం చేయాలనే తపనతో టాలీవుడ్లోకి అడుగుపెట్టి నేడు ఒక స్టార్గా కొనసాగుతున్నారు.
19 ఏళ్లకే అన్నయ్య అకాల మరణం ఎలా జరిగింది?
అంత్యక్రియలకు రాలేకపోయిన గోపీచంద్ గుండెకోత
గోపీచంద్ జీవితంలోని ఈ గుండెల్ని పిండేసే నిజాలు ప్రతి ఒక్కరినీ కదిలించాయి. ఆయన ధైర్యానికి సెల్యూట్ చేయాల్సిందే! ఇలాంటి మరిన్ని ఆసక్తికరమైన టాలీవుడ్ అప్డేట్స్ కోసం మా పేజీని చూస్తూ ఉండండి!
