సంగీత దిగ్గజం ఇళయరాజా రెండు విభిన్న సినిమాలకు ఒకే ట్యూన్తో పాటలు రచించి అందరినీ ఆశ్చర్యపరిచారు. రజనీకాంత్ మరియు కమల్ హాసన్ సినిమాల్లోని ఈ పాటలు బాక్సాఫీస్ వద్ద ఘన విజయం సాధించాయి.
Key Points
ఇళయరాజా రెండు సినిమాలకు ఒకే ట్యూన్తో పాటలు కంపోజ్ చేశారు.
కమల్ హాసన్, శ్రీదేవి నటించిన 'మూడ్రాం పిరై' సినిమాలోని పాట ఒకటి.
రజనీకాంత్ నటించిన 'తంబిక్కు ఎంత ఊరు' సినిమాలోని పాట మరొకటి.
రెండు పాటలు ప్రేక్షకులను ఎంతగానో ఆకట్టుకున్నాయి.
ఒకే ట్యూన్తో రెండు హిట్ పాటలు
సంగీత దిగ్గజం ఇళయరాజా వెయ్యికి పైగా సినిమాలకు సంగీతం అందించారు. ఆయన పాటలకు అభిమానులుగా మారని వారుండరు. ఇప్పటి సినిమాల్లో కూడా ఆయన పాటలు వాడుతున్నారు. అంతగా ప్రజల మనసుల్లో ఆయన పాటలు నిలిచిపోయాయి. ఆ పాటల ప్రవాహంలో ఇళయరాజా రెండు సినిమాల్లో ఒకే పాట ట్యూన్ని ఉపయోగించారు.
ఇళయరాజా ఎక్కువ సినిమాలకు సంగీతం అందించిన హీరోలు రజినీకాంత్, కమల్ హాసన్. వారి సినిమాల విజయంలో ఇళయరాజా సంగీతం కీలక పాత్ర పోషించింది. రజినీ, కమల్లకు ఎన్నో హిట్ పాటలు ఇచ్చిన ఇళయరాజా, వారిద్దరి సినిమాల్లోనూ ఒకే ట్యూన్తో రెండు పాటలు కంపోజ్ చేశారంటే నమ్మగలరా? ఆశ్చర్యం ఏంటంటే ఆ రెండు పాటలూ ప్రజలకు బాగా నచ్చాయి. విశేష ఆదరణ పొందాయి. శ్రోతలను అలరించాయి.
‘మూడ్రాం పిరై’ మరియు ‘తంబిక్కు ఎంత ఊరు’ సినిమాల ప్రత్యేకత
బాలు మహేంద్ర దర్శకత్వంలో కమల్ హాసన్, శ్రీదేవి నటించిన `మూడ్రాం పిరై`(తెలుగులో వసంతకోకిల) సినిమాలోని పాటలు బాగా హిట్ అయ్యాయి. సినిమా విజయంలో ఈ సాంగ్స్ కీలక పాత్ర పోషించాయి. కన్నదాసన్ రాసిన, యేసుదాస్ పాడిన ‘Poongaatru Puthithaanathu` పాటలోని ఇంటర్లూడ్లో ఒక ట్యూన్ ఉంటుంది. ఆ ట్యూన్నే రజినీకాంత్ సినిమాలో కూడా వాడారు ఇళయరాజా.
ఇళయరాజా సంగీతం – ఒక మాయాజాలం
1984లో వచ్చిన `తంబిక్కు ఎంత ఊరు` సినిమాలో ఎస్పీ బాలు పాడిన ‘ఎన్ వాళ్విలే’ పాటలో ఆ ట్యూన్నే వాడారు. ఆ రెండు పాటలూ ఎప్పటికీ గుర్తుండిపోయే మాస్టర్ పీస్ గా నిలిచింది. తమిళ ఆడియెన్స్ ని ఎంతగానో ఆకట్టుకున్నాయి. `తంబిక్కు ఎంత ఊరు` సినిమాలోని ‘కాదలిన్ దీపం ఒండ్రు’ పాటలోని లిరిక్స్ని కమల్ హాసన్ `కళ్యాణ రామన్` సినిమాలో కూడా వాడారు. ఈ రెండు పాటలూ హిట్ అయ్యాయి. అది ఇళయరాజా మ్యాజిక్ అంటే.
ఇళయరాజా సంగీతం ఎల్లప్పుడూ ప్రజల మనసులను ఆకర్షిస్తుంది. రెండు సినిమాలకు ఒకే ట్యూన్తో పాటలు అందించి, ఆయన తన మేధావిత్వాన్ని మరోసారి చాటుకున్నారు.
