📌 Key Points
- విజయ్ నటించిన ‘జన నాయగన్’ సినిమా సెన్సార్ వివాదంలో చిక్కుకుంది.
- రాజకీయ డైలాగులు తొలగించడానికి విజయ్ ససేమిరా అంటున్నారు.
- సినిమా విడుదల మద్రాస్ హైకోర్టు తీర్పుపై ఆధారపడి ఉంది.
- విజయ్ రాజకీయ ప్రవేశానికి ఈ సినిమా అద్దం పట్టేలా ఉందని భావిస్తున్నారు.
తలపతి విజయ్ నటించిన ‘జన నాయగన్’ సినిమా సెన్సార్ వివాదంలో చిక్కుకుంది. రాజకీయ డైలాగులను తొలగించడానికి విజయ్ నిరాకరించడంతో సినిమా విడుదల వాయిదా పడింది. హైకోర్టు తీర్పు కోసం ఎదురుచూపులు.
సెన్సార్ అభ్యంతరాలు, విజయ్ పట్టుదల
Jana Nayagan: తలపతి విజయ్ నటించిన తాజా సినిమా జన నాయగన్ ప్రస్తుతం పెద్ద వివాదంలో చిక్కుకుంది. ఈ సినిమా ఈ నెలలో విడుదల కావాల్సి ఉండగా, ఇప్పుడు రిలీజ్ డేట్ను వాయిదా వేశారు. సినిమా క్యాలెండర్ నుంచి కూడా రిలీజ్ తేదీ తీసేశారు. దీనికి కారణం సెన్సార్ సమస్యలు, అలాగే న్యాయపరమైన అడ్డంకులే అని సమాచారం. జన నాయగన్ సినిమాలో రాజకీయ నేపథ్యం ఉన్న డైలాగులు, కొన్ని సున్నితమైన సన్నివేశాలు ఉన్నాయని సెన్సార్ బోర్డు అభ్యంతరం వ్యక్తం చేసింది. సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC) రివైజింగ్ కమిటీ సినిమా నుంచి కొన్ని డైలాగులు తొలగించాలని, కొన్ని సన్నివేశాల్లో మార్పులు చేయాలని సూచించింది. ముఖ్యంగా రాజకీయ వ్యాఖ్యలు ఉన్న డైలాగులపై ఎక్కువ అభ్యంతరాలు వచ్చాయని తెలుస్తోంది.
కానీ తలపతి విజయ్ మాత్రం ఈ విషయంలో వెనక్కి తగ్గడం లేదు. సినిమాలోని రాజకీయ డైలాగులే కథకు ప్రాణం అని ఆయన భావిస్తున్నారని సమాచారం. వాటిని తొలగిస్తే సినిమా అసలు ఉద్దేశం దెబ్బతింటుందని విజయ్ గట్టిగా అంటున్నట్లు వార్తలు వస్తున్నాయి. నిర్మాత, దర్శకుడు కొన్ని మార్పులకు ఒప్పుకున్నా, విజయ్ మాత్రం కీలక డైలాగుల విషయంలో రాజీ పడడం లేదట.
రాజకీయ అరంగేట్రానికి వేదికగా సినిమా?
ఇదే సమయంలో విజయ్ రాజకీయాల్లోకి అధికారికంగా ప్రవేశించేందుకు సిద్ధమవుతున్న సంగతి తెలిసిందే. 2026 అసెంబ్లీ ఎన్నికల నేపథ్యంలో ఆయన ఈ సినిమాను తన రాజకీయ ఆలోచనలకు అద్దంలా భావిస్తున్నారని అంటున్నారు. అందుకే ‘జన నాయకన్’లోని రాజకీయ అంశాలను తగ్గించడానికి ఆయన సిద్ధంగా లేరని టాక్.
ఈ సినిమా విడుదలపై కీలక నిర్ణయం ఇప్పుడు మద్రాస్ హైకోర్టు చేతిలో ఉంది. ఈ కేసుపై జనవరి 27న కోర్టు తీర్పు వెలువరించనుంది. కోర్టు నిర్ణయం, అలాగే సెన్సార్ బోర్డు తుది అభిప్రాయం ఆధారంగా సినిమా రిలీజ్ అవుతుందా లేదా అనే విషయం తేలనుంది.
హైకోర్టు తీర్పుపై సినిమా భవితవ్యం
జన నాయకన సినిమా ప్రస్తుతం సెన్సార్ వివాదం, న్యాయపరమైన సమస్యల మధ్య చిక్కుకుని ఉంది. తలపతి విజయ్ తీసుకున్న నో-కాంప్రమైజ్ నిర్ణయం సినిమాకు ఎంతవరకు ఉపయోగపడుతుందో, ప్రేక్షకులు ఈ సినిమాను ఎప్పుడు థియేటర్లలో చూడగలరో వేచి చూడాల్సిందే. అయితే ఇలానే కొనసాగితే అసలు ఈ సినిమా థియేటర్లో విడుదల కాకుండా ఓటీటీలోకి వచ్చే ఛాన్స్ కూడా ఉంది అనేది కొంతమంది అభిప్రాయం.
విజయ్ పట్టుదల, సెన్సార్ బోర్డు అభ్యంతరాల నడుమ ‘జన నాయగన్’ విడుదల సందిగ్ధంలో పడింది. హైకోర్టు తీర్పు సినిమా భవితవ్యాన్ని నిర్ణయిస్తుంది. ఈ సినిమా థియేటర్లలో విడుదల అవుతుందా లేదా వేచి చూడాలి.
