బాలీవుడ్ స్టార్ హృతిక్ రోషన్ మరియు టాలీవుడ్ యంగ్ టైగర్ ఎన్టీఆర్ నటిస్తున్న యాక్షన్ థ్రిల్లర్ ‘వార్ 2’పై అంచనాలు పెరుగుతున్నాయి. ఎన్టీఆర్ పుట్టినరోజు సందర్భంగా సినిమా గ్లింప్స్ విడుదల కానుంది.
Key Points
జూనియర్ ఎన్టీఆర్ పుట్టినరోజు సందర్భంగా వార్-2 గ్లింప్స్ విడుదల
ఆగస్టు 14, 2025న వార్-2 సినిమా విడుదల
ఎన్టీఆర్ మొదటిసారిగా విలన్ పాత్రలో నటించనున్నారు
తెలుగు థియేట్రికల్ హక్కులు రూ. 85-100 కోట్లకు అమ్ముడయ్యాయి
వార్-2 గ్లింప్స్ రిలీజ్ డేట్
బాలీవుడ్ సూపర్స్టార్ హృతిక్ రోషన్, టాలీవుడ్ యంగ్ టైగర్ ఎన్టీఆర్(Jr NTR) నటిస్తోన్న యాక్షన్ థ్రిల్లర్ ‘వార్ 2. ఈ సినిమాపై ఇప్పటికే భారీ అంచనాలు నెలకొన్నాయి. ఇప్పటికే విడుదలకు ముందే సంచలనాలు నమోదు చేయడం మొదలైంది. హృతిక్, ఎన్టీఆర్ కాంబినేషన్తో తెరకెక్కుతోన్న ఈ సినిమా ఆగస్టు 14, 2025న విడుదల కానుంది. ఈ చిత్రంలో మొదటి సారిగా ఎన్టీఆర్ విలన్ పాత్రలో కనిపించనుండటంతో అభిమానులు ఎంతో ఆసక్తిగా ఎదురు చూస్తున్నారు.
అయితే ఈనెల 20న ఎన్టీఆర్ బర్త్ డే కావడంతో వార్ -2 మేకర్స్ క్రేజీ అప్డేట్ ఇచ్చారు. జూనియర్ ఎన్టీఆర్ పుట్టినరోజు కానుకగా వార్-2 గ్లింప్స్ విడుదల చేయనున్నట్లు వెల్లడించారు. మంగళవారం ఉదయం 11 గంటలకు రిలీజ్ చేయనున్నట్లు పోస్టర్ పంచుకున్నారు. జూనియర్కు బర్త్ డే విషెస్ చెబుతూ టాలీవుడ్ మ్యూజిక్ డైరెక్టర్ ఎస్ఎస్ తమన్ పోస్టర్ షేర్ చేశారు. ఈ తాజా ప్రకటనతో వార్-2 అప్డేట్స్ కోసం ఎదురు చూస్తోన్న యంగ్ టైగర్ ఫ్యాన్స్ ఫుల్ ఖుషీ అవుతున్నారు. కాగా.. ఈ చిత్రంలో గేమ్ ఛేంజర్ బ్యూటీ కియారా అద్వానీ హీరోయిన్గా నటిస్తోంది.
ఎన్టీఆర్ విలన్ పాత్ర
అత్యధిక ధరకు తెలుగు రైట్స్..
సినిమా రైట్స్ విక్రయం
తెలుగు రాష్ట్రాల్లోనే కాకుండా వార్ 2 పాన్ ఇండియా స్థాయిలో భారీ హైప్ను సొంతం చేసుకుంది. ఆర్ఆర్ఆర్, దేవర… ఎన్టీఆర్ నటించిన మూవీ కావడంతో సినిమా రైట్స్ కోసం టాలీవుడ్ నిర్మాతలు ఆసక్తి చూపుతున్నారు. ఈ సినిమా ప్రాంతీయ హక్కుల కోసం ఎదురైన గట్టి పోటీని తట్టుకుని చివరికి ప్రముఖ నిర్మాతలు నాగ వంశీ, సునీల్ నారంగ్ ఈ డీల్ను చేజిక్కించుకున్నారు. విడుదలకి ముందే ఈ చిత్రం తెలుగు థియేట్రికల్ హక్కులు రూ. 85–100 కోట్ల మధ్య ధరల్లో అమ్ముడైపోయాయని వార్తలొస్తున్నాయి.
వార్-2 సినిమాపై భారీ అంచనాలున్నాయి. ఎన్టీఆర్ విలన్ పాత్రతో పాటు సినిమా రైట్స్ ధర కూడా అంచనాలను అందుకుంటోంది. జూనియర్ ఎన్టీఆర్ అభిమానులకు ఇది పెద్ద పండగే.
