ఎన్టీఆర్ కుటుంబం నుండి వచ్చిన జూనియర్ ఎన్టీఆర్, తన కొడుకులను సినిమాల్లో నటింపజేయడంపై తన అభిప్రాయాలను వెల్లడించాడు. వారసత్వంపై ఒత్తిడి లేకుండా, వారికి స్వతంత్రంగా ఉండే అవకాశం ఇవ్వాలనుకుంటున్నట్లు తెలిపాడు.
Key Points
జూనియర్ ఎన్టీఆర్ తన కొడుకులను సినిమాల్లో నటించమని బలవంతం చేయడు.
వారసత్వాన్ని కొనసాగించాలనే ఒత్తిడి లేకుండా వారికి స్వేచ్ఛనిస్తున్నాడు.
తండ్రి అవడం తన జీవితం, సినిమా ఎంపికలపై ఎలా ప్రభావం చూపిందో వివరించాడు.
వార్ 2 సినిమాతో హిందీ సినిమాలోకి అడుగుపెడుతున్నాడు.
వారసత్వంపై జూనియర్ ఎన్టీఆర్ అభిప్రాయాలు
1991లో తన తాత, లెజెండరీ ఎన్టీ రామారావు ప్రధాన పాత్రలో నటించిన బ్రహ్మర్షి విశ్వామిత్ర చిత్రంలో బాల నటుడిగా అరంగేట్రం చేసినప్పుడు జూనియర్ ఎన్టీఆర్ వయసు ఎనిమిదేళ్లు. కట్ చేస్తే.. జూనియర్ ఎన్టీఆర్ స్టార్డమ్తో తాత సీనియర్ ఎన్టీఆర్ వారసత్వాన్ని కొనసాగించే వ్యక్తిగా పేరు తెచ్చుకున్నాడు.
అయితే తన కుమారులు అభయ్ రామ్, భార్గవ్ రామ్ ఆ భారాన్ని మోయడం తనకు ఇష్టం లేదని ఎస్క్వైర్ ఇండియాకు ఇచ్చిన ఇంటర్వ్యూలో వెల్లడించాడు జూనియర్ ఎన్టీఆర్ . పితృత్వం, వారసత్వంపై జూనియర్ ఎన్టీఆర్ ఓ ఇంటర్వ్యూలో మాట్లాడుతూ.. తండ్రి అనే బాధ్యత తనను ఒక వ్యక్తిగా మార్చిందని, తాను ఎంచుకున్న పాత్రలను కూడా మార్చిందని తారక్ చెప్పాడు.
“నా పనిలో క్వాలిటీ కోసం వెతకడం ప్రారంభించాను. ఇకపై అది అంత సులువు కాకూడదనుకున్నాను. నన్ను ముందుకు నెట్టే పాత్రలు కావాలి, అక్కడ నేర్చుకోవాలి లేదా కష్టపడి సంపాదించాలి” అని తారక్ తెలిపాడు. అలాగే, తన పెద్ద కుమారుడు అభయ్ జననం తనలో ఓ తెలియని మార్పును తీసుకొచ్చిందని చెప్పాడు.
కుటుంబం, సినిమాలు, మరియు తండ్రిగా జూనియర్ ఎన్టీఆర్
వారసత్వం మాత్రమే కాకుండా తన కుమారులకు స్వేచ్ఛను పంచాలనుకునే తండ్రిగా తాను ఉండాలనుకుంటున్నానని జూనియర్ ఎన్టీఆర్ పేర్కొన్నాడు. “‘నువ్వు కూడా నటుడివి కావాలి’ అని చెప్పే తండ్రుల్లో నేనూ ఒకడిని కావాలనుకోవడం లేదు. నేను దానిని నమ్మను. ప్రపంచానికి, ఇతర సంస్కృతులకు పరిచయం చేసే వ్యక్తిగా కాకుండా వారధిగా ఉండాలనుకుంటున్నాను. వాళ్లకు బయటకు వెళ్లి అనుభవించే అవకాశం ఇవ్వాలనుకుంటున్నా” అని జూనియర్ ఎన్టీఆర్ వివరించాడు.
సినిమాల్లో తన కుటుంబ వారసత్వం గురించి అడిగినప్పుడు.. “ఎప్పుడు ఏం జరుగుతుందో నాకు తెలియదు. కానీ ప్రతిధ్వనించే కథలను చెప్పడం. అందులో నన్ను గుర్తుంచుకునే పాత్రలు చేయాలనుకుంటున్నా” అని యంగ్ టైగర్ జూనియర్ ఎన్టీఆర్ తెలిపాడు.
వార్ 2 మరియు భవిష్యత్తు ప్రణాళికలు
ఇక పోతే జూనియర్ ఎన్టీఆర్ సినీ ఫ్యామిలీ బ్యాక్గ్రౌండ్ గురించి తెలిసిందే. తారక్ తాత సీనియర్ ఎన్టీఆర్ తెలుగు సినిమా చరిత్రలో గొప్ప అధ్యాయం అని చెప్పుకోవచ్చు. ఇక జూనియర్ ఎన్టీఆర్ తండ్రి హరికృష్ణ నటుడు కాగా, మేనమామ మోహన్ కృష్ణ సినిమాటోగ్రాఫర్. ఎన్టీఆర్ బాబాయ్ నందమూరి బాలకృష్ణ అగ్ర కథనాయకుడిగా వెలుగొందుతున్నారు.
జూనియర్ ఎన్టీఆర్ సోదరుడు కల్యాణ్ రామ్ , కజిన్స్ నారా రోహిత్ , నార్నే నితిన్ హీరోలుగా ఆకట్టుకుంటున్నారు. ఇకపోతే జూనియర్ ఎన్టీఆర్ వార్ 2 సినిమాతో హిందీలో ఎంట్రీ ఇస్తున్న విషయం తెలిసిందే. వార్ 2 ఆగస్ట్ 14న థియేటర్లలో గ్రాండ్గా విడుదల కానుంది.
జూనియర్ ఎన్టీఆర్ తన కుటుంబ వారసత్వాన్ని గౌరవిస్తూ, తన కొడుకులకు స్వేచ్ఛను ఇవ్వాలనుకుంటున్నాడు. వారి భవిష్యత్తు వారు ఎంచుకోవాలని కోరుకుంటున్నాడు. తన సినిమా ప్రయాణం కూడా కొత్త దశలోకి అడుగుపెడుతోంది.
