రిషబ్ శెట్టి నటించిన కాంతార ఛాప్టర్ 1 సినిమా ఓటీటీ ప్రేక్షకుల ముందుకు రానుంది. అక్టోబర్ 31న అమెజాన్ ప్రైమ్ వీడియోలో కన్నడ, తెలుగు, తమిళం, మలయాళం భాషల్లో స్ట్రీమింగ్ కానుంది. థియేటర్లలో భారీ వసూళ్లు సాధించిన ఈ చిత్రం డిజిటల్ ప్రీమియర్ కోసం అభిమానులు ఆతృతగా ఎదురుచూస్తున్నారు.
Key Points
కాంతార ఛాప్టర్ 1 అమెజాన్ ప్రైమ్ వీడియోలో స్ట్రీమింగ్ కానుంది.
అక్టోబర్ 31న ఓటీటీలోకి రాబోతోంది.
కన్నడ, తెలుగు, తమిళం, మలయాళం భాషల్లో అందుబాటులో ఉంటుంది.
ఇది 2022లో వచ్చిన కాంతార సినిమాకు ప్రీక్వెల్.
కాంతార ఛాప్టర్ 1 ఓటీటీలో ఎప్పుడు?
కాంతార ఛాప్టర్ 1 అప్పుడే ఓటీటీలోకి వచ్చేస్తోంది. థియేటర్లలో ఇప్పటికీ వసూళ్ల వర్షం కురిపిస్తున్నా.. అనూహ్యంగా ఈవారమే అమెజాన్ ప్రైమ్ వీడియో ఈ సినిమాను డిజిటల్ ప్రీమియర్ చేయబోతోంది.
కాంతార ఛాప్టర్ 1 సినిమా డిజిటల్ ప్రీమియర్ కోసం ప్రేక్షకులు మరీ ఎక్కువ రోజులు ఎదురు చూడకుండా అమెజాన్ ప్రైమ్ వీడియో చాలా ముందుగానే ఓటీటీలోకి తీసుకొస్తోంది. ఆదివారం (అక్టోబర్ 26) రాత్రి ఈ మూవీ స్ట్రీమింగ్ పై అప్డేట్ ఇచ్చిన ఆ ఓటీటీ.. సోమవారం సాయంత్రానికి స్ట్రీమింగ్ తేదీని కూడా అనౌన్స్ చేసేసింది.
నాలుగు భాషల్లో స్ట్రీమింగ్
కాంతార ఛాప్టర్ 1 ఓటీటీ రిలీజ్ డేట్
“బెర్మె లెజెండరీ అడ్వెంచర్ ను చూడటానికి సిద్ధంగా ఉండండి. కాంతార ఛాప్టర్ 1 అక్టోబర్ 31న ప్రైమ్ లోకి.. కన్నడ, తెలుగు, తమిళం, మలయాళం భాషల్లో” అనే క్యాప్షన్ తో ట్వీట్ చేసింది. ఈ సందర్భంగా సినిమాలోని ఓ చిన్న వీడియో క్లిప్ ను షేర్ చేసింది.
సినిమా నేపథ్యం, రిషబ్ శెట్టి పాత్ర
కాంతార ఛాప్టర్ 1 మూవీ గురించి..
రిషబ్ శెట్టి డైరెక్ట్ చేసి, లీడ్ రోల్లో నటించిన మూవీ ఇది. 2022లో వచ్చిన కాంతార సినిమాకు ప్రీక్వెల్. ఆ సినిమా రూ.300 కోట్లకుపైగా వసూలు చేయగా.. ఇది అంతకంటే ఎంతో మెరుగ్గా సక్సెస్ సాధించింది. ఆ కథ జరిగిన 800 సంవత్సరాలకు ముందు జరిగిన కథగా ఈ కాంతార ఛాప్టర్ 1ను రూపొందించారు. ఇందులో బెర్మె అనే పాత్రలో రిషబ్ శెట్టి నటించాడు. రుక్మిణి వసంత్, జయరాం, గుల్షన్ దేవయ్యలాంటి వాళ్లు కూడా నటించారు.
థియేటర్లలో ఇంకా మంచి వసూళ్లు సాధిస్తున్నప్పటికీ, కాంతార ఛాప్టర్ 1 సినిమా ఇంత త్వరగా ఓటీటీలోకి రావడం అభిమానులకు సంతోషం కలిగిస్తోంది. అక్టోబర్ 31 నుండి ఇంట్లోనే ఈ అద్భుతమైన చిత్రాన్ని వీక్షించవచ్చు.
