అమితాబ్ బచ్చన్ హోస్ట్గా వ్యవహరిస్తున్న కౌన్ బనేగా కరోడ్పతి షోలో ఓ కంటెస్టెంట్ కోటి రూపాయల ప్రశ్న వరకు వెళ్లి, చివరి క్షణంలో ఆ ప్రశ్నకు సమాధానం చెప్పకుండా వెనక్కి తగ్గింది. ఆమె ఏ ప్రశ్నకు సమాధానం చెప్పలేకపోయిందో తెలుసుకుందాం.
Key Points
కౌన్ బనేగా కరోడ్పతిలో ఓ కంటెస్టెంట్ కోటి రూపాయల ప్రశ్నకు సమాధానం చెప్పలేదు.
రూ. 50 లక్షలతో ఆట నుంచి నిష్క్రమించింది ఢిల్లీకి చెందిన 21 ఏళ్ల యువతి.
కోటి రూపాయల ప్రశ్న: విసిగోత్ రాజ్యానికి చెందిన ఏ రాజు రోమ్ నగరంపై దాడి చేయకుండా ఉండేందుకు మిరియాలు డిమాండ్ చేశాడు?
సరైన సమాధానం: అలారిక్.
కోటి రూపాయల ప్రశ్న
బాలీవుడ్ స్టార్ అమితాబ్ బచ్చన్ ప్రస్తుతం ‘కౌన్ బనేగా కరోడ్పతి’ షోతో బిజీగా ఉన్నాపు. ప్రస్తుతం 17వ సీజన్కు ఆయనే హోస్ట్గా వ్యవహరిస్తున్నారు. తాజా ఎపిసోడ్లో ఓ కంటెస్టెంట్ ఏకంగా కోటి రూపాయల ప్రశ్న వరకు దూసుకొచ్చింది. అయితే ఒక్క సమాధానం చెబితే కోటి రూపాయలు యువతి సొంతమయ్యేవి. కానీ ఊహించని విధంగా ఆ ప్రశ్నకు సమాధానం చెప్పకుండానే రూ.50 లక్షల ప్రైజ్మనీతోనే సరిపెట్టుకుంది. ఇంతకీ ఆ కోటి రూపాయల ప్రశ్న ఏంటో తెలుసుకోవాలనుందా? అయితే ఈ స్టోరీ చదివేయండి.
తాజా ఎపిసోడ్లో ఢిల్లీకి చెందిన 21 ఏళ్ల యువతి కశీష్ సింఘాల్ రూ. 50 లక్షలతోనే సరిపెట్టుకుంది. ఈ డబ్బుతో తన తండ్రి చేసినరూ. 15 లక్షల రుణాన్ని తిరిగి చెల్లిస్తానంటూ సంతోషం వ్యక్తం చేసింది. ఇంతకీ ఆ యువతి సమాధానం చెప్పలేకపోయిన ఆ కోటి రూపాయల ప్రశ్న ఏంటో చూసేద్దాం.
కంటెస్టెంట్ యొక్క నిర్ణయం
ప్రశ్న: విసిగోత్ రాజ్యానికి చెందిన ఏ రాజు రోమ్ నగరంపై దాడి చేయకుండా ఉండేందుకు మిరియాలు డిమాండ్ చేశాడు?
ప్రశ్నకు సమాధానం
ఎ) లుడోవిక్, బి) ఐమెరిక్, సి) అలారిక్ డి) థియోడోరిక్ ఆప్షన్స్ ఇవ్వగా.. కశీష్ సింఘాల్ సమాధానం చెప్పలేకపోయింది. దీంతో ఆట నుంచి నిష్క్రమించింది. ఈ ప్రశ్నకు సరైన సమాధానం ఆప్షన్ సి..అలారిక్ అంటూ అమితాబ్ చెప్పారు. రూ.50 లక్షలు గెలిచిన ఆమె తన జర్నీని పంచుకని అందరినీ కన్నీళ్లు పెట్టించింది. ఈ రియాలిటీ షో సోనీటీవీతో పాటు సోనీలివ్ ఓటీటీలోనూ ప్రసారమవుతోంది.
చివరకు రూ. 50 లక్షలు గెలుచుకున్న కంటెస్టెంట్ తన అనుభవాన్ని పంచుకుని అందరినీ కంటతడి పెట్టించింది. కౌన్ బనేగా కరోడ్పతి షో ఆకట్టుకునే విధంగా కొనసాగుతోంది.
