📌 Key Points
- ఈగ సినిమాతో తెలుగులో కిచ్చా సుదీప్ మంచి గుర్తింపు పొందారు.
- తర్వాతి సినిమా విఫలమైతే ఇండస్ట్రీ వదిలేయాలని తండ్రి షరతు పెట్టారు.
- గుండు లుక్ కారణంగా పలువురు తిరస్కరించిన సినిమాకు సుదీప్ అంగీకరించారు.
- షూటింగ్ 7వ రోజు ప్రమాదం జరిగి, అదే కెరీర్ బ్రేక్గా నిలిచింది.
కన్నడ స్టార్ కిచ్చా సుదీప్ తన సినీ కెరీర్ ప్రారంభంలో ఎదుర్కొన్న అత్యంత షాకింగ్ ఘటనను ఇటీవల వెల్లడించారు. తాను ఇండస్ట్రీని వదిలేయాలని అనుకుంటున్న సమయంలో జరిగిన ఓ పెద్ద ప్రమాదం తన జీవితాన్ని, కెరీర్ను ఎలా మలుపు తిప్పిందో ఆయన వివరించారు. ఈ వ్యాఖ్యలు ప్రస్తుతం నెట్టింట వైరల్గా మారాయి.
సుదీప్ సినీ కెరీర్ ఆరంభ కష్టాలు
కన్నడ స్టార్ కిచ్చా సుదీప్(Kichcha Sudeep) తెలుగు ప్రేక్షకులకు కూడా సుపరిచితమే. నేచురల్ స్టార్ నాని హీరోగా నటించిన ‘ఈగ’ మూవీలో కిచ్చా సుదీప్ విలన్గా కనిపించి ఫుల్ పాపులారిటీ దక్కించుకున్నాడు. ఈ సినిమా సూపర్ హిట్గా నిలవడంతో కిచ్చా రేంజ్ మారిపోయింది. ఆ తర్వాత పలు చిత్రాల్లో నటించినప్పటికీ పెద్దగా హిట్ అందుకోలేకపోయాయి. ఇక గత ఏడాది వచ్చిన ‘మ్యాక్స్’ కూడా పెద్దగా ఆకట్టుకోలేకపోయింది. ప్రస్తుతం కిచ్చా సుదీప్ ‘మార్క్’ (Mark)చిత్రంతో రాబోతున్నారు. ఆయన కెరీర్లో 47వ ప్రాజెక్ట్గా రానుంది. షూట్ పూర్తి చేసుకుని క్రిస్మస్ కానుకగా రాబోతుంది. దీంతో ప్రమోషన్స్ జోరు పెంచిన కిచ్చా సుదీప్ షాకింగ్ కామెంట్స్ చేశాడు. ‘‘నా మొదటి సినిమా షూటింగ్ పూర్తి కాలేదు. నా రెండో మూవీ విడుదల కాలేదు.
నా మూడో సినిమాలో కేవలం మూల సీట్లు మాత్రమే నిండాయి. ఆ సమయంలో, మా నాన్న నాకు మరో అవకాశం ఇచ్చి, నా తర్వాతి ప్రాజెక్ట్ కూడా విఫలమైతే, నువ్వు ఇండస్ట్రీని వదిలేయాలని చెప్పారు. అప్పుడు చియాన్ విక్రమ్ నటించిన సేతు సినిమాను కన్నడలో రీమేక్ చేశారు. గుండు లుక్ కారణంగా చాలా మంది నటీనటులు ఆ సినిమాను తిరస్కరించారు. నేను ఆ సినిమాను అంగీకరించాను. షూటింగ్ ఏడవ రోజున నాకు ఒక పెద్ద ప్రమాదం జరిగింది. చివరికి ఆ సినిమా విడుదలైంది.. నాకు నా కెరీర్లో ఒక పెద్ద బ్రేక్ లభించింది’’ అని అన్నారు. ప్రజెంట్ ఇందుకు సంబంధించిన వ్యాఖ్యలు నెట్టింట వైరల్ అవుతున్నాయి.
షూటింగ్లో సుదీప్ ఎదుర్కొన్న ప్రమాదం
ఒక సినిమా.. ఒక మలుపు.. ఇప్పుడు ‘మార్క్’
కిచ్చా సుదీప్ చేసిన ఈ వ్యాఖ్యలు ఆయన సినీ ప్రస్థానంలో ఎదురైన కష్టాలను, వాటిని అధిగమించిన తీరును తెలియజేస్తున్నాయి. ఒక ప్రమాదం ఆయన కెరీర్కు ఎలా బ్రేక్ ఇచ్చిందో వివరిస్తూ, ఆయన పట్టుదలకు నిదర్శనంగా నిలిచాయి.
