విజయ్ దేవరకొండ నటించిన ‘కింగ్డమ్’ సినిమా థియేటర్లలో విజయవంతంగా ప్రదర్శించబడుతోంది. ఈ సినిమా డిజిటల్ హక్కులు నెట్ఫ్లిక్స్ సంస్థ దక్కించుకుంది. అయితే, ఈ సినిమా ఓటీటీలో ఎప్పుడు అందుబాటులోకి వస్తుందనేది ప్రేక్షకుల ఆసక్తిని రేకెత్తిస్తోంది.
Key Points
విజయ్ దేవరకొండ 'కింగ్డమ్' సినిమా థియేటర్లలో విడుదలైంది.
సినిమా డిజిటల్ హక్కులు నెట్ఫ్లిక్స్ సంస్థకు అమ్ముడయ్యాయి.
నాలుగు వారాల గ్యాప్ తర్వాత ఓటీటీలో విడుదల అయ్యే అవకాశం ఉంది.
ఆగస్టు చివరి వారం లేదా సెప్టెంబరు తొలి వారంలో ఓటీటీలో రావచ్చు.
‘కింగ్డమ్’ థియేట్రికల్ విడుదల
విజయ్ దేవరకొండ హిట్ పడి చాలా కాలమైంది. దీంతో తన లేటెస్ట్ సినిమా ‘కింగ్డమ్’పై బోలెడు ఆశలు పెట్టేసుకున్నాడు. తాజాగా ఈ చిత్రం థియేటర్లలోకి వచ్చేసింది. ప్రస్తుతానికి రెస్పాన్స్ అయితే బాగానే ఉంది. కానీ ఒకటి రెండు రోజులు ఆగితే అసలు రిజల్ట్ ఏంటనేది బయటపడుతుంది. సరే ఇదంతా పక్కనబెడితే ఈ మూవీ ఓటీటీ డీటైల్స్ ఏంటి? ఎప్పుడు రావొచ్చు?
ఒకప్పటితో పోలిస్తే థియేటర్లకు జనాలు బాగానే వెళ్తున్నారు. ఆగస్టు 14 వరకు మరో పెద్ద మూవీ లేదు కాబట్టి.. ‘కింగ్డమ్’కి మంచి ఛాన్స్ అని చెప్పొచ్చు. కానీ ఏ మేరకు దాన్ని క్యాష్ చేసుకుంటుందనేది చూడాలి. అలానే కలెక్షన్ కూడా రాబట్టుకోవాల్సి ఉంటుంది. మరోవైపు ఈ చిత్ర డిజిటల్ హక్కుల్ని నిర్మాణ సంస్థ ఎప్పుడో నెట్ఫ్లిక్స్ సంస్థకు విక్రయించింది. మరి ఈ మూవీ ఓటీటీలోకి ఎప్పుడు రావొచ్చు?
నెట్ఫ్లిక్స్ డిజిటల్ హక్కులు
రీసెంట్ టైంలో సితార ఎంటర్టైన్మెంట్స్ తీసే సినిమాల్ని దాదాపుగా నెట్ఫ్లిక్స్ కొనుగోలు చేస్తోంది. ‘కింగ్డమ్’ కూడా అలానే దక్కించుకుంది. అలానే ఈ చిత్రాలన్ని చాలావరకు నాలుగు వారాల గ్యాప్తోనే ఓటీటీల్లోకి వస్తున్నాయి. ఈ మూవీ కూడా అలానే రావొచ్చని తెలుస్తోంది. అంటే ఆగస్టు చివరి వారంలో లేదంటే సెప్టెంబరు తొలివారంలో ‘కింగ్డమ్’ ఓటీటీలో స్ట్రీమింగ్ అయ్యే ఛాన్స్ ఉంది.
‘కింగ్డమ్’ విషయానికొస్తే.. సూరి (విజయ్ దేవరకొండ) ఓ కానిస్టేబుల్. చిన్నప్పుడు దూరమైన అన్న శివ(సత్యదేవ్) కోసం వెతుకుతుంటాడు. అనుకోని పరిస్థితుల్లో పోలీస్ అధికారులతో సూరికి గొడవ అవుతుంది. ఈ విచారణ సాగుతున్న సమయంలోనే సూరి.. ఓ అండర్ కవర్ మిషన్ బాధ్యతల్ని భుజాన వేసుకోవాల్సి వస్తుంది. శ్రీలంకలోని ఓ శివ ఉన్నాడని, అక్కడికి గూఢచారిగా వెళ్లాలనే పని సూరికి అప్పజెబుతారు. మరి ఆ ద్వీపంలో ఉన్న తెగకు, శివకీ సంబంధమేంటి? చివరకు ఏమైందనేదే మిగతా స్టోరీ.
ఓటీటీ విడుదల తేదీ అంచనా
మొత్తానికి, ‘కింగ్డమ్’ సినిమా ఓటీటీ విడుదలకు సంబంధించి, ఆగస్టు చివరి లేదా సెప్టెంబరు తొలి వారంలో నెట్ఫ్లిక్స్లో చూడొచ్చు అని అంచనా. సినిమా విజయం మాత్రం థియేటర్లలోనే నిర్ణయం అవుతుంది.
