ఎన్టీఆర్, హృతిక్ రోషన్ నటించిన వార్ 2, రజినీకాంత్ నటించిన కూలీ చిత్రాలు థియేటర్లలో విడుదలయ్యాయి. రెండు చిత్రాలకు యావరేజ్ స్పందన లభించింది. ఇప్పుడు ఈ రెండు చిత్రాలు ఓటీటీలో ఎప్పుడు విడుదల అవుతాయో తెలుసుకుందాం.
Key Points
కూలీ, వార్ 2 చిత్రాలు థియేటర్లలో అంచనాలను అందుకోలేదు.
కూలీ చిత్రం ఓటీటీ హక్కులను అమెజాన్ ప్రైమ్ 120 కోట్లకు కొనుగోలు చేసింది.
వార్ 2 చిత్రం ఓటీటీ హక్కులు నెట్ఫ్లిక్స్ దగ్గర ఉన్నాయి.
కూలీ సెప్టెంబర్లో, వార్ 2 అక్టోబర్లో ఓటీటీలో విడుదలయ్యే అవకాశం ఉంది.
కూలీ, వార్ 2 చిత్రాల థియేట్రికల్ ప్రదర్శన
యంగ్ టైగర్ ఎన్టీఆర్, హృతిక్ రోషన్ కలిసి నటించిన వార్ 2 చిత్రం నేడు ఆగష్టు 14న ప్రేక్షకుల ముందుకు వచ్చింది. ఈ చిత్రంతో పాటు సూపర్ స్టార్ రజినీకాంత్, లోకేష్ కనకరాజ్ కాంబినేషన్ లో తెరకెక్కిన కూలీ చిత్రం కూడా విడుదలైంది. రెండు భారీ చిత్రాలు రిలీజ్ కావడంతో బాక్సీవాస్ వార్ తప్పలేదు. అయితే ఊహించని విధంగా రెండు చిత్రాలకు యావరేజ్ రెస్పాన్స్ వస్తోంది.
కూలీ, వార్ 2 రెండు చిత్రాలు పూర్తి స్థాయిలో అంచనాలు అందుకోలేదని ప్రేక్షకులను అంటున్నారు. వార్ 2 చిత్రంలో ఎన్టీఆర్, హృతిక్ ప్రధాన పాత్రలో నటించగా కియారా అద్వానీ కీలక పాత్రలో మెరిసింది. కూలీ చిత్రం స్టార్ కాస్టింగ్ తో నిండిపోయింది. కింగ్ నాగార్జున తొలిసారి విలన్ గా నటించారు. ఉపేంద్ర కీలక పాత్రలో నటించారు. అదే విధంగా శృతి హాసన్ కూడా మెరిసింది.
ఓటీటీ విడుదల తేదీలపై అంచనాలు
ఇటీవల థియేటర్స్ లో విడుదలైన తర్వాత ఆ చిత్రాలు తక్కువ సమయంలోనే ఓటీటీలో రిలీజ్ అవుతున్నాయి. సినిమా రిజల్ట్ ని బట్టి నిర్మాతలు ఆయా చిత్రాలని ఓటీటీల్లోకి తీసుకువస్తున్నారు. సాధారణంగా థియేటర్ రిలీజ్ కి 8 వారాల గ్యాప్ తర్వాత మాత్రమే ఓటీటీల్లో రిలీజ్ చేయాలి. కానీ థియేటర్స్ లో సినిమా రిజల్ట్ బాగాలేకుంటే వీలైనంత త్వరగా ఓటీటీల్లోకి వచ్చేయడం చూస్తున్నాం.
ఇప్పుడు కూలీ, వార్ 2 చిత్రాలు ఎప్పుడు ఓటీటీల్లో రిలీజ్ అవుతాయి అనేది ఆసక్తిగా మారింది. కూలీ ఓటీటీ హక్కులు అమెజాన్ ప్రైమ్ సొంతం చేసుకుంది. ఇక వార్ 2 ఓటీటీ రైట్స్ నెట్ ఫ్లిక్స్ దగ్గర ఉన్నాయి. కూలీ చిత్రం సెప్టెంబర్ లో ఓటీటీలో రిలీజ్ అయ్యే అవకాశాలు ఉన్నట్లు తెలుస్తోంది.
ఓటీటీ హక్కుల వివరాలు
ఇక వార్ 2 చిత్రాన్ని అక్టోబర్ లో ఓటీటీలోకి తీసుకువస్తారట. అయితే దీనిపై ఇంకా అధికారిక సమాచారం లేదు. కూలీ చిత్ర ఓటీటీ హక్కులని ప్రైమ్ వీడియో సంస్థ 120 కోట్లకు దక్కించుకున్నట్లు తెలుస్తోంది. వార్ 2 ఓటీటీ ధరకి సంబంధించిన వివరాలు బయటకి రాలేదు.
చివరగా, రెండు చిత్రాల ఓటీటీ విడుదల తేదీలు ఇంకా అధికారికంగా ప్రకటించబడలేదు. అయితే, అందుబాటులో ఉన్న సమాచారం ఆధారంగా, సెప్టెంబర్ మరియు అక్టోబర్ లో విడుదల అవ్వొచ్చు.
