తెలుగు సినిమా చరిత్రలో ఎస్వీ రంగారావు, కృష్ణంరాజుల నటన అద్వితీయం. కృష్ణంరాజు తొలి చిత్రం ‘చిలకా గోరింకా’ షూటింగ్ లో ఎస్వీ రంగారావుతో జరిగిన ఆసక్తికరమైన సంఘటన ఇది.
Key Points
కృష్ణంరాజు తొలి చిత్రం 'చిలకా గోరింకా' షూటింగ్ లో ఎస్వీ రంగారావుతో సన్నివేశాలు చిత్రీకరించారు.
ఒకటిన్నర రోజులు పట్టే సన్నివేశాన్ని కేవలం 3 గంటల్లో పూర్తి చేశారు.
ఎస్వీ రంగారావు కృష్ణంరాజు నటనకు ఆశ్చర్యపోయారు.
ఎస్వీ రంగారావు కృష్ణంరాజు భవిష్యత్తు గురించి ప్రశంసించారు.
కృష్ణంరాజు తొలి చిత్రం ‘చిలకా గోరింకా’
తెలుగు చిత్ర పరిశ్రమ లెజెండ్రీ నటులలో ఎస్వీ రంగారావు ఒకరు. ఆయన నటన ఎంత అద్భుతంగా ఉంటుందో ప్రత్యేకంగా చెప్పనవసరం లేదు. డైలాగ్ డెలివరీలో ఎస్వీ రంగారావు కి సాటి లేరు అని సినీ ప్రముఖులు అంటుంటారు. జానపద చిత్రమైనా, పౌరాణిక చిత్రమైనా, సాంఘిక చిత్రమైనా పాత్రలో ఒదిగిపోయి నటించడం ఎస్వీ రంగారావు శైలి. వేగంగా క్లారిటీతో డైలాగులు చెప్పడం ఆయన ప్రత్యేకత. నేడు జూలై 3 న ఆయన జయంతి కావడంతో ఎస్వీ రంగారావు గురించి కొన్ని ఆసక్తికర విషయాలు సోషల్ మీడియాలో వైరల్ అవుతున్నాయి.
కృష్ణంరాజు నటించిన తొలి చిత్రం చిలకా గోరింకా. ఈ మూవీ ప్రత్యగాత్మ దర్శకత్వంలో తెరకెక్కింది. ఈ మూవీలో కృష్ణంరాజు, కృష్ణకుమారి ప్రధాన పాత్రలో నటించారు. ఎస్వీ రంగారావు, అంజలీదేవి కీలక పాత్రల్లో నటించారు. కృష్ణంరాజుకి ఇదే తొలి చిత్రం కావడంతో ఎలా నటిస్తాడు అని అనుమానం అందరిలో ఉండేది.
ఎస్వీ రంగారావుతో సన్నివేశాలు
తొలి రోజు షూటింగ్ లోనే ఎస్.వి.రంగారావుతో కలిసి నటించాల్సిన సన్నివేశాలని చిత్రీకరించారు. ఒక సన్నివేశానికి కనీసం ఒకటిన్నర రోజు సమయం పడుతుంది అని కృష్ణంరాజు తెలిపారు. మరుసటి రోజు ఎస్వి రంగారావు వేరే పని ఉండడంతో షూటింగ్ పూర్తి చేసుకుని వెళ్లిపోవాలి. కానీ అంత త్వరగా షూటింగ్ పూర్తవుతుందా అంటే అది అనుమానమే. చిత్ర యూనిట్ విషయం చెప్పడంతో ఏం పర్వాలేదు నేను ఇటు నుంచి ఇటే ఊరికి వెళ్తాను.. షూటింగ్ పూర్తి చేసే వెళతాను అని చెప్పారట.
కృష్ణంరాజు కుర్రాడు పైగా తొలి చిత్రం కావడంతో ఎస్వీ రంగారావు ఆయనతో ఒక మాట అన్నారు. నాలాగా వేగంగా డైలాగులు చెప్పాలని టెన్షన్ పడిపోకు. నీకు అర్థమయ్యేలా నీ లెవెల్ కి వచ్చి నెమ్మదిగా డైలాగులు చెబుతాను. టెన్షన్ పడకుండా నటించు అని కృష్ణంరాజుకి ఎస్వీ రంగారావు సలహా ఇచ్చారట. కానీ కృష్ణంరాజు ఎస్వీ రంగారావుకి మైండ్ బ్లాక్ చేశారు.
అద్భుతమైన నటన మరియు ప్రశంసలు
కనీసం ఒకటిన్నర రోజు చిత్రీకరించాల్సిన సన్నివేశం కేవలం మూడు గంటల్లో పూర్తయిపోయింది. ఎస్వీ రంగారావుకి పోటీగా కృష్ణంరాజు అద్భుతంగా నటించారట. వాళ్ళిద్దరూ అంత అద్భుతంగా నటిస్తుండడంతో దర్శకుడు కెమెరామెన్, ఇతరు యూనిట్ కూడా వేగంగా పనిచేసే మూడు గంటల్లో షూటింగ్ ఫినిష్ చేసేసారు.
షూటింగ్ పూర్తయ్యాక ఎస్వీ రంగారావు దర్శకుడు ప్రత్యగాత్మను పిలిచి.. కృష్ణంరాజు గురించి ఇలా అన్నారట. గొప్పోడిని పట్టావయ్యా.. వీడు భవిష్యత్తులో చాలా ఎత్తుకు ఎదుగుతాడు అని అన్నారట. షూటింగ్ లోకేషన్ నుంచి ఆయన ఊరికి వెళ్లే వరకు చాలామందితో కృష్ణంరాజు నటన గురించి చెప్పి అభినందించారట. ఆ విధంగా కృష్ణంరాజు తన తొలి చిత్రంతోనే ఎస్వీ రంగారావు లాంటి లెజెండ్ దగ్గర ప్రశంసలు అందుకున్నారు.
కృష్ణంరాజు తన తొలి చిత్రంలోనే తన అద్భుతమైన నటనతో అందరినీ ఆకట్టుకున్నాడు. ఎస్వీ రంగారావు ప్రశంసలతో ఆయన భవిష్యత్తుకు మంచి మార్గం సుగమం అయ్యింది.
