📌 Key Points
- కృతి సనన్ చెల్లెలు నుపుర్ సనన్, సింగర్ స్టెబిన్ బెన్ ల వివాహం ఉదయ్పూర్లో అంగరంగ వైభవంగా జరిగింది!
- చెల్లి పెళ్లిలో కృతి సనన్ ఎమోషనల్ కామెంట్స్ వైరల్.. అక్కాచెల్లెళ్ల అనుబంధం కళ్లకు కట్టినట్టు!
- హిందూ, క్రిస్టియన్ సంప్రదాయాల ప్రకారం రెండుసార్లు వివాహం చేసుకున్న నుపుర్ సనన్, స్టెబిన్ బెన్ జంట!
- ముంబై రిసెప్షన్కు సల్మాన్ ఖాన్, రకుల్ ప్రీత్ సింగ్ హాజరు.. నూతన దంపతులకు శుభాకాంక్షలు!
బాలీవుడ్ బ్యూటీ కృతి సనన్ చెల్లెలు నుపుర్ సనన్ పెళ్లి గురించి ఒక షాకింగ్ న్యూస్ వైరల్ అవుతోంది. చెల్లి పెళ్లిలో కృతి సనన్ కన్నీళ్లు పెట్టుకుంది. ఆ వివరాలు ఇప్పుడు చూద్దాం!
ఉదయ్పూర్లో నుపుర్ సనన్, స్టెబిన్ బెన్ వివాహం
తెలుగు, హిందీ హీరోయిన్ కృతి సనన్ తాజాగా కన్నీళ్లు పెట్టుకుంటూ ఎమోషనల్ అయింది. తన చెల్లెలు నుపుర్ సనన్ వివాహం సింగర్ స్టెబిన్ బెన్తో అంగరంగ వైభవంగా జరిగిన విషయం తెలిసిందే. ఈ సందర్భంగా కృతి సనన్ సోషల్ మీడియాలో షేర్ చేసిన ఎమోషనల్ నోట్ నెటిజన్ల మనసు గెలుచుకుంటోంది.
సనన్ ఇంట్లో పెళ్లి సందడి ముగిసింది. బాలీవుడ్, టాలీవుడ్ బ్యూటిపుల్ హీరోయిన్ కృతి సనన్ గారాల పట్టి, చెల్లెలు నుపుర్ సనన్ పెళ్లి జరిగింది. ప్రముఖ సింగర్ స్టెబిన్ బెన్, నుపుర్ సనన్ ఉదయ్పూర్లో వివాహ బంధంతో ఒక్కటయ్యారు.
కన్నీళ్లు పెట్టుకున్న కృతి సనన్.. ఎమోషనల్ కామెంట్స్
అయితే, నుపుర్ పెళ్లి వేడుకలన్నీ ముగిశాక ఇప్పుడు కృతి సనన్ ఒక రకమైన భావోద్వేగానికి లోనవుతున్నారు. తన ప్రాణం లాంటి చెల్లెలు అత్తారింటికి వెళ్లడంతో, ఇల్లంతా వెలితిగా ఉందంటూ ఆమె పంచుకున్న మాటలు ప్రతి అక్కాచెల్లెళ్లనూ కదిలిస్తున్నాయి.
“నాకు ఐదేళ్ల వయసున్నప్పుడు నిన్ను మొదటిసారి ఎత్తుకున్న క్షణం నుంచి.. నేడు నీ పెళ్లిలో నీ తలపై ‘పూల చాదర్’ పట్టుకుని, నిన్ను అందమైన వధువుగా చూసే వరకు.. కాలం ఎంత త్వరగా మారిపోయింది! నువ్వు నీకు నచ్చిన, నిన్ను ప్రాణంలా చూసుకునే భాగస్వామితో కొత్త జీవితాన్ని ప్రారంభిస్తుంటే నా మనసు గర్వంతో నిండిపోయింది” అని కృతి సనన్ పేర్కొంది.
రిసెప్షన్లో తళుక్కుమన్న బాలీవుడ్, టాలీవుడ్ తారలు
కాగా, నుపర్ సనన్, స్టెబిన్ల వివాహం ఉదయ్పూర్లో హిందూ, క్రిస్టియన్ సంప్రదాయాల ప్రకారం రెండు సార్లు జరిగింది. ముంబైలో జరిగిన వీరి వెడ్డింగ్ రిసెప్షన్కు సల్మాన్ ఖాన్ , రకుల్ ప్రీత్ సింగ్ వంటి పలువురు సినీ ప్రముఖులు హాజరై నూతన దంపతులను ఆశీర్వదించారు.
మొత్తానికి కృతి సనన్ తన చెల్లెలు పెళ్లిలో ఎమోషనల్ అవ్వడం హాట్ టాపిక్ అయింది. ఈ వేడుకకు సంబంధించిన మరిన్ని అప్డేట్స్ కోసం చూస్తూనే ఉండండి.
