‘బ్యాడ్ గర్ల్స్’ సినిమా టైటిల్ మోషన్ పోస్టర్ విడుదల సందర్భంగా జరిగిన ప్రెస్ మీట్ లో ఖుషి దర్శకుడు శివ నిర్వాణ, ఇతర దర్శకులు పాల్గొన్నారు. శివ నిర్వాణ నలుగురు కొత్త నటీమణులతో సినిమా చేయడం సాహసమని అన్నారు.
Key Points
ఖుషి దర్శకుడు శివ నిర్వాణ బ్యాడ్ గర్ల్స్ సినిమాను ప్రశంసించారు.
నలుగురు కొత్త నటీమణులతో సినిమా నిర్మించడం సాహసమని శివ నిర్వాణ అభిప్రాయపడ్డారు.
బ్యాడ్ గర్ల్స్ సినిమాకు అనూప్ రూబెన్స్ సంగీతం, చంద్రబోస్ సాహిత్యం అందించారు.
సినిమా టైటిల్ మోషన్ పోస్టర్ ప్రసాద్ ల్యాబ్ లో విడుదలైంది.
బ్యాడ్ గర్ల్స్ సినిమా ప్రెస్ మీట్
‘30 రోజుల్లో ప్రేమించడం ఎలా’ సినిమాతో మంచి విజయాన్ని అందుకున్న డైరెక్టర్ మున్నా ధులిపూడి నుంచి వస్తున్న మరో చిత్రం ‘బ్యాడ్ గర్ల్స్’. ‘కానీ చాలా మంచోళ్లు’ అనేది ట్యాగ్ లైన్. అంచల్ గౌడ, పాయల్ చెంగప్ప, రోషిణి, యష్ణ లీడ్ రోల్స్లో నటిస్తున్న ఈ చిత్రంలో రోహన్ సూర్య, మొయిన్ కీలక పాత్రలు పోషిస్తున్నారు.
నీలి నీలి ఆకాశం క్రియేషన్స్, ప్రశ్విత ఎంటర్టైన్మెంట్, ఎన్వీఎల్ క్రియేషన్స్ బ్యానర్స్పై శశిధర్ నల్లా, ఎమ్మాడి సోమ నర్సయ్య, రామిశెట్టి రాంబాబు, రావుల రమేష్ బ్యాడ్ గర్ల్స్ సినిమాను నిర్మిస్తున్నారు. ఆస్కార్ విన్నర్ లిరిసిస్ట్ చంద్రబోస్ సాహిత్యం అందిస్తున్న ఈ చిత్రానికి అనూప్ రూబెన్స్ సంగీతం అందిస్తున్నారు.
తాజాగా బ్యాడ్ గర్ల్స్ చిత్రం టైటిల్ మోషన్ పోస్టర్ను ప్రసాద్ ల్యాబ్లో రిలీజ్ చేశారు. ఈ సందర్భంగా నిర్వహించిన గ్రాండ్ ప్రెస్మీట్లో దర్శకులు చందూ మొండేటి , శివ నిర్వాణ, కృష్ణ చైతన్య ముఖ్య అతిథులుగా పాల్గొని బ్యాడ్ గర్ల్స్ టైటిల్ రివీల్ చేశారు.
శివ నిర్వాణ వ్యాఖ్యలు
ఈ కార్యక్రమంలో డైరెక్టర్ కృష్ణ చైతన్య మాట్లాడుతూ.. “మున్నా చాలా సరదాగా ఉంటాడు. చాలా కొద్ది మంది దర్శకులే కొత్తవాళ్లని పెట్టుకుని సినిమా చేస్తారు. నా మిత్రుడు మున్నా కష్టానికి తగిన ఫలితం రావాలి. అనూప్ రూబెన్స్ మ్యూజిక్ అద్భుతంగా ఉంటుంది. చంద్రబోస్ గారి పేరు ఉంటే చాలు” అని అన్నారు.
“మొయిన్ 15 ఏళ్ల క్రితమే హీరో అవుతా అని చెప్పాడు. డైరెక్టర్ పవన్కి అప్పగించి నటుడిని చేశా. అక్కడి నుంచి మంచి క్యారెక్టర్స్ చేస్తూ ఇక్కడి వరకు వచ్చాడు. టీమ్ మొత్తానికి ఆల్ ది బెస్ట్” అని దర్శకుడు కృష్ణ చైతన్య తెలిపారు.
ఖుషి దర్శకుడు శివ నిర్వాణ మాట్లాడుతూ.. “బ్యాడ్ గర్ల్స్ మూవీ మంచి సక్సెస్ సాధించాలి. టీమ్ మొత్తానికి ఆల్ ది బెస్ట్. నలుగురు కొత్త అమ్మాయిలను పెట్టి చేయడం నిజంగా సాహసమే. ఇంత యంగ్ టాలెంట్తో కాన్సెప్ట్ ఫిల్మ్ను తీస్తున్న మున్నా ముక్కుసూటి మనిషి. ఈ సినిమా అతడికి మంచి విజయాన్ని అందిస్తుంది” అని పేర్కొన్నారు.
కొత్త నటీమణులపై దృష్టి
“నిర్మాతలందరికీ మంచి డబ్బులు రావాలి. ఈ సినిమాకు రెండు మెయిన్ పిల్లర్స్ అనూప్, చంద్రబోస్ గారు. నీలి నీలి ఆకాశం ఎంతగానో వైరల్ అయింది. ఒక పాటతోనే మున్నా అందరికీ తెలిశాడు. అలాంటి పాట ఈ సినిమాలో కూడా ఒకటి ఉంది. ఈ సినిమా మంచి విజయం సాధించాలి” అని డైరెక్టర్ శివ నిర్వాణ కోరుకున్నారు.
డైరెక్టర్ చందూ మొండేటి మాట్లాడుతూ.. “ఈ సినిమాలో ఆర్టిస్టులు, టెక్నీషియన్స్ అందరూ నాకు పరిచయం ఉన్నవాళ్లే. ఈ సినిమా పెద్ద హిట్ అవ్వాలి. అందరికీ ఆల్ ది బెస్ట్” అని అన్నారు.
‘బ్యాడ్ గర్ల్స్’ చిత్రం టీమ్ కృషికి శివ నిర్వాణ అభినందనలు తెలిపారు. సినిమా విజయవంతం కావాలని ఆకాంక్షించారు. కొత్త నటీమణులు, అనూప్ రూబెన్స్, చంద్రబోస్ల కలయిక ఆసక్తిని రేకెత్తిస్తోంది.
