రాజమౌళి-మహేష్ బాబు కాంబినేషన్లో రాబోతున్న ‘వారణాసి’ చిత్రంపై భారీ అంచనాలు నెలకొన్నాయి. ఈ సినిమాలోని 30 నిమిషాల యాక్షన్ ఎపిసోడ్ గురించి కథారచయిత విజయేంద్ర ప్రసాద్ సంచలన వ్యాఖ్యలు చేశారు. మహేష్ విశ్వరూపం చూసి ప్రేక్షకులు షాక్ అవుతారని వెల్లడించారు. ఇది సినిమాపై మరింత ఆసక్తిని పెంచుతోంది.
Key Points
రాజమౌళి-మహేష్ బాబు సినిమాకు 'వారణాసి' అనే టైటిల్ ఖరారు.
విజయేంద్ర ప్రసాద్ 30 నిమిషాల యాక్షన్ ఎపిసోడ్ చూసి ఆశ్చర్యపోయారు.
మహేష్ బాబు స్క్రీన్ ప్రెజెన్స్ అద్భుతమని విజయేంద్ర ప్రసాద్ వెల్లడి.
క్లైమాక్స్ కావచ్చని, భారీ అంచనాలతో అభిమానులు ఎదురుచూస్తున్నారు.
రాజమౌళి-మహేష్ సినిమా అప్డేట్స్
దర్శకుడు రాజమౌళి, మహేశ్ బాబుతో సినిమా చేస్తున్నట్లు మొన్నటివరకు బయటపెట్టలేదు. అలాంటిది ఇప్పుడు ‘గ్లోబ్ ట్రాటర్’ ఈవెంట్ అనేసరికి అభిమానులు తెగ ఎగ్జైట్ అయిపోయారు. ప్రస్తుతం వేలాదిమంది సమక్షంలో ఈవెంట్ అంగరంగ వైభవంగా జరుగుతోంది. ‘వారణాసి’ అనే టైటిల్ ఫిక్స్ చేశారు. ఈ మేరకు ఫొటోలు, వీడియోలు తెగ వైరల్ అవుతున్నాయి. తాజాగా మూవీ గురించి, మహేశ్ యాక్టింగ్ గురించి కూడా అద్భుతమైన అప్డేట్ వచ్చేసింది.
విజయేంద్ర ప్రసాద్ సంచలన వ్యాఖ్యలు
‘వారణాసి’ కథని రాసిన రాజమౌళి తండ్రి విజయేంద్ర ప్రసాద్ మాట్లాడుతూ.. ‘ఈ సినిమా తాలూకు 30 నిమషాల యాక్షన్ ఎపిసోడ్ చూశాను. అందులో సీజీ లేదు, బీజీఎం లేదు, అయినా కానీ మహేశ్ బాబుని అలా చూస్తూ ఉండిపోయాను. ఎందుకంటే స్క్రీన్ ప్రెజెన్స్ నన్ను మంత్రంతో కట్టి పడేసింది. మీరు కూడా అనుభూతి పొందుతారు. మహేశ్ తాలూకు విశ్వరూపం చూసి షాక్ అవుతారు. కొన్ని కొన్ని సినిమాలు మనుషులు చేస్తారు. కానీ కొన్ని కొన్ని సినిమాలు దేవతలు చేయించుకుంటారు అనుక్షణం రాజమౌళి గుండెలపై హనుమాన్ ఉన్నారు. ఏం చేయాలో చెబుతూ ఉన్నారు’ అని విజయేంద్రప్రసాద్ చెప్పారు.
30 నిమిషాల యాక్షన్ ఎపిసోడ్ పై అంచనాలు
30 నిమిషాల పాటు సాగే యాక్షన్ ఎపిసోడ్ అంటే కచ్చితంగా ఇది క్లైమాక్స్ అయి ఉండొచ్చు. విజయేంద్రప్రసాద్ చెప్పిన దానిబట్టి చూస్తే యాక్షన్ ఎపిసోడ్స్ అయితే కొంతమేర తీశారు. కాకపోతే దీనికి సీజీ, గ్రాఫిక్స్, బీజీఎం లాంటివి జోడిస్తే ఏ రేంజులో ఉంటుందోనని అభిమానులు అప్పుడే అంచనాలు పెంచేసుకుంటున్నారు.
విజయేంద్ర ప్రసాద్ వ్యాఖ్యలతో ‘వారణాసి’పై అంచనాలు ఆకాశాన్నంటాయి. మహేష్ బాబు అద్భుతమైన ప్రదర్శన, రాజమౌళి విజన్ తో ఈ సినిమా ఓ విజువల్ వండర్ గా నిలవడం ఖాయమని సినీ వర్గాలు భావిస్తున్నాయి. అభిమానులు ఈ సినిమా కోసం ఎంతో ఆతృతగా ఎదురుచూస్తున్నారు.
