📌 Key Points
- మలయాళ నటుడితో డేటింగ్, మోసపోయానన్న మమతా మోహన్ దాస్ సంచలన ప్రకటన!
- క్యాన్సర్ తర్వాత ప్రేమలో మోసం జరిగిందని ఆమె వెల్లడి.
- చిన్ననాటి స్నేహితుడితో వివాహం, ఆరు నెలలకే విడాకులు!
- ప్రేమ కంటే కెరీరే ముఖ్యమని చెప్పిన వ్యక్తితో బ్రేకప్!
టాలీవుడ్ హీరోయిన్ మమతా మోహన్ దాస్ తన జీవితంలో జరిగిన కొన్ని చేదు అనుభవాలను పంచుకున్నారు. ఆమె ప్రేమ, పెళ్లి, మోసం గురించి చేసిన కామెంట్స్ ఇప్పుడు వైరల్ అవుతున్నాయి. పూర్తి వివరాల్లోకి వెళ్దాం!
క్యాన్సర్ సమయంలో ప్రేమలో మోసం!
టాలీవుడ్ ప్రేక్షకులకు ‘యమదొంగ’ సినిమాతో సుపరిచితురాలైన మమతా మోహన్ దాస్.. కేవలం నటిగానే కాకుండా సింగర్గా కూడా ఆమె తనకంటూ ఓ ప్రత్యేక గుర్తింపు తెచ్చుకుంది. అయితే, ఆమె కెరీర్ సక్సెస్ఫుల్గా సాగింది కానీ.. వ్యక్తిగత జీవితంలో మాత్రం అంతకంటే ఎక్కువ కష్టాలను ఎదుర్కొంది. కెరీర్ పీక్ స్టేజ్లో ఉన్నప్పుడే మమత రెండుసార్లు క్యాన్సర్ బారిన పడింది. 2009లో మొదట క్యాన్సర్ సోకగా, దాన్ని జయించి మళ్ళీ సినిమాల్లోకి వచ్చింది. కానీ 2013లో అది మళ్ళీ తిరగబెట్టింది. ఆ సమయంలోనే ఆమెకు బొల్లి వ్యాధి కూడా సోకింది. ఇన్ని సమస్యలు చుట్టుముట్టినా మమత ఎక్కడా ధైర్యం కోల్పోలేదు. చిరునవ్వుతో ఆ సమస్యలన్నింటినీ ఎదుర్కొని ఇప్పుడు అందరికీ స్ఫూర్తిగా నిలుస్తోంది.
వివాహం, విడాకుల గురించి మమత షాకింగ్ కామెంట్స్!
తాజాగా ఓ పాడ్కాస్ట్లో పాల్గొన్న మమత.. తన ప్రేమ, పెళ్లి, క్యాన్సర్ పోరాటం గురించి సంచలన విషయాలు బయటపెట్టింది. ‘‘నాకు డేటింగ్, లవ్ వంటి విషయాల్లో పెద్దగా అనుభవం లేదు. కానీ క్యాన్సర్ ఉన్నట్లు తెలిసిన తర్వాత, ఒక సాధారణ మహిళలా నా మనసులోని కోరికలను నెరవేర్చుకోవాలని అనుకున్నాను. ఆ సమయంలో మలయాళంలో ఒక ప్రముఖ నటుడు నన్ను డేటింగ్ చేద్దామని అడిగాడు. మా అమ్మ కూడా ఓకే చెప్పింది. కానీ, అతనికి అప్పటికే వేరే అమ్మాయితో నిశ్చితార్థం అయిందనే విషయాన్ని నా దగ్గర దాచిపెట్టి.. నన్ను దారుణంగా మోసం చేశాడు. ఆ నిజం తెలిసి నేను షాక్ అయ్యాను’’ అంటూ తన చేదు అనుభవాన్ని పంచుకుంది. ఆ తర్వాత మరో వ్యక్తి పరిచయమైనా, అతను ప్రేమ కంటే కెరీర్ ముఖ్యం అని చెప్పడంతో ఆ బంధం కూడా ముగిసిపోయిందని మమత తెలిపింది.
కెరీర్ ముఖ్యమంటూ బ్రేకప్ చెప్పిన ప్రియుడు!
తన వివాహ బంధం గురించి కూడా మమత ఆసక్తికర విషయాలు చెప్పింది. తన చిన్ననాటి స్నేహితుడు ప్రజిత్ను అతని సోదరి పెళ్లిలో కలిశానని, ఇద్దరం ఇష్టపడి పెళ్లి చేసుకున్నామని.. కానీ కొద్ది రోజులకే విడిపోయామని పేర్కొంది. 2011లో వీరి వివాహం చాలా నిరాడంబరంగా జరిగింది. కానీ, ఏమైందో ఏమో గానీ.. పెళ్లయిన ఆరు నెలలకే వీరిద్దరూ విడిపోయారు. ‘‘ఆ నిర్ణయం తీసుకోవడం నాకు చాలా కష్టమైంది. ఒకవైపు నా అనారోగ్యం, మరోవైపు పెళ్లి పెటాకులు అవ్వడం నన్ను మానసికంగా కుంగదీశాయి’’ అని ఆమె ఆవేదన వ్యక్తం చేసింది.
మమతా మోహన్ దాస్ చేసిన ఈ సంచలన ప్రకటన టాలీవుడ్ లో హాట్ టాపిక్ గా మారింది. ఆమె వ్యక్తిగత జీవితంలోని మరిన్ని విషయాలు తెలుసుకోవడానికి చూస్తూనే ఉండండి.
