📌 Key Points
- మంగ్లీ పేరుతో మైక్రో ఫైనాన్స్ మోసాలు జరుగుతున్నాయని ఆరోపణలు.
- ఈ ఆరోపణలను ఖండిస్తూ మంగ్లీ ఒక బహిరంగ లేఖ విడుదల చేసింది.
- కరెన్సీ కట్టల వీడియోలకు తన కుటుంబానికి సంబంధం లేదని మంగ్లీ స్పష్టం చేసింది.
- తన పేరును వాడుకుని మోసాలు చేస్తే పోలీసులకు ఫిర్యాదు చేయాలని మంగ్లీ కోరింది.
ప్రముఖ సింగర్ మంగ్లీ ఒక వివాదంలో చిక్కుకున్నారు. ఆమె పేరును ఉపయోగించి కొందరు మైక్రో ఫైనాన్స్ మోసాలకు పాల్పడుతున్నారని ఆరోపణలు వస్తున్నాయి. దీనిపై మంగ్లీ స్పందిస్తూ తన వివరణ ఇచ్చారు. పూర్తి వివరాల్లోకి వెళ్దాం.
మంగ్లీ పేరుతో మోసాలు: అసలు కథేమిటి?
Mangli Controversy: టాలీవుడ్ సెన్సేషనల్ సింగర్ మంగ్లీ ఇప్పుడు ఒక భారీ వివాదంలో చిక్కుకుంది. తన పాటలతో స్టేజిని ఊపేసే ఈ జానపద గాయని, ఇప్పుడు ‘మైక్రో ఫైనాన్స్’ మోసాల వ్యవహారంతో వార్తల్లో నిలిచింది. మంగ్లీ పేరు చెప్పి కొందరు కేటుగాళ్లు అమాయక ప్రజల దగ్గర అడ్డగోలుగా డబ్బులు వసూలు చేశారనే వార్త ఇప్పుడు సోషల్ మీడియాలో దావానంలా వ్యాపిస్తోంది. ఈ వ్యవహారం ముదురుతుండటంతో, మంగ్లీ హుటాహుటిన ఒక బహిరంగ లేఖను విడుదల చేసి తన ‘క్లీన్ చిట్’ ఇచ్చుకునే ప్రయత్నం చేసింది.
వైరల్ అవుతున్న కరెన్సీ కట్టల వీడియోలు
కరెన్సీ కట్టల వీడియోలు.. మంగ్లీ ఫ్యామిలీకి లింక్? సోషల్ మీడియాలో గత కొన్ని రోజులుగా కరెన్సీ కట్టలకు సంబంధించిన కొన్ని వీడియోలు తెగ వైరల్ అవుతున్నాయి. ఈ డబ్బుకు, మంగ్లీ ఇంటికి సంబంధం ఉందంటూ నెటిజన్లు రచ్చ చేస్తున్నారు. దీనిపై మంగ్లీ ఫైర్ అయ్యింది. “ఆ వీడియోలకు, మా ఇంటికి ఏమాత్రం సంబంధం లేదు” అంటూ తెగేసి చెప్పింది. అయితే, అసలు ఫైనాన్స్ వ్యాపారులతో మంగ్లీకి ఉన్న రిలేషన్ ఏంటి? కేవలం ఈవెంట్ల కోసమే కలిశారా? లేక లోపల ఇంకేదైనా జరిగిందా? అనే అనుమానాలు మాత్రం ఆగడం లేదు.
తమ్ముడి పేరు బయటకి.. కావాలనే టార్గెట్ చేస్తున్నారా? ఈ వివాదంలో మంగ్లీ తన తమ్ముడి పేరును కూడా ప్రస్తావించడం గమనార్హం. “ప్రొఫెషనల్ ఈవెంట్స్ కోసం నన్ను, నా తమ్ముడిని రోజు చాలా మంది సంప్రదిస్తుంటారు.. అంతకు మించి మాకు ఎవరితోనూ పర్సనల్ బిజినెస్ డీలింగ్స్ లేవు” అని మంగ్లీ స్పష్టం చేసింది. తన పేరు ప్రఖ్యాతులకు భంగం కలిగించేలా కొందరు పనిగట్టుకుని ఈ దుష్ప్రచారం చేస్తున్నారని ఆమె ఆవేదన వ్యక్తం చేసింది. కానీ, ఒక సెలబ్రిటీ పేరు చెప్పి కోట్లు వసూలు చేస్తున్నారంటే, ఆ కేటుగాళ్లకు మంగ్లీతో ఉన్న యాక్సెస్ ఏంటనేది ఇప్పుడు హాట్ టాపిక్!
పోలీసులకు మంగ్లీ విజ్ఞప్తి
పోలీసులకు రిక్వెస్ట్.. మోసపోయిన వారి పరిస్థితి ఏంటి? “నా పేరు చెప్పి ఎవరైనా డబ్బులు అడిగితే నమ్మకండి.. అలా మోసపోయిన వారికి న్యాయం చేయాలని పోలీస్ డిపార్ట్మెంట్ను కోరుతున్నాను” అంటూ మంగ్లీ రిక్వెస్ట్ చేసింది. అంటే, ఇప్పటికే మంగ్లీ పేరు మీద పెద్ద ఎత్తున వసూళ్లు జరిగాయని ఆమె పరోక్షంగా ఒప్పుకున్నట్టేనా? అన్న చర్చ మొదలైంది. ఒకవైపు స్టార్ సింగర్గా వెలుగుతున్న సమయంలో ఇలాంటి ‘చిల్లర’ ఫైనాన్స్ గొడవల్లో పేరు రావడం మంగ్లీ కెరీర్కు పెద్ద మైనస్ అని విశ్లేషకులు భావిస్తున్నారు.మొత్తానికి మంగ్లీ అయితే లెటర్ రాసి తన గోడు వెళ్లబోసుకుంది. కానీ, బాధితులు మాత్రం మంగ్లీని చూసే డబ్బులు ఇచ్చామని గగ్గోలు పెడుతున్నారు. పోలీసులు రంగంలోకి దిగితే తప్ప ఈ ‘మైక్రో ఫైనాన్స్’ మాయాజాలంలో అసలు దొంగలెవరో, మంగ్లీ పాత్ర ఎంత ఉందో తేలదు. ఈ వివాదం మంగ్లీ ఇమేజ్ను ఎంతవరకు డ్యామేజ్ చేస్తుందో వేచి చూడాలి!
Tags Mangli Finance Scam Mangli Microfinance Issue Mangli Singer Controversy Tollywood Singer News Viral Cash Videos Mangli Share
మంగ్లీ పేరుతో జరుగుతున్న ఈ మోసాలపై పోలీసులు ఎలా స్పందిస్తారో చూడాలి. ఈ వ్యవహారం మంగ్లీ కెరీర్పై ఎలాంటి ప్రభావం చూపుతుందో వేచి చూడాలి.
