📌 Key Points
- చిరంజీవి 158వ సినిమా బాబీ దర్శకత్వంలో కెవిఎన్ ప్రొడక్షన్స్పై రూపొందనుంది.
- ఏప్రిల్ 11న పూజా కార్యక్రమాలు, ఏప్రిల్ 20 నుంచి రెగ్యులర్ షూటింగ్ ప్రారంభం.
- ఈ సినిమాలో చిరంజీవి గ్యాంగ్స్టర్గా కనిపించనున్నారు, కలకత్తా బ్యాక్డ్రాప్లో చిత్రం నడుస్తుంది.
- విశ్వంభర సినిమా విఎఫ్ఎక్స్ పనుల కారణంగా విడుదల ఆలస్యం.
మెగాస్టార్ చిరంజీవి తన 158వ సినిమాను బాబీ దర్శకత్వంలో చేయనున్నారు. ఈ సినిమా ఏప్రిల్ 11న పూజా కార్యక్రమాలతో ప్రారంభం కానుంది. ఏప్రిల్ 20 నుంచి రెగ్యులర్ షూటింగ్ ప్రారంభమవుతుంది. ఈ చిత్రం కలకత్తా బ్యాక్డ్రాప్లో ఉండనుంది.
మెగా 158 ముహూర్తం ఎప్పుడు?
Mega 158 Film: మెగాస్టార్ చిరంజీవి ఈ ఏడాది సంక్రాంతి పండుగ సందర్భంగా మన శంకర్ వరప్రసాద్ గారు అనే సినిమా ద్వారా ప్రేక్షకుల ముందుకు వచ్చి ఎంతో అద్భుతమైన విజయాన్ని అందుకున్నారు. అనిల్ రావిపూడి దర్శకత్వంలో ప్రేక్షకుల ముందుకు వచ్చిన ఈ సినిమా సుమారు 350 కోట్లకు పైగా కలెక్షన్లను రాబట్టి ఎంతో మంచి విషయాన్ని అందుకుంది. ఈ సినిమా మంచి సక్సెస్ కావడంతో చిరంజీవి తదుపరి సినిమాపై భారీగా అంచనాలు ఏర్పడ్డాయి. ఈయన తన 158వ సినిమాని బాబి డైరెక్షన్లో చేయబోతున్న సంగతి తెలిసిందే.
ఈ సినిమాని అధికారకంగా ప్రకటించారు. కెవిఎన్ ప్రొడక్షన్ బ్యానర్ పై ఈ సినిమా ప్రేక్షకుల ముందుకు రాబోతోంది. నిజానికి ఈ సినిమా గత ఏడాదే షూటింగ్ పనులను ప్రారంభించుకోవాల్సి ఉండగా కొన్ని అనివార్య కారణాల వల్ల వాయిదా పడుతూ వస్తోంది. ఈ నేపథ్యంలోనే ఏప్రిల్ నెలలో ఈ సినిమాకు ముహూర్తం ఫిక్స్ చేసినట్టు తెలుస్తోంది. ఈ సినిమా ఏప్రిల్ 11వ తేదీ ఎంతో ఘనంగా పూజ కార్యక్రమాలను జరుపుకోబోతున్నారు. అలాగే ఏప్రిల్ 20వ తేదీ నుంచి రెగ్యులర్ షూటింగ్ పనులను జరుపుకోబోతున్నట్టు సోషల్ మీడియాలో వార్తలు హల్చల్ చేస్తున్నాయి.
గ్యాంగ్స్టర్గా చిరంజీవి లుక్ ఎలా ఉండబోతుంది?
ఇలా ఈ సినిమా పూజా కార్యక్రమాలు రెగ్యులర్ షూటింగ్ కి సంబంధించిన అప్డేట్ రావడంతో మెగా అభిమానులు ఎంతో సంతోషం వ్యక్తం చేస్తున్నారు. ఇక త్వరలోనే ఈ విషయానికి సంబంధించి కెవిఎన్ ప్రొడక్షన్స్ అధికారకంగా ప్రకటించబోతున్నట్టు సమాచారం. ఈ సినిమా కలకత్తా బ్యాక్ డ్రాప్ లో ప్రేక్షకుల ముందుకు రాబోతుందని, ఇందులో చిరంజీవి గ్యాంగ్ స్టర్ పాత్రలో కనిపించబోతున్నారని సోషల్ మీడియాలో వార్తలు హల్చల్ చేస్తున్నాయి. ఇక ఈ సినిమాలో సీనియర్ నటుడు మోహన్ లాల్ కూడా బాగమవుతున్న సంగతి తెలిసిందే. చిరంజీవి జోడిగా సీనియర్ నటి ప్రియమణి హీరోయిన్గా నటించగా వీరి కూతురు పాత్రలో అనస్వర రాజన్ నటించబోతున్నట్టు సమాచారం.
విడుదలకు సిద్ధంగా విశ్వంభర…
విశ్వంభర విడుదల ఎప్పుడు?
ఇలా ఈ సినిమాకు సంబంధించి ఈ వార్తల పట్ల ఇప్పటివరకు చిత్ర బృందం ఎక్కడ అధికారకంగా ప్రకటించలేదు కానీ ఈ వార్తలు మాత్రం వైరల్ అవుతున్నాయి. చిరంజీవి ఇప్పటికే డైరెక్టర్ వశిష్ట దర్శకత్వంలో నటించిన విశ్వంభర సినిమా ప్రేక్షకుల ముందుకు రావడానికి సిద్ధమవుతుంది. ఈ సినిమా గత ఏడాది విడుదల కావాల్సి ఉండగా విఎఫ్ఎక్స్ పనులు కారణంగా ఈ సినిమా ఇప్పటికీ విడుదలకు నోచుకోలేదు. మంచి క్వాలిటీతో ఈ సినిమాని ప్రేక్షకుల ముందుకు తీసుకురావాలన్న ఉద్దేశంతోనే సినిమాని ఆలస్యం చేస్తున్నారని తెలుస్తోంది. చిరంజీవికి జోడిగా ఇక ఈ సినిమాలో త్రిష హీరోయిన్ గా నటించిన సంగతి తెలిసిందే.
చిరంజీవి వరుస సినిమాలతో అభిమానులకు వినోదం పంచడానికి సిద్ధంగా ఉన్నారు. మెగా 158 చిత్రంపై భారీ అంచనాలు ఉన్నాయి. త్వరలోనే మరిన్ని వివరాలు వెల్లడి కానున్నాయి.
