📌 Key Points
- ‘మన శంకరవరప్రసాద్ గారు’ ట్రైలర్కు 24 గంటల్లోనే 25 మిలియన్ వ్యూస్.
- సంక్రాంతి కానుకగా జనవరి 12న సినిమా విడుదల కానుంది.
- చిరంజీవి, నయనతార, వెంకటేష్ కీలక పాత్రల్లో నటించారు.
- అనిల్ రావిపూడి దర్శకత్వంలో కామెడీ, యాక్షన్ మేళవింపుతో ఈ చిత్రం తెరకెక్కింది.
మెగాస్టార్ చిరంజీవి నటించిన ‘మన శంకరవరప్రసాద్ గారు’ ట్రైలర్ యూట్యూబ్లో చరిత్ర సృష్టిస్తోంది. విడుదలైన 24 గంటల్లోనే 25 మిలియన్ల వ్యూస్ సాధించి రికార్డులను తిరగరాసింది. ఈ సంక్రాంతికి విడుదల కానున్న ఈ సినిమాపై భారీ అంచనాలు నెలకొన్నాయి. అనిల్ రావిపూడి దర్శకత్వంలో తెరకెక్కిన ఈ చిత్రం ప్రేక్షకుల మన్ననలు పొందడానికి సిద్ధంగా ఉంది.
ట్రైలర్ వ్యూస్ లో మెగాస్టార్ రికార్డులు
మెగాస్టార్ చిరంజీవి నటించిన మన శంకరవరప్రసాద్ గారు మూవీ ట్రైలర్ యూట్యూబ్ లో సంచలనాలు సృష్టిస్తోంది. తొలి 24 గంటల్లోనే ఈ ట్రైలర్ కు 25 మిలియన్ వ్యూస్ రావడం విశేషం. ఇది మేకర్స్ లో మరింత ఉత్సాహం ఇస్తోంది.
ఈ సంక్రాంతికి వస్తున్న సినిమాల్లో చిరంజీవి మన శంకరవరప్రసాద్ గారు కూడా ఎంతో ఆసక్తి రేపుతోంది. అనిల్ రావిపూడి కాంబినేషన్ కావడంతో దీనిపై భారీ అంచనాలు ఉన్నాయి. దీంతో మూవీ ట్రైలర్ వచ్చీరాగానే యూట్యూబ్ లో సంచలనాలు క్రియేట్ చేస్తోంది.
మన శంకరవరప్రసాద్ గారు ట్రైలర్
మన శంకరవరప్రసాద్ గారు: కథ, విశేషాలు
‘‘ఇంటిలిజెన్స్ బ్యూరో, రా ఏజెంట్, నేషనల్ సెక్యూరిటీ అడ్వైజర్. ఎలాంటి క్రిమినల్ ను అయినా ఉతికి, పిండి ఆరేస్తారు. తప్పు చేసినోన్ని కోసి కారం పెడతారు’’ అని బ్యాక్ గ్రౌండ్ లో ఎలివేషన్ వస్తుంటే చిరు మాత్రం బట్టలు ఉతుకుతూ, వంకాయ మసాల కర్రీ చేస్తూ కనిపించాడు.
నయనతారతో చిరంజీవి లవ్ సీన్లు కూడా ట్రైలర్ లో ఆకట్టుకున్నాయి. ఆ తర్వాత భార్య టార్చర్ కు చిరులో కనిపించే ఫ్రస్టేషన్ కామెడీ పండిస్తుంది. మనల్ని టార్చర్ పెట్టే పెళ్లాం తరుపు బంధువులను, మరీ ముఖ్యంగా అత్తగారిని, మామగారిని ఆడుకుంటుంటే ఉంటుందయ్యా అని చిరు తెగ సంబరపడిపోతాడు.
చిరంజీవి, వెంకటేష్ కౌంటర్లు హైలైట్
ట్రైలర్ చివర్లో హెలికాప్టర్ లో వెంకటేష్ ఎంట్రీ అదిరిపోయింది. చిరు, వెంకీ కౌంటర్లు కూడా బాగా పేలాయి. ‘‘చూడటానికి మంచి ఫ్యామిలీ మ్యాన్ లా ఉన్నావ్. ఇలా మాస్ ఎంట్రీలు ఇస్తున్నావేంటీ’’ అని చిరు అంటే.. ‘‘మాస్ కే బాస్ లా ఉన్నావ్. నువ్వు ఫ్యామిలీ సైడ్ రాలేదా ఏంటీ’’ అని వెంకీ అంటాడు.
మన శంకర వరప్రసాద్ గారు సినిమా జనవరి 12న రిలీజ్ కానుంది. ఇందులో చిరంజీవి, వెంకటేష్, నయనతార, కేథరీన్ తదితరులు నటిస్తున్నారు. అనిల్ రావిపూడి డైరెక్టర్. షైన్ స్క్రీన్స్, గోల్డ్ బాక్స్ ఎంటర్ టైన్మెంట్స్ పై సాహు గారపాటి, సుష్మిత కొణిదెల ఈ మూవీని నిర్మించారు.
మొత్తంగా, ‘మన శంకరవరప్రసాద్ గారు’ ట్రైలర్ అంచనాలను మించి దూసుకెళ్తోంది. చిరంజీవి కామెడీ, యాక్షన్, వెంకటేష్ క్యామియో హైలైట్గా నిలిచాయి. సంక్రాంతి పండుగకు ఈ సినిమా బాక్సాఫీస్ వద్ద ఎలాంటి ప్రభంజనం సృష్టిస్తుందో చూడాలి.
